Utoqqaat Illuat Peqqissaasumik pissarsiorpoq

Illoqarfimmi inissisimaffiginnerpaami peqqissaasutut suliffissarsiorpit?
Najugaqartut eqqarsaatigalugit sulerusussuseqarpit, suliatigut piukkunnarpit aamma sullisserusussuseqarpit?
Taamaappat Utoqqaat Illuani suleqatitaarisinnaavatsigut.

Utoqqaat Illuat pillugu:

Utoqqaat Illuat Kommuneqarfik Sermersuumi Nuup illoqarfiani suliffeqarfiit nutaannginnerit ilagaat.

Utoqqaat illuani immikkoortortaqarfiit tallimaapput, taakkunanilu puiortunngortut pillorissarfimmiittullu immikkoorutilimmik paaqqinnittarfeqarput. Utoqqaat illuat immikkoortortaqarfinni sisamaasuni 46-nik najugaqartoqarput, taamatullu pillorissartunut iniissat 14-ullutik. Puiortortut immikkoortortaqarfiani Tungiu-mi ilorlermi silarlermilu 19-inik najugaqartoqarpoq Ippanni najugaqartut arfineq pingasut taakkunanilu tallimat pillorissaavimmit najugaqalivinnissaminnut utaqqisunut inissat tallimaallutik. Pillorissaavik 9-nik najugaqarallarfissaateqarpoq aammalu Katak tallimanik najugaqartuuteqarluni.

Ulloq unnuarlu angerlarsimaffiuvugut taamaammallu suleqatigiaat pingasut paarlakaallutik sulisarput. Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut. Utoqqaat Illuani naleqartitat: Qanilaarneq, ikioqatigiinneq, ataqqeqatigiinneq, qiimaneq, tunniusimaneq attaveqaqatigiilluarnerlu.
Immikkoortut sisamat saniatigut aamma sammisassaqartitsiveqarpoq, errorsisarfeqarpoq, igaffeqarpoq, pedeleqarluni kiisalu biilertoqarluni.

Atorfiup imarisaa:

Atorfimmi suliassat: Peqqissaasumik najugaqartunik suleqateqarsinnaasumik sullissisinnaasumillu pissarsiorpugut, tassanilu pitsaasumik isumassuinertalimmillu paaqqinninneq qitiutinneqarpoq, minnerunngitsumillu najugaqartut naleqarluartumik pineqarnissaat pingaartinneqarluni. Nakorsaatit, isumassuilluarnertalimmik paaqqinninneq, timip atorluarnissaa, suliaqartitsineq, qanigisaasut aamma akimut suleqatigiinneq taakkuupput suliassatta pingaarnerit ilaat.
Atortorissaaruteqarpugut pitsaalluinnartunik suleqateqarpugullu pitsaanerpaanik.
Kommunimi 2017-imi immikkoortumut pilersaarut nutaaq akuersissutigineqareersorlu qulingiluanik suliniuteqarfeqartumik, tassa utoqqartatta najugaqartullu iluaqutissaannik inerisaaneq nutaaliornerlu ingerlappavut.

Naatsorsuutigaarput:

∙Pisinnaasalik Peqqissaasutut.

∙Sulianut tunngatillugu ilinniarluarsimasutit.

∙Utoqqarnik sullisserusuttutit utoqqarnillu sullissinerup iluani sulerusuttutit.

∙Tamatigoortuusutit aalajaatsuusutillu.

∙Paaqqinnittarnerup siuarsarnissaa allagaatigilernissaalu peqataaffigissagit.

∙Ilinniartitsinermi peqataarusussuseqartutit.

∙Suliffeqarfiup pitsaasuunissaanut peqataassasutit.

∙Ataatsimoortumik takunnissinnaanerit annaanagu arlalinnik ataatsikkut suliaqarsinnaanissat.

∙Attaveqaqatigiinnermi erseqqissoq paatsuugassaanngitsorlu.

∙Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat.

∙Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit.

∙Suliniuteqarumassutsimik, tatitussutsimik iliuuseqarsinnaassutsimillu takutitsisinnaasoq.

∙Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit.

∙Siammasissumik suleqataalluarsinnaasutit suliffeqarfimmilu assigiinngitsorpassuarnik kultureqartut akornanni sulisinnaallutit.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigissavagut:

∙Sulineq annerusumik ataasinngornermiit tallimanngornermut ullukkut pissaaq.

∙Pitsaasumik ilisarititsineq.

∙Inuttut suliamullu tunngasutigut ineriartorneq.

∙Suleqatitsialaanerpaanik suleqateqarneq.

∙Akisussaaffik angisooq aalajangeeqataaffiusartorlu.

∙Suliffik pissanganartoq ulluinnarni sunniuteqarnissamut periarfissalik, ineriartornissamut periarfissalik, kiisalu Utoqqaat Illuani angisuumik akisussaaffilik. Atorfik suliffeqarfillu pitsaasumik ilisaritissavavut aammalu aqutsisut qanimut suleqatigineqarnissaat kiisalu iliuuseqarluartarnissat qulakkeerniarlugit.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ningiu Kathrine Lerch-Amondsen, oqarasuaat +299 366131 imaluunniit e-mail: kler@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 449-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 29.-at, 2024

Atorfik una qinnuteqarfigiuk