Sermiligaami Alivarpi 4-nik ilinniartitsisussarsiorpoq

Kommuneqarfik Sermersooq, Sermiligaami Alivarpimmi ilinniartitsisunik tsisamanik pikkorissunik, piumassusilinnik, pamersaanermillu soqutiginnilluartunik pissarsiorpoq.

Sermiligaami Alivarpi Tasiilap nunaqarfiinni kangisinnersaavoq 30-llu missaanik atuartoqarluni. Atuartut klassinut sisamanut agguarneqarnikuupput. Ilinniartitsisut akornanni suleqatigiinneq ikioqatigiilluarfiuvoq, ataqatigiinneq nuannisaqartigiinnerlu pingaartinneqarlutik.

Sermiligaaq Tunumi nunaqarfiit inuttunerit ilagaat, 200-t missaanni innuttaqarpoq. Inuiaqatigiit ikitsunnguupput, tamarmik imminnut ilisarisimasut. Sermiligaamiilluni kisimiittutut misigisimanarneq ajorpoq, ikioqatigiinneq annertooq piujuarmat. Nunaqarfik ingerlalluartuuvoq, pinngortitarsuarmillu kusanarluinnartumik avatangiiseqarluni, silamiinnermik nuannarisalinnut periarfissaqarluarluni. Nunaqarfimmi avinngarusimasumi inooriaaseq eqqissisimanartuuvoq, illoqarfimmi inuunermut sanilliullugu allaanerulluni. Pinngortitarsuaq qanimut misigerusukkanni periarfissatsialaavoq. 

Atorfiup imai:

Ilinniartitsisunik ilinniarsimasunik pissarsiorpugut, ilinniartitsisut qitiusumik suliassaannik ingerlatsisussanik. 

∙ Atuartitsinissamut piareersarneq, suinissaq qaninnerusoq ungasinnerusorlu eqqarsaatigalugit.

∙ Atuartitsinermik ingerlatsineq

∙ Atuartitsinermik naliliisarneq.

∙ Atuarfik angerlarsimaffiullu suleqatigigiinnerannik suliaqarneq

∙ Ataatsimiinerni pikkorissarnernilu peqataaneq

∙ Suliassat allat ulluinnarni ingerlanneqartussat, pisortaq peqatigigalugu inissinneqassapput.

Piginnaasassatit:

∙ Ilinniartitsisut ilinniarfianni naammassinnissimanissaq

∙ Piumassuseqarneq angusaqarusunnerlu piginnaaneqarfiginissai

∙ Ulapaarfinni qungujulaarluni suliassanik kivitseqataasinnaaneq

Pingaatipparput:

∙ Kalaallisut oqalunnikkut allannikkullu piginnaasaqarluarnissaq, qallunaatut tuluttullu atuisinnaanissaq iluaqutaassaaq. Kalaallisoorsinnaanngikkannili kalaallisut ilinniarnissamik periarfissiisinnaavugut.

∙ Atuartitsissutinik Kalaallit Nunaanni meeqqat atuarfiannut tulluuttunik piginnaasaqarnissaq, atuartitsissutit tamaasa atorfissaqartippagut.

∙ Ipadit allallu digitalimiik atuiartitsinermut sakkussaasinnaasunut pikkoriffeqarneq, atuartitsinermilu sakkutut atuisinnaanermi piginnaasaqarneq.

∙ Atuartunut maligassiuisuusinnaaneq, saniatigullu atuarnerup avataani sunngiffimmi sammisaqartitsinermut soqutigisaqarsinnaaneq, tassani periarfissaammat soqutigisarluinnarnik ingerlatseqqiisinnaanermik.

∙ Atuartunut 1.-8. klassimi atuartunut ersarissumik attaveqarluarsinnaaneq

∙ Atuartunik immikkut pisariaqartitsisunik atuartisinermik misilittagaqartuuneq, atuartut malinnaaniarnermikkut atuarniarnermikkullu unammillernartitsisut uani eqqarsaatigineqarput.

∙ Atuartitsinissamut aalaakkaasumik pissutsinullu malinnaasumik piareersarsinnaaneq

∙ Atuartut akornanni toqqissisimasumik ersarittumik nipeqarluni oqalussinnaasoq.

∙ Angajoqqaanik suleqateqarluarusuttoq atuartullu qanoq innerinut eqqummaarittoq.

∙ Atuarfimmi aalaakkasumik ineriartortitsinissamut piumassuseqarneq

∙ Immikkoortukkaani suleqatigiinnermi ineriartortitseqataasinnaaneq

∙ Ammasumik inuiaqatigiinnut akuusinnaaneq

Neqeroorfigisinnaavatigit

∙ Atuarfik ineriartorfiusoq inuttullu piginnaasatigut ineriatorfiusinnaasoq

∙ Suliffik pissanganartoq, atuarfeqarfimmi inerisaanermik pingaartitsisoq

∙ Suleqatigiit akornanni tapersersoqatigiinneq

∙ Suleqatigiinneq tapersersoqatigiiffiusoq

∙ Kaalaallisut oqaaseanngikkanni akissarsiaqaatigalugu kalaallisut ilinniarsinnaaneq

∙ Atuarfimmik inerisaaqattaasinnaaneq

∙ Inuttut atuagarsornikkullu ineriartornissamut periarfissaqarneq

∙ Ukiumut akiliutsilluni Qallunaat Nunaanut angalasinnaaneq, ilaquttat peqatigalugit

∙ Akiliutsilluni ilaquttat peqatuigalugit atorfiniffissamut nuunneq

∙ Akiliutsilluni pisattanik nuussineq

∙ Suliffimmut atatillugu pisatsersoriikkamik najugaqarfeqarnissaq, inimullu akiliummut akikillisaavigineqarnissaq periarfissaavoq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Riikki Grønvold, oqarasuaat +299 367303 imaluunniit e-mail: rigr@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 448-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 29.-at, 2024

Atorfik una qinnuteqarfigiuk