Paasissutissat
Atorfik: Ikiorti aapparisaq
Suliffeqarfik: Namminersorlutik Oqartussat
Qinnuteqarfissaq kingulleq: Maaji 30-at 2024 12:00
Attaveqarfissat: Sussi B. Lynge
+299 36 22 31
Sungiusarfik Aaqa tassaavoq nuna tamakkerlugu ulloq unnuarlu najugaqarfik. tallimanik immikkoortortaqarpoq, immikkoortortaqarfiit sisamat 30-inik inissalit, ornittagarlu 15-inik atuisulik, Najugaqartut tamarmik skizofrenimik nappaatilittut suussusersineqarnikuupput 18-niniit qummut ukioqartuullutik. 80 missanik sulisoqarluni. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartornissamik tunngavilimmik oqaloqatiginninnermik, pikkorissartarnerillu naleqqussakkat.
Sungiusarfik Aaqa souschef-inik marlunnut suliffissaqartitsivoq, souschef-it pisortaqatigiinnut ilaapput.
Sungiusarfik AAQA-mi souschef-mik peqqinnissamut assistent-itut ilinniarsimasumik pissarsiorpoq.
Suliassat pingaarnerit tassaapput ineqartunut tunngasunik suliassanik akisussaasuulluni suliaqartarneq.
Souschef-inngortussaq Aaqap ineriartortinneqarnerani peqataassaaq.
Aaqap avataani suleqatigisatsinnik ataatsimeeqateqartarnerit amerlapput, allakkatigullu attavigine-qartarneri annertullutik, taamaammat pingaaruteqarpoq souschef-ip kalaallisut qallunaatullu atuillu-arsinnaanissaa.
Aaqami pisortaq, tullersortit, immikoortortani aqutsisut, allaffimmioq Aaqami peqqissaanermi immikkortortaq isumaginninnermillu siunnersorti qanimut suleqatigiipput. Pingaartuuvoq suliassatut isumaqatigiissutaasut isumaqatigiissuteqarneq naapertorlugu naammassineqartarnissaat.
Tullersortip forstanderi qullersaraa.
Makku naatsorsuutigaavut:
- Peqqinnissamut assistent-itut ilinniarsimasuunissat.
- Aqutsinermik misilittagaqarsimanissat, pisortatullu ersarissuunissat
- Tatiginartuunissat aamma suleqatiginnikkusuttuuniissat
- Tarnikkut nukittunissat, qajannaatsuunissat aamma nammineerlutit sulisinnaasuseqarnissat
- Suleqatinnut ineqartunullu akuersaartuunissat
- Sulisut kulturinit assigiinngitsuunersut assigiinngitsunillu ilinniagallit suleqatigisinnaanerat.
- Tusarnaallaqqittuuneq
- Qarasaasiamik atuilluarsinnaaneq
- Suliassanik agguaallaqqissuunissat tamakkerlugillu isiginnissinnaassuseqarnissat
- Anguniakkanut qanittunut ungasissunullu suliaqarsinnaanissat
Sapaatip akunneranut suliffik: akunnerit 40-it.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk