Ilinniartitaanermut immikkoortortami pisortaq

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik ilinniartitaanermut immikkoortortami 1. juni 2024-mi isumaqatigiinnikkulluunniit atorfinissinnaasumik pisortassarsiorput.

Atorfik pillugu

Immikkoortortaqarfimmi pisortap ilinniartitaaneq pillugu suliassaqarfik tamaat akisussaaffigaa, atualinngitsuniit ilinniaqqiffinnut aamma Naalakkersuisut Kalaallit Nunaanni ilinniartitaanerup qaffassarnissaanut periaasissaannik suliniutaannillu ineriartortitsinissaq, atuuttussanngortitsinissaq nalilersuinissarlu peqataaffigissavai. Tamatuma saniatigut Ilinniartitaanermut immikkoortortaqarfimmi Kalaallit Nunaata EU-mik illinniartitaanermut suliassaqarfimmi Suleqatigiinnissamik isumaqatigiissutit atuuttussanngortinneqarnissaat isumagineqarpoq. Taamatullu Ilinniartitaanermut immikkoortortaqarfimmi Kalaallit Nunaata EU-mik illinniartitaanermut suliassaqarfimmi Suleqatigiinnissamik isumaqatigiissutit atuuttussanngortinneqarnissaat isumagineqarpoq.

Immikkoortortaqarfimmi pisortaq aamma Naalakkersuisoqarfimmi aqutsisoqatigiinnut timitaliilluni suleqataasinnaasariaqarpoq, Naalakkersuisunik politikikkut sullissisinnasariaqarpoq aamma ilinniartitaanermi suliassaqarfimmi politikikkut allaffissornikkullu suliniutit pitsaasuunissaasa qulakkeerneqarnissaannut peqataassaaq. Suleqatigisannik suleqatiginnilluarsinnaanerit tatiginnissinnaanerillu, aqutsisuni aamma suleqatinni, pingaaruteqarpoq. Naalakkersuisoqarfinni suleqatigiinnerit saniatigut Ilinniartitaanermut Aqutsisoqarfik aamma suleqatigisat attuumassuteqartut suleqatigisinnaasariaqarpatit, tassunga ilanngullugit qitiusumik allaffeqarfimmi naalakkersuisoqarfiit allat aamma kommunini Ingerlatsiviit.

Inuttut piginnaasatit

Immikkoortortami pisortamik sulisussarsiorpugut, suliamut tunngatillugu piginnaaneqartoq, tunniusimasoq sulianullu tunngasutigut killigisat akimorlugit suleqatiginnissinnaasoq aamma ineriartortitsinermik pingaartitsisoq piumassuseqartorlu. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.

Kissaatigaarput, illit:

• Kandidatitut qaffasissusilimmik attuumassutilimmik ilinniagaqartutit.
• Aqutsinermik misilittagaqartutit, ajornanngippat suliffeqarfimmit politikerinit aqunneqartumit, soorlu kommunit imaluunniit Namminersorlutik Oqartussanit.
• Namminersorlutik Oqartussat qitiusumik allaffeqarfianik suliffittut ilisimasaqarnissat aammalu Namminersorlutik Oqartussat sulianik ingerlatseriaaseqarnerat ilisimassagitit
• Naalakkersuisoqarfimmi oqartussaaffeqarfinnik ilisimasaqarnissaq, ingammik ilinniartitaanerup iluani
• Politikkikkut sulianik suliarinnittarneq eqqarsaatigalugu aaqqissuussaasumik sulisinnaasutit
• Suliffeqarfimmik aqutsinermik piginnaasalik, tamatumani suliassanik suliarinnittarnerit suliatigut ilisimasanik tunngaveqarlutik
• Suleqatinut attuumassuteqartunut suliassanik pitsaasumik suliakkiisinnaassuseqartoq
• Pilersaarusiornermut tunngasutigut ataqatigiissaarinermillu tamakkiisumik isiginnissinnaassuseqartutit
• Pisunik paasinnillaqqissoq aamma ulluinnarni qiimasoq nukissaqarluartorlu
• Kalaallit Nunaanni naalakkersuinikkut pissutsit ilisimasaqarluarfigigitit
• Kalaallisut, danskisut tuluttullu piginnaasaqarluartutit

Suliffik pillugu:

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, pisortarisanut aqqutigineqartartut naatsut suleqatillu pimoorussillutillu isumaginnillutik sulisut. Sulisut 40-it missaaniippugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.

Naalakkersuisoqarfimmi aqutsisoqatigiit tassaapput, Naalakkersuisoqarfimmi pisortaq, Kultureqarnermut Timersornermut Ilageeqarnermullu immikkoortortaqarfimmi pisortaq, ilinniartitaanermut suliassaqarfimmi immikkoortortaqarfimmi pisortaq, inatsisinik atuutsitsinermut immikkoortortaqarfimmi pisortaq aamma aningaasaqarnermut, sulisoqarnermut ilinniartitaanermullu immikkoortortaqarfimmi pisortaq. Ilinniartitaanermut immikkoortortaqarfik 15-it missaannik sulisoqarpoq.

Atorfininnermi piumasaqaatit

Atorfik akissaateqarfimmi LR 38-misut qaffasissusilimmi maanna inissisimavoq.

Aningaasarsiat aalajangersimasunik aningaasarsianut ilallit LR 38-mi 1. april 2023-miit qaammammut 56.910,- koruuniupput ukiumullu 682.930,-

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Isumaginninnermut nunamullu namminermut ministereqarfiup aammattaaq kommuninut immikkoortortanullu Kalaallit Nunaanni Namminersorlutik Oqartussani atorfinitsinneqarnermi aningaasarsiaqarani sulinngiffeqarnissamut qinnuteqaatit tigulluarneqartarnissaannik innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqartassalluni.

Inissaqartitsineq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ulloq qinnuteqarfissaq kingulleq

Qinnuteqaat CV aamma attuumassuteqartunik ilanngussartalik matuma ataani innersuussakkut kingusinnerpaamik 15. maj 2024 tiguneqareersimassaaq. E-mailikkut qinnuteqaatit tiguneq ajorpavut.

Paasissutissat sukumiinerusut

Paasisaqarnerorusukkuit naalakkersuisoqarfimmi pisortaq Nuka Kleemann attavigiuk, nukkl@nanoq.gl eller +299 345000

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk