Fakta
Atorfiup suussusaa:
Medarbejder
Suliffeqarfik:
Allorfik
Qinnuteqarfissamut killigititaq:
22. april 2024
Attavissaq:
Efraim Olsen
Allorfimmi pinngitsuuisinnaajunnaarnermik
paasisimasaqarfimmi atorfik nutaaq inuttassarsiuunneqarpoq. Tassani sulisussaq
Allorfiup katsorsaaviini katsorsaariaatsit pitsaassusaannik suliaqassaaq.
Allorfiup najukkani immikkoortui aaqqissuussaanikkut pinngitsuuisinnaajunnaarnermik
paasisimasaqarfiup ataani inissiisimapput. Pinngitsuuisinnaajunnaarnermik
paasisimasaqarfik ullumikkut tallimanik sulisoqarpoq piffissarlu tamakkernagu
siunnersortimik atorfeqartoqarluni.
Nakorsaanermut/katsorsaanermut
attuumassuteqartumik qaffasissumik ilinniagaqarsimanissat (ass tarnip
pissusaannik immikkut ilisimasalittut imal. nakorsatut) imal. qaffasissumik
akunnattumik sivisussusilimmik ilinniarsimanissat (ass. ilinniartitsisutut, perorsaasutut
imal. inunnik isumaginninnermi siunnersortitut) tarnikkullu katsorsaasutut
iliniaqqissimanissat naatsorsuutigaarput.
Allorfimmi katsorsaaneq; oqaloqatigiinnermik
kajungilersitsisumik, eqqarsaatillu, misigissutsit pissusilersorneq timillu
oqariartuutaasa imminnut sunneeqatigiittarnerat tunngavigalugu
katsorsaariaatsimik tunngaveqarpoq. Sulisoq, suleqatigiinnut marlunnut, Allorfinni
katsorsaasut suleqatigalugit Allorfiup maanna periusaanik taakkulu
inerisaqqinnissaannut pitsaassutsimik suliaqartussanut peqataassaaq. Allorfimmi
katsorsaasut nalinginnaasumik qaffasissumik akunnattumik sivisussusilimmik
ilinniagaqarput nunalu tamakkerlugu Allorfinni Qaqortumi, Nuummi, Sisimiuni,
Qeqertalimmi Ilulissanilu imigassamik-, hashimik – aningasanoornermillu
ajornartorsiutilinnik katsorsartinnissamut neqeroorut isumagalugu.
Atorfininnermut atatillugu angalasarsinnaassaatit.
Uku
suliassaraatit:
- Iliuusissatut siunniussat naapertorlugit Allorfiup katsorsaavigisaasa iluani piginnaasatigut inerisaaneq
- Kalaallisut taaguutinik inerisaaneq immikkut qitiutillugu, katsorsaasut suleqatigalugit, Allorfiup katsorsaariaasaanik, katsorsaanermi piginnaasanik katsorsaanerullu pitsaassusaanik inerisaaqqinneq
- Pisariaqartitsinermi Allorfiup katsorsaasui suleqatigalugit innuttaasunik; imigassamik, hashimik aningaasanoornermillu ajornartorsiutilinnik katsorsaaneq siunnersuinerlu
- Katsorsartereenerup kingorna pisussanut ajornartorsiutillu katsorsartinnissamut akornutaasut pillugit kommunimik suleqateqarneq
- Allorfimmi neqeroorut periutsigullu pillugit ilinniartitsineq
Naatsorsuutigaarput:
- Allorfiup periusaanik taakkulu inerisaqqinnissaannik ilinniagaqassutsikkut soqutiginninnissat
- Illugiinnik - ajornanngippat pingaarnertut kalaallisut oqaatsinik piginnaaneqarluarnisat
- Tuluttut atuagassianik ilinniutinik atuarsinnaanissat
- Inissaqartitsinissat inuttullu ajunngitsussanik ujartuisuunissat
- Namminersuutigalugu ilinniagaqassutsikkut qaffasissumik suliaqarsinnaanissat
- Ineriartornissamut pisariaqartitsilernerit aallaavigalugit ilinniaqqittuarnissamik kissaateqarnissat
- Ilinniakkat akimorlugit suleqatigiinnissamik ilinniartitsinissamillu soqutiginnittuunissat
- Allorfiup periaasiisa ilikkaqqissaarnissaannik soqutiginnittuunissat
Allorfimmi katsorsaariaatsit pillugit
ilinniartitaanissat Allorfimmit qulakkeerneqarlunilu akilerneqassaaq.
2024-imi juunip ulluisa aallaqqaataanni
tamatumaluunniit kinguninngua atorfinittoqarnissaa kissaataavoq.
Qinnuteqarfissaq
kingulleq: Apriilip 22-at 2024 nal. 12:00
Atorfiit
pillugit attavissat:
Allorfiup pisortaa Efraim Olsen oqarasuaat: +299
523832 emaili: efol@nanoq.gl siunnersortilu Birgit Niclasen bivn@allorfik.gl.
Paasissutissat
Allorfimmut tunngasut: www.allorfik.gl
Meeqqanik
pinerliisimannginnermut – pinerlussimannginnermut uppernarsaat
pinerlussimannginnermut – meeqqanillu
pinerliisimannginnermut uppernarsaatinik nutaanik nammineq
nassataqanngikkaanni, akuersititseqaarluni pinerlussimannginnermut meeqqanillu
pinerliisimannginnermut uppernarsaatinik pissarsiniartoqarnissa naatsorsuutigineqassaaq.
Aningaasarsiatigut
atorfinitsitaanermilu atugassarititaasut
Akissarsiat atorfininnermilu atugassarititaasut,
tassunga ilanngullugit atorfinitsitaanermi soraarnermilu angalanissamut
akiliunneqarnissamut pisattallu nassiunneqarnerannut Kalaallit Nunaanni
Namminersorlutik Oqartussat kattuffiullu isumaqatiginniarsinnaatitaasup
attuumassuteqarfigisap akornanni isumaqatigiissutaasut atorfininnerup nalaani
atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik
innersuussisoqarsinnaanngilaq. Qinnuteqartoq Namminersorlutik Oqartussani
atorfeqarnermini sulisutut ineqartinneqareersimaguni sulisutut
ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut
tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut
pikkorissaatigisimasanullu uppernarsaatit kiisalu paasissutissat allat
pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut
qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk