Isumaginninnermut Aqutsisoqarfik AC-fuldmægtigimik ujaasivoq.

Isumaginninnermik Aqutsisoqarfik Inuuneritta III-mi pilersitseqataasussamik peqqissuseq meeqqallu aalanerullutik inuuneqarnissaat qitiutillugu suliniuteqarsinnaasumik AC-fuldmægtigtiusussarsiorput.

Peqqissutsimik siuarsaanissamut, pinaveersaartitsinermut tarnikkullu peqqissutsimut suliuteqarnissaq pingaartippiuk? Nunalu tamakkerlugu ilaqutariinnut meeqqanullu allanngueqataanissat piumasaraajuk? Taava Paarisa ilinnut tulluarsinnaavoq.

Pinaveersaartitsinermi Immikkoortortaq Paarisami Isumaginninnermi Aqutsisoqarfiup ataaniittumi peqqissutsimik siuarsaanernik isumaginninnikkut peqqissutsillu iluanni pinaveersaartitsinermi suliniuteqartuuvugut. Sulinerput tunngavigalugu, Inuuneritta III, innuttaasut peqqissusaannut suliniut pilersinneqarpoq. Peqqissutsimut siuarsaanermi suliniutit pinaveersaartitsinermilu suleriaatsit inuaqatigiit akornanni oqaloqatigiinnikkut piumasarineqarsimasut isumaqarluartitaat aallarniinissamilu iliuuserisinnaasaat naapertorlugit pilersinneqarsipput.

Paarisami AC-fuldmægtigtut atorfininnerit malittaralugu immikkoortoqarfimmi 13-nik sulisulimmi ataatsimillu aqutsisulimmi atorfinissaatit.

Atorfininnermi attuumassutilinnut suleqatigiilersitsinermik ingerlatitsinermillu pingaarnertut sulinermi aallunneqassapput. Atorfimmi suleqatigiinnikkut meeqqat peqqinnerulernissaannut aalanerulernissaannullu suliuteqarnissat pingaarnertut inissisimassaaq.

Piginnaasat piukkunnaatillu makku piumasaqaatigisinnaavagut:

• Atorfimmut atassutilimmut tulluartumik ilinniarsimanissat
• Allattariarsornikkut piginnaasaqarluarnissat
• Aallarniiniarnermik misilittangaqassasutit
• Oqaloqatigiinnermik pilersitsisinnaanissat assigiinngitsutigullu ilisimasalinnut pisortanillu aqqutissiuisinnaasuusutit
• Suliniutit ineriartortitsinerullu tungaatigut misilittangaqassasutit
• Ammasuussasutit, ujartuisuussasutit inoqaternullu qanilaartuussasutit
• Kalaallit nunaqqatigiinnerannut kulturiannullu ilisimasaqarluassasutit
• Kalaallisoorsinnaassallutillu qallunaatoorsinnaassasutit

Suliassatit assigiinngitsut makkuusinnaappput:

• Inuuneritta III-mi inuiaqatigiit peqqissusaannut tunngasunik suliniuteqarnermi aqutsisuunissaq
• Suliniutit pilersinneqarnerini inuaqatigiit pilersitseqataatinneqarnissaannik isumannaarsisuunissaq
• Suliniutit pilersinneqareersut ingerlariaqqinnissaanik tulluussarneqarnissaannullu isumaginninneq
• Kommuuninut peqqinnissaqarfimmut, politiinut ilinniagaqarnikkut allatigullu attuumassutilinnut suleqatigiinnikkut oqaloqatigiinnermik pilersitsineq.
• Suliaqarfimmut aalangasimersumut tunngasunik paasissutissanik ujartuineq.

Neqeroorutigisinnaavagut:

• Immikkoortortaqarfimmi ineriartortuartumi akuulerniisat
• Sulerusussuseqarluartunik ilisimasagissaartunillu suleqateqarnissat
• Suliffik inissaqarluartoq sulisuminillu nalerisimaarsitsinissamik pingaartitsisoq
• Namminerisami atorfiullu tungaatigut ineriartornissamik periarfissaqarluarneq

Isumaginninnermi Aqutsisoqarfik pillugu

Isumaginninnermi Aqutsisoqarfik Naalakkersuisut ataaniippoq, immikkoortotaqarfiit arfineq marluusuni ilaalluni: Pitsaaliuinermut immikkoortortaqarfik Paarisa, Ulloq Unnuarlu Inissitsinermullu Immikkoortortaqarfik, Oqartussaatitaanermik Immikkortortaqarfik, Inulerinermut Immikkoortortaqarfik, Meeqqanik Inerisaanermut Immikkoortortaqarfik. Immikkoortortaqarfiit suleqatigiilluartartuupput suliffeqarfiullunilu unamminartorpassuarnik tunniussassaqarluartoq.

Akissarsiat atorfinitsinneqarnermilu atugassarititaasut

Piffissamik tamakkiisumik atorfiuvoq.

Ulloq atorfiniffissat:

Juulip aallaqqaataani 2024-mi atorfinititsinissaq kissaatigineqarpoq, isumaqatigiinnikkulli allanngortinneqarsinnaalluni.

Qinnuteqarfissamut killigisinneqartoq:

Maajip 30-ani 2024-mi

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasisaqarnerorusukkuit:

Atorfik pillugu paasisaqarnerorusukkuit Paarisami immikkoortortaqarfiup aqutsisuanut Helena Lynge Møllerimut saaffiginnissinnaavutit helm@nanoq.gl mailerfigalugu.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk