Ilisimatusarfiup Peqqissaanermik Pinngortitamillu Ilisimatusarfiani Peqqissaasutut ilinniakkamut Studieadjunkti

Ilisimatusarfiup Peqqissaanermik Pinngortitamillu Ilisimatusarfiani Peqqissaasutut ilinniakkamut studieadjunkti

"Ilisimatusarfimmi ilinniartitsisut ilisimatusartullu atorfiisa aaqqissugaanerat pillugu isumaqatigiissut" 1. november 2010-meersumut naleqqiussinikkut studieadjunktimik 2024-mi aggustip aallaqqaataani imaluunniit isumaqatigiissuteqarnikkut aallartittussamik ujarlerpugut.

Suliassat

• Peqqissaasutut ilinniakkap fagiani teorii periutsimilu aammattaaq ilisimasanik suliassaqarfinni allani ilinniartitsineq.
• Suliassanik allaaserinninnermi aamma projektiliornermi ilitsersuineq.
• Suliffinnik misiliiffiusunik aamma ilinniartunik suliffimmik misiliisunik suleqateqarneq.
• Ilinniartitsinermut atatillugu pilersaarusiornernik ineriartortitsinernillu suliassat.
• Aningaasaateqarfinnut qinnuteqarnernut suliaqaqataaneq aamma/imaluunniit ilisimatuutut misissuinerni piusuni peqataaneq.
• Ineriartortitsinermi ilisimatuutullu misissuinermi instituttip avatangiisaanik eqeersimaartumik ineriartortitseqataaneq ikorfartuinerlu.

Qinnuteqartumut naatsorsuutigisavut

• Tunngaviusumik ilinniakkani ilinniartitsinermik aamma ilitsersuisarnermik misilittagaqarneq iluaqutaassaaq.
• Ilisimatuutut misissuinermik aamma ineriartortitsilluni suliaqarnermik misilittagaqarneq iluaqutaassaaq.
• Napparsimasunut peqqissaasutut misilittagaqarneq.
• Kalaallit Nunaanni peqqissaasutut akuerineqarsimaneq.
• Kandidatitut masteritullunniit naleqquttumik ilinniagaqarsimaneq.
• Kalaallit Nunaanni periarfissanik nukittuffinnillu qitiutitsisumik ilinniakkamut periuseqarneq.
• Kalaallit Nunaanni inuusuttunut peqqinnissaqarfimmullu toraagaqarluni iluatsitsilluarfiusumik ilinniakkap ilusilersorneqarneranut tapersiineq.
• Suliffiup ilinniarfiullu avatangiisaasa pitsaasuuginnarnissaanut tapersiisussamik eqeersimaartumik tunniusimasumillu kinaassuseqarneq.

Neqeroorutigaagut

• Suliatigut ilinniartitsinerullu iluani unammillernartut ilikkagaqarfiusartut aamma avatangiisimi arlalinnik kultureqarfiusumi piginnaanngorsarneq.
• Sulisut ilinniartullu atugarissaarnissaannik pingaartitsiviusumi suliffimmi avatangiisit pitsaasut.
• Suleqatit kajumissuseqartut, qanimut suleqatigiittartut akunnerminnilu avitseqatigiillutillu tapersoqatigiittartut.
• Suliatigut ilinniartitsinerullu iluani ineriartornissamut periarfissat.
• Suliassanut annertuumik sunniuteqarsinnaalluni namminersorluni sulineq.

Attavissat/paasissutissat

Atorfik pillugu paasisaqarnerorusukkuit qinnuigissavatsigit Instituttip pisortarigallagaa Carsten Juul Jensen attavigeqqullugu oqarasuaammut uunga +299 516615 imaluunniit e-mailikkut cajj@uni.glIlisimatusarfik aamma Peqqissaanermik Pinngortitamillu Ilisimatusarfik pillugit atuarnerusinnaavutit ugguuna www.uni.gl aamma akissarsiat atorfininnermilu atugassarititaasut pillugit uani http://pk.gl

Qinnuteqaat

Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Ilanngussaq 1: Curriculum Vitae saqqummersissimasat allattorsimaffiat ilaatigut ilanngullugu.
• Ilanngussaq 2: Bacheloritut kandidatitullu ilinniagaqarsimanermik uppernarsaatit.
• Ilanngussaq 3: Ilanngussat allat naleqqussinnaasut

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk