Utoqqarnut Sullissiveqarfik ikorfartortimik Nuummi sulisussarsiorpoq

Utoqqarnut Sullissiveqarfik Ikorfartortimik Nuummi piaartumik isumaqatigiinnikkulluunniit sulilersinnaasumik sulisussarsiorpoq.

Nuummi Utoqqarnut Sullissiveqarfik utoqqarnut aamma puiguttortunut namminneq angerlarsimaffimminni najugaqartunut, ikorfartorneqarnissamik, aqqutissiuunneqarnissamik sungiusarnissamillu pisariaqartitsisunut namminneq kissaataat naapertorlugit pitsaanerusumik ulluinnarni nalinginnaasumik inuuneqarnissaannut sullissilluni.

Sullinniarneqartut tassaapput innuttaasut utoqqaat 66-it sinnerlugit ukiullit kiisalu puiguttortut ulluinnarni ikorfartorneqarnissamik pisariaqartitsisut. Ikorfartorteqarnermik neqeroorut iluaquseeqataassaaq innuttaasut utoqqaat 66-it sinnerlugit ukiullit kiisalu puiguttortut ulluinnarnik sapinngisamik nalinginnaanerpaanik inuusinnaanerannut tapersersorneqarnissaat.

Innuttaasut ataasiakkaat nalunaaquttap akunnialunnguini ikorfartorneqarnissamik innersuunnissaannut aqqutissiuunnissaat, kaammattornissaat sungiusarnikkullu ulluinnarni nalinginnaasumik inuuneqarnissaat, namminneq kissaataat naapertorlugit siunertarineqarpoq.

Illit Utoqqarnut Sullissiveqarfimmi Ikorfartortitut innuttaasoq suleqatigalugu ulluinnarni inuuneranut najoqqutassiillutillu qulakkeerisuussaatit, innuttaasoq toqqissisimanermik aalajangersimasunillu najoqqutassaqarnermik misigitillugu, ikorfartortarneratigut, kajumissaartarneratigut aamma aqqutissiuuttarneratigut innuttaasumullu iliuusissatut pilersaarutit naapertorlugit sullinneratigut. Aamma innuttaasumut perorsaanikkut iliuusissatut pilersaarut, illit innuttaasoq suleqatitillu peqatigalugit ingerlaavartumik nalilersuiffigeqqittassavat.

Ikorfartortitut attaveqaataasut ataatsimiinnerini, iliuusissatut pilersaarusiortartut ataatsimiinnerini ataatsimiinnernilu allani peqataasassaatit, tamakku tamarmik innuttaasoq qanimut suleqatigalugu ingerlanneqartassapput.

Atorfik piffissaq suliffiusussaq tamakkerlugu suliffiuvoq

Naatsorsuutigaarput:

Ikorfartortitut, peqqissanermik ikiortitut isumaginninnermilu ikiortitut assingusumilluunniit ilinniagaqarsimassasutit

∙ Kajumissuseqarlutit inuunermullu pitsaasumik isiginnittaaseqarlutit

∙ Namminersorlutit sulisinnaasutit tamatigoortuullutillu

∙ Savituujunissat, aallarnisaasinnaasutit qungujunnartunillu nuannarisaqarlutit

∙ Suleqatigiit amerlanngitsut akornaniissinnaasoq, suleqatigiinneq pingaarnerpaatillugu

∙ Ataatsimut isiginnissinnaanermik piginnaasaqartutit aamma pisunik paasinnissinnaasutit

Pingaartipparputtaaq:

∙ Aalajaatsuunissaq, pitsaassutsimik ilisimasaqarluartoq immikkuualuttunillu maluginiaasinnaasoq

∙ Nammineerluni sulisinnaasoq, akisussaassuseqartoq sullissiumatoorlu

∙ Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartoq

∙ Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

∙ Tatitooq, pilersitsisinnaasoq, nukissaqarluartoq piumassuseqarluartorlu

∙ Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙ Siammasissumik suleqateqarluarsinnaasoq.

Uagut neqeroorutigaavut:

∙ Suliffik pissanganartoq suliassaqarnartorlu, ullullu assigiinngiiaartut.

∙ Aaqqissuussaanermi atorfik sunniuteqaqataanissamut periarfissaqarfiusoq innuttaasunut pitsaanerpaamik iluaqutaasussanngorlugu.

∙ Atorfimmi suliassanullu nammineq sunniuteqarnissamut periarfissalik

∙ Suliassaqarfinni assigiinngitsuni sulisunik suleqateqarnerit

∙ Suliffik innuttaasunik nuannaartunik kajumittunillu sunniuteqarfigineqartoq, taakkuuppullu ulluinnarni sammisaqarnissamut najoqqutaqarnissamullu ikorfartorneqarnissaminnik pisariaqartitsisut

∙ Suleqatit pikkorissut nuannaartullu, qiimanermik pingaartitsisut

∙ Utoqqarnut Sullissiveqarfik ineriartortoq

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Karen Lund Mølgaard, oqarasuaat +299 368142 imaluunniit e-mail: klum@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 445-24-mik ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 29.-at, 2024

Atorfik una qinnuteqarfigiuk