Aningaasaqarnermut immikkoortortaqarfimmi siunnersorti

Kommuneqarfik Sermersooq-p allaffissuata aningaasaqarnermik immikkoortortaqarfianni tamatigoortumik pimoorussisumillu siunnersortimik piaartumik isumaqatigiissuteqarnerulluunniit kingorna atorfinittussamik pissarsiorpoq.
Aningaasaqarnermi siunnersortitut immikkoaortortaqarfinni nikerarfiusumik suliaqarsinnaaneq, ilaatigut immikkoortortaqarfinni ukunani: Kreditorafdeling aammalu Debitorafdelingimi. Immikkoortortaqarfinni taakkunani katillugit 15-inik sulisoqarpoq. Immikkoortortaqarfiup siunertariuaannarpaa pitsanngorsaanissaq, ineriartorneq suleriutsinillu eqaallisaanissaq.
Atorfinittussamut naatsorsuutigineqarpoq sulianut assigiinngitsunut pitsanngorsaanissamut suleqataanissaa sulisooreersut pimoorussisut peqatigalugit.

Atorfiniffissap suliassartai:

Sumi immikkoortortami inissisimaneq ulapinnerlu tunngavigalugit suliassat nikerarsinnaapput, soorlu:

· Akiligassanik isumaginninneq – tiguneraniik akilernissaanut.

· Akiligassat akuerineqarsimasunik akiliinerit.

· Debitorimi – Akiligassamik nassiussinermiik akilerneqarneri isumagineri.

· Ataavartumik akiliisitsiniarnermik suliaqarneq.

· Pisortaniik aningaasanik pissalinnut innuttaasunut akilineq.

· Ataavartumik debitorer, kreditorer, bank-inilu afstemmerineq.

· Saaffiginnissutit suliffeqarfiup iluani avataaniillu isumaginissaat.

· Suliffeqarfiup iluani ilinniartitsineq.

· Acubiz-mut atuisunik nutaanik pilersitsinerit, atuisunillu iluarsaassinerit

· Angalanermut ullormusiassat, siumoorutissanillu bogføriinerit allanillu tunniussassanik Acubiz aqqutigalugu bogføriinerit.

· AD HOC/Piaartumik suliassanik isumaginninneq.

Qinnuteqartumut naatsorsuutigineqartut:

· Kreditor, Debitorinik suliaqarsimanermik misilittagaqarsimanissaq.

· Excel-imik atuinissamik ilisimasaqarluarnissaq.

· Suliassanut nutaanut ammasuunissaq/piareersimasuunissaq.

· Sullisserusussusilik.

· Kommuneqarfinnik ilisimasaqarnissaq, kisianni piumasaqaataanngilaq.

· Microsoft Dynamics AX-imut misilittagaqarnissaq, kisianni piumasaqaataanngilaq.

Tamatumuuna saniatigut pingaartipparput:

· Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat.

· Ataatsimut takunnissinnaaneq attatiinnarlugu arlalinnik suliaqarsinnaasoq.

· Allattariarsornikkut oqaluttariarsornikkullu ersarissumik paatsuugassaanngitsumillu attaveqateqarsinnaasoq.

· Nammineerluni sulisinnaasoq akisussaassuseqartoq kiffartuussinissamullu paasisimasalik.

· Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguuteqartitsisinnaassuseqartoq.

· Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

· Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq.

· Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq.

· Qinnuteqartoq marluinnik oqaasilik (kal/qal) atorfinitsinnissaat orniginartinneqarpoq.

· Arlalissuarnik suleqateqallaqqissoq.

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisuugallartoq Knud Geraae, oqarasuaat +299 367109 imaluunniit e-mail: kger@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. Il. akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 402-24mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 14.-at, 2024

Atorfik una qinnuteqarfigiuk