GUX Nuuk ilinniartitsisunik pissarsiorpoq

GUX Nuummi atorfinnik inuttassarsiugaqarpoq tamarmik piffissaq tamakkerlugu suliffiusussanik, kingusinnerpaamik atorfiniffissaq ulloq 1. augusti 2024, imaluunniit isumaqatigiissuteqarnikkut. Atorfiit tassaapput aalajangersimasumik atorfiit, kisianni ataasiakkaanut tunngatillugu piffissamut aalajangersimasumut isumaqatigiissuteqartoqarsinnaavoq. Piukkunnaatillit fagini marlunnik imaluunniit amerlanerusuni ilinniartitsisinnaasut piumaneqarnerupput, kiisalu fagit tulliuttut immikkut soqutigineqarput, ilinniarnertuunngorniarfimmi fagini ilinniartitsissutigineqartuni tulleriiaani tassaasuni; Kalaallisut, eqqumiitsuliorluni assilialiorneq, biologi, fysik, matematik, Spaniamiutut aamma science.

GUX Nuuk Kalaallit Nunaanni GU – t annersaraat atuarfiusumilu nutaami 500-t miss. atuartoqassalluni, toqqagassani arfineq pingasuni, ukiuni pingasuni ingerlasartuni, ilinniartitsisut 55 it missaanni amerlassuseqarput, taassumalu sanianigut atorfillit 15 missaanniittut. Ilinniartugut assigiinngilluinnartunik tunuliaqutaqarput, anguniagarli ataasiinnaalluni tamanut, tassalu ilinniarnertuunngornissaq.

Atuarfimmut atasumik atuartunut inissiaqarpoq, atuisullu Tasiilamiit kitaanut Paamiut ilanngullugu GUX-Nuummut atuariartarput, amerlanerilli Nuumminngaanneersut ilinniartuusarlutik. Atuarfimmi periuseq atorparput, kulturi tunngavigalugu ilinniartitsineq, allattariarsorneq, ilinniartullu qitiutillugit ingerlatsineq.

Ilinniartitsisussarsiorpugut, tunniusimasunik, ataqatigiissaarilluarsinnaasunillu, qiimaneq aammalu nutaaliorneq ulluinnarni atoraanni iluaqutaalluarsinnaallutik.

Uagut naatsorsuutigaarput:

• Tassa illit kandidatitut imaluunniit assingusumik ilinniagaqartuusutit
• Tassa illit piviusumik pædagogikimut aamma atuarfimmut tunngasumik ineriartortitsinissamut peqataanissaq piareersimaffigigit
• Tassa illit suleqativit aamma aqutsisut qanimut suleqatiginissaat piareersimaffigigit, tassani qitiutippagut ulluinnarni unamminartut tunngavigalugit iliuuseqartarnissaq
• Tassa illit inoqatinnut akuersaartuullutit ileqqoqartuusutit, ilinniagaqartut imaluunniit suleqatitit pineqarnersut apeqqutaatinnagu
• Tassa illit ilinniartitsinerit ilinniagaqartunut ilikkagaqarusulersitsissasoq, assigiinngiiaartuussasoq peqataalersitsissallunilu
• Iluaqutaassaaq ilinniartitsinermik misilittagaqartuunerit, kisianni tamanna pinngitsoornani piumasaqaataanngilaq. Ilinniartitsisunut ilinniartitsinermik misilittagaqariinngitsunut tunngaviusumik didaktikimik atuarnerup aallartinnerani pikkorissaanermik ingerlatsissaagut.

Uagut neqeroorutigaavut:

• Atuarfimmi avatangiisit ullormi suliffiusumi ilinniagaqartullu susassareqatigiinnermik, assigiinngiiaartuunermik inissaqartitsineq aamma pisussaaffeqarnermik malunnaateqartut
• Suliatigut avatangiisit misiliisarnernut nutarterinernullu inissaqartitsisuusut
• Pikkorissaanermi aqutsisunit ilitsersuisunillu pikkorissunit ilitsersorneqarnikkut siunissami pædagogikumimik ingerlataqarnissamut periarfissaqarneq
• Atuarfik suli ineriartortuartoq aamma pitsaasumik ataatsimoorfiusoq
• Suliatigut avatangiisit kikkut tamarmik suliffeqarnissaannut inissaqartitsiffiusoq, suleqatinit aamma aqutsisunit siunnersorneqarnissamut, isumasioqatigiinnissamut aamma ilitsersorneqarnissamut periarfissaqarluartoq.
• August aallartilaarnerani atorfinittunut nutaanut sammisaqartitsissaagut.

Ilinniarnertuunngorniarfiup nittartagaani ilinniarnertuunngorniarfik ilinniagaqartuutivullu, Kalaallit Nunaanni ilinniakkat pinngortitamilu periarfissat suuneri pillugit paasissutissanik atuagaqarsinnaavutit. Aammattaaq tassani ilinniarnertuunngorniarfiup takorluugai naleqartitaalu kiisalu akissarsiat pillugit paasissutissanik pissarsisinnaavutit. Taamatuttaaq link una alakkaruk:

Iserasuaat faginut, ilinniartitsinermut, ilinniakkanut pilersaarutit allarpassuillu pillugit paasissutissanik pissarsiniarlutit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Periusissaq

Paasissutissanik sukumiinerusunik paasisaqarusukkuit ilinniartitaanermut aqutsisoq Maureen Hendrikx, oqarasuaat +299 256102 imaluunniit pisortaq Hanne Larsen, oqarasuaat +299 363396 attavigisinnaavatit.

Atorfininnissamut tunngatillugu oqaloqateqarnerit kingusinnerpaamik sap.ak. 20-21-imi ingerlanneqassapput.

Qinnuteqaatit paasissutissat ilinnut tunngasut (CV) aamma soraarummeersimanermut uppernarsaatit tassunga ilanngullugit qinnuteqaasiorfissaq aqqutigalgu kingusinnerpaamik ataasinngorneq 15. maajip nal. 12.00.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk