Inuit Pisinnaatitaffii pillugit Siunnersuisoqatigiit (IPS) AC- fuldmægtigimik pissarsiorpoq

Inuit Pisinnaatitaffii pillugit Siunnersuisoqatigiit (IPS), pimoorussisumik ingerlatitseqqiinermut suliniutinillu aqutsinermut piginnaaneqarluartumik, nunatsinni inuit pisinnaatitaaffiinik nukittorsaaqataallunilu illersueqataarusuttumik, AC fuldmægtigissarsiorpoq.

Atorfimmi ulluinnarni aaqqissuussaanikkut attuumassuteqarfippassualimmi sulissaatit, assigiinngiaanillu- Siunnersuisoqatigiinnik allatseqarnikkut kiffartuussinermiit- ataatsimiinnissannillu isumaginninnermiit, NP-iinnut tunniussaqarnermut- tusarniaanerniillu aningaasaliisussarsiornermut, suliniutinik aqutsinermut ingerlatitseqqiinissamullu atatillugu sulianik sammisanillu naammassinninnermut - suliaqassallutit.

Pingaartumik kalaallisut imarisatsinnik inerisaanermi, suliaqarnermi pitsaassutsimillu qulakkeerinermi pingaarutilimmik inissisimassaatit, kalaallisut saaffiginnissutit akisussaaffigissavatittaaq.

Allatseqarfeeqqatsinni - AC fuldmægtiginik pingasunik, ilinniakkamut naapertuuttumik ikiortitut sulisumik, sulinermik sungiusartumik, allatseqarfimmilu pisortamik- tamarmik ilinniakkat akisussaaffiillu akimorlugit qanimut suleqatigiittunik- sulisulimmi suleqataalissaatit.

Piffissannik suliassannillu, suleqatinut allanut illillu nammineq ulluinnarni kissaatigisannut pisariaqartitannullu sapinngisamik naapertuuttumik aaqqissuussinissamut, pitsaasumik periafissinneqassaatit.

Suliannut atatillugu ineriartornissannut tunngatillugu, atorfimmi pingaaruteqarnerpaaq tassaavoq ilinniagaqassutsikkut nalerisimaarnissat anguniagaqarusuttuunissallu– taamaassappammi ilinniarninnik naammassinnerlaajuguit ukiualunniluunniit misilittagaqaruit- atorfimmi iluatsissinnaassaatit.

Neqeroorutigaagut

• Nunatsinni inuit pisinnaatitaaffiisa samminissaannut periarfissatsialak
• Ulluinnaat toqqammavissiissutaasut iluanni nammineq iliuuseqarnissamut annertuumik periarfissaqarneq
• Atorfik malinnaajuarsinnaanissamut, nutaanik ilikkagaqarnissamut inuillu pisinnaatitaaffiinut tunngatillugu attaveqalernissamut periarfissiisoq.

Suliassat:

• Nittartakkatsinni inuillu attaveqatigiittarfiini attaveqaqatigiinnermi suleqataanermut- kalaallisuunillu pitsaassutsikkut qulakkeerinermut tunngatillugu immikkut akisussaaffeqarneq
• Kalaallisut danskisullu saaffiginnissutinik isumaginninneq
• Aningaasaliisussarsiorneq, suliniutinik aqutsineq ingerlatitseqqiinermut atatillugu suliniutinik sammisanillu naammassinninneq
• Allatseqarnikkut Siunnersuisoqatigiinnut sullisseqataaneq siunnersuisoqatigiillu ataatsimiinnerini isumaginninneq.
• Ataqatigiissaarineq, susassaqaqatinik- tamatumunngalu atatillugu pisortaqarfinnik, inuinnarnik nunanilu tamalaani suliniaqatigiiffinnik suleqateqarneq
• Nunatsinni inuit pisinnaatitaaffiisa qanoq ingerlanerannik nakkutilliinermi peqqataaneq pitsannguivigineqarsinnaasunillu suussusersineq, misissueqqissaarnerni nalunaarusiornernilu suleqataaneq.

Piginnaasat:

• Ilinniagaq naapertuuttoq
• Namminersorluni suleqateqarlunilu sulisinnaaneq
• Kalaallisut danskisullu- allakkatigut oqaatsitigullu- piginnaaneqarneq
• Suliniutinik aqutsinermik sammisanillu ataqatigiissaarinermik misilittagaqarneq iluaqutaassaaq
• Nunatsinni inuit pisinnaatitaaffiinik ilisimasaqarneq imal. soqutiginninneq

Atorfininnermi atugassarititaasut

Atorfik nal. ak. suliffiusartut tamakkerlugit suliffiuvoq Nuummiillunilu.
Atorfininnermi atugassarititaasuni Namminersorlutik Oqartussat kattuffinnut naapertuuttunut isumaqatigiissutaat naapertorneqassaaq.

Atorfininnermut atatillugu inissamik neqeroortoqanngilaq.

Atorfik qinnutigiuk

Kingusinnerpaamik 21. april 2024 qinnuteqaatit, CV allagaatillu naapertuussinnaasut allat, uunga nassiutikkit: allatsi@humanrights.gl

Qinnuteqartunik oqaloqateqarnissap sap. ak. 17-ip 18-illu ingerlaneranni pinissaa naatsorsuutigaarput.

Paasissutissat sukumiinerusut:

Atorfik pillugu apeqqutissaqaruit allatseqarfimmi pisortamut Ditte Lilholmimut attaveqarniarlutit– uunga SMS-ersinnaavutit +299 23 83 24.

Uagut

IPS tassaavoq suliniaqatigiiffik arlaannaannulluunniit attuumassuteqanngitsoq, nunatsinni inuit pisinnaatitaaffiisa ilisimaneqarnissaannik atuutilersinnissaannillu nukittorsaanissamik suliniuteqartoq.

Siunnersuisoqatigiinni ilaasortat 13-iusut allatseqarfeqarput, ataatsimoorlutalu suliassagut ilaatigut tassaapput inuiaqatigiinni inuttut pisinnaatitaaffitsigut unammilligassat suussuersinissaat iliuuseqarfiginissaallu, pisortaqarfinnik susassaqartunillu namminersortunik siunnersuinissaq kiisalu innuttaasut akornanni inuit pisinnaatitaaffiinik paasisimanninnermik pimoorussinermillu annertusaanissaq.

Uagut suliagullu pillugit uani annertunerusunik paasisassarsiorit

www.humanrights.gl