Susassaqartitsinermut siunnersortit marluk

Kommuneqarfik Sermersooq Susassaqartitsinermut Kultureqarnermullu Immikkoortortamut piaartumik atorfinittussanik marlunnik pikkorissunik tunniusimasunillu Susassaqartitsinermut siunnersortinik pissarsiorpoq.

Suliniutinik annikitsunik annertuunillu suliaqarlutit imminut takorloorsinnaavit? Kommune sinnerlugu peqatigiiffilerisuullutit? Taamaappat Kommuneqarfik Sermersuup Susassaqartitsinermut siunnersortitut artorfik pissanganartoq ineriartortuartorlu neqeroorutigisinnaavaa.

Susassaqartitsinermut timersornermullu tunngassuteqartuni assigiinngitsorpassuarni suliassat assigiinngitsut namminersorlutit akisussaassusilimmillu suliarisassavatit. Immikkoortortami sulisut allat, perorsaanermik siunnersorti, suliniutinik suliaqartoq, susassaqartitsinermullu siunnersorti alla kiisalu kulturikkut suliassaqarfimmi sulisut tallimat, peqatigalugit allaffissornikkut suliassaqassaaq, suliniutinik ineriartortitsinermilu suliaqarfiuvoq. 

Susassaqartitsinermut Kultureqarnermullu Immikkoortortami assigiinngitsunik suliniutinik ineriartortitsinermullu tunngasunik suliaqartarpugut, taakkununngalu atatillugu kommuneqarfiup aaqqissuussaanerani suliaqarfiit akornanni suliassat assigiinngitsut suliarineqartarput saniatigullu peqatigiiffiit, kattuffiit allallu suliniuteqartartut suleqatigineqartarlutik. Susassaqartitsinermut kultureqarnermullu suliassaqarfimmi suleqatit assigiinngitsorpassuit suleqatiginissaanut piginnaasaqarlutillu piumassuseqassaatit.

Susassaqartitsinermut siunnersortitut atorfimmut assingusumit misilittagaqaruit iluaqutaassaqaaq. Allaffissornikkut assingusumilluunniit ilinniarsimasuunissat takorloorparput. Namminersorlutit suliassanillu assigiinngitsunik suliaqarnissat, allaffissornermut allatigullu iliuuseqarlutit sulinissat, nuannarissavat. Sulisup naleqquttuunissaa pingaartipparput, tassa atorfimmi assigiinngitsorpassuarnik piginnaasaqarnissaq tatitussuserlu pingaaruteqarmat.

Atorfik ullormut suliffiusussaq tamaat suliffiuvoq, aamma Nuummi Susassaqartitsinermut Kultureqarnermullu Immikkoortortami Fagchefimik qullersaqarpoq.

Atorfimmi akisussaaffinnut piginnaatitaaffinnullu tunngasut:

∙Susassaqartitsinermut Siunnersortimik – misilittagaqarluarsinnaasumik – peqatigiiffinni sulinermik aamma kajumissutsiminnik suliaqartartunik siuarsaasussamik, assigiinngitsunillu tulliuttunik suliaqartussamik pissarsiorpugut:

·Peqatigiiffiit naatsorsuutinik kukkunersiukkanik il.il. tunniussinissaat nakkutigalugu

·Susassaqartitsinermut tunngasuni namminersorluni sanarfinermut ineriartortitsinissamullu suliassanik isumaginnissinnaaneq

·Nuummi susassaqartitsinermullu siuarsaataasumik suliniutinik assigiinngitsunik suliaqarneq

·Susassaqartitsinermut timersornermullu atatillugu kommuneqarfiup anguniagaanik naammassinninniaaneq

·Susassaqartitsinermut timersornermullu atatillugu peqatigiffinnik allanillu suliniuteqartartunik isumaqatigiissusiornerit, siunnersuineq isummanillu avitseqatigiinneq

·Suliniuteqartoqartillugu qinnuteqaateqartoqartillugulu missingersuutissanut missiliuusiornissamut siunnersuisinnaassasutit.

·Tapiiffigineqarnissamut malittarisassanut tunngasuni qinnuteqaatinik suliaqarneq

·Peqatigiiffinnik pikkorissartitsiutigaluni sammisaqartitsinissanik pilersaarusiorneq ingerlatsinerlu

·Susassaqartitsinermut Kultureqarnermullu Immikkoortortami suleqatinut avitseqatigiissuteqartarneq

·Peqatigiiffiit allattorsimaffiinik ataavartumik nutarterisarneq

·Peqatigiiffinnut siunnersuineq

·Kajumissutsimik suliaqarnermik ineriartortitsineq

·Kalaallisut Danskisullu marluinnik oqaaseqartutit

·Suliassat takkussuuttut nalinginnaasut

Suliassat susassaqartitsinermut siunnersorti alla illoqarfinnilu tamani immikkoortumi aqutsisut tamaasa qanimut suleqatigalugit aaqqinneqartassapput.

Tamatuma saniatigut pingaartipparput, qinnuteqartoq:

∙Ineriartortitsinissamik nutarterinissamillu siunnerfeqassasoq.

·Suliniutinik ingerlatsinermik ineriartortitsinermillu misilittagalik

·Peqatigiiffinni sulinermik misilittagaqartuunissaa

∙Tamakkiisumik takunnissinnaalluni ataatsikkut arlalinnik suliaqarsinnaasoq

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

∙Namminersorluni, akisussaassuseqarluni kiffartuussisinnaallunilu sulisinnaasoq

∙Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartoq

∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

∙Tatitooq, pilersitsisinnaasoq, nukissaqarluartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Siamasissumik suleqateqarluarsinnaasoq.

Uagut neqeroorutigaavut:

Suliffik unamminartulik, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut. Piffissaq suliffiusoq nikerarsinnaasarpoq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: fagchefi Aviaaja Barlach Pregaard , oqarasuaat +299 36 75 05 imaluunniit e-mail: avbp@sermersooq.gl

Pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune taakkuninnga pissarsippat atorfinitsitsineq aatsaat pisinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip Pinerluuteqarsimannginnermut aammalu meeqqanut pinerluuteqarsimannginnermut uppernarsaat politiinit tigoreernerata kingorna.

Akissarsianut atorfinitsitsinermilu tunngasut:

Namminersorlutik Oqartussat aamma kattuffiup isumaqatigiinniarsinnaatitaasup akornanni isumaqatigiissut sukkulluunniit atuuttoq naapertorlugu akissaasersuisoqassaaq atorfinitsitaanermilu atugassaqartitsisoqarluni.

Atorfinitsitsineq qaammatini pingasuni misilinneqarfiligaavoq.

Ineqarneq

Atorfininnermut atatillugu inissaqartitsisoqanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 313-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 17.-at, 2024

Atorfik una qinnuteqarfigiuk