Teknikimik Ilinniarfimmi sanasutut ilinniartitsisoq – Tech College Greenland

Ilinniakkamut pikkoriffeqarluarnermi sanasutut pequsiortutulluunniit piginnaasaqarpit allaat Sisimiuni Sanaartornermik Ilinniarfimmi inuusuttunik inersimasunillu ilinniartitsisinnaallutit?

Sanasutut ilinniarfitsinnut assassukkanik naammassisaqarluarnissamik pingaartitsisumik aamma inuusuttunut inersimasunullu sulinikkut tulluusimaarutiminik ilisimasaminillu tunniusserusuttumik ilinniartitsisumik ujaasivugut.

Ilinniartitsisutut misilittagaqaruit pitsaaqutaassaaq, piumasaqaataanngilarli.

Sanaartornermik ilinniarfik Teknikimik Ilinniarfimmi (KTI) immikkoortortaqarfiuvoq pisariaqartunillu tamanik aamma nutaaliamik ilinniartitsissuteqartumik aaqqissuulluarneqarsimasunillu sannaveqartunik nutaaliatut nukissaqarluartutullu ilinniarfissatut inissisimalluni. Ilinniarfik ineriartortuartuuvoq inuiaqatigiillu pisariaqartitaat kissaataallu malillugit ingerlaavartumik alliartortuulluni.

Atorfik pillugu:

Suliffiup pisariaqartitaanik naapertuuttumik sanasunik pikkorissunik piginnaasaqarluartunillu ilinniartitsinissaq siunertaralugu ilinniartut ilinniagaannik ilinniartitsisut allat peqatigalugit aaqqissuussissaatit ineriartortitsillutillu.

Ilinnut neqeroorutigaagut:

• Suliffeqarfik pitsaasoq suleqatillu tunniusimallutillu suliatigut qaffasissumik piginnaasaqarluartut.
• Suliartorfissat naatsorsuutigiuarsinnaasatit, kiisalu sulinerup ilaqutariinnerullu akornanni pitsaasumik oqimaaqatigiinneq.
• matumani naammassereersimanngikkukku inuussutissarsiutinut sammiveqartumik ilinniarfik.
• suliffik unamminartortalik suleqatillu oqaloqatigiinnissamut suleqatigiinnissamullu pingaartitsisut.
• suliffiup imarisai naammassiniarlugit nammineernissamut periarfissat.
• Kalaallit Nunaanni inuiaqatigiinni allanngueqataanissaq siunertaralugu ilinniarfik ineriartortoq.
• inuiaqatigiittut ingerlalluartumi pisiniarfilinni, napparsimmaveqartumi, meeqqanut paaqqinnittarfeqartumi atuarfeqartumilu UNESCO-p nunarsuarmioqatigiinnut kingornussiaat Aasivissuit Nipisap tungaani inissisimasumi Kalaallit Nunaanni illoqarfiit annersaata tulliani (6.000 angunngilaarlugit innuttaasoqartumi) inuuneq.
• kultoorikkut misigisassat ilaatigut Arctic Sound festival aamma Arctic Circle Race, oqaluttuanillu, pinngortitamik ulikkaartumi nunami unamminartorpassuit aamma eqeersimaartumik, uummaarissumik ulluinnarni inuuneqarneq allarpassuillu. 

Kissaatigaarput illit:

• sanasutut pequsiortutulluunniit attuumassuteqartumik ilinniagaqartutit – ajornanngippat ingerlariaqqiffiusumik/teknikeritut ilinniagaqartutit.
• Suliniuteqallaqqissuusutit aamma suliannik ulluinnarnillu akisussaaffeqartuusutit
• atuisartutut qaffasissusilimmik qarasaasiamik atuinikkut ilisimasaqartutit.
• Sammisat pillugit ilisimasaqartutit tunngaviusumillu ingerlatsinerup, pingaarnertut ingerlatsinerup pikkorissartitsinissamullu atuarfiup neqeroorutaasa iluanni ilinniarnikkut perorsaanikkullu ilinniartitsilluni inerisaallunilu sulinermik aaqqiissuteqarnissaq pillugu suleqatit peqartigalugit qanimut suleqateqarnissamut piareersimasutit
• oqaatsini pingasuni taaneqartuni minnerpaamik oqaatsit marluk atorsinnaagitit: tuluttut, qallunaatut kalaallisullu.

Kissaatigaarput atorfinitsitaaneq qaammatinik pingasunik misiliinertut aallarnerneqassasoq.

KTI pillugu – Inuussutissarsiutinut atuarfik Ilinniarnertuunngorniarfillu.

KTI ilinniartoqarfiuvoq 150 missaanik sulisoqartoq, taanna Nuummi Sisimiunilu suliassaqarfiit iluanni Saviminilerinermik Ilinniarfimmi, Sanaartornermi, Aatsitassani, Oqaasilerinermi kiisalu ilinniarnertuunngorniarfinni GU-mi, GUX-imi, e-GUX-imi aamma Atlantikup avannaani ilinniarnertuunngorniarfimmi klassi-imi inuussutissarsiorluni ilinniarnissamut, kiisalu ingeniøritut maskinmesteritullu ilinniarfinni pikkorissartitsinernik neqerooruteqartoq.

Maskinmesteruddannelsen København-imi Maskinmesteritut Ilinniarfik aamma ingeniøritut ilinniarfiit marluk pillugit Danmarks Tekniske Universitet, ARCTIC – DTU peqatigalugit KTI ingerlatsinermik suleqateqarpoq.

Tamatuma saniatigut KTI-p akisussaaffigaa Sisimiuni inissisimasunik 360 missaaniittunik ilinniartut ineqarfiinik ingerlatsineq.

Paasissutissat sukumiinerusut:

Atorfik pillugu paasisaqarnerorusukkuit ukununnga attaveqarnissamut tikilluaqqusaavutit: Ilinniarfimmi pisortamut John Plambek oqa.: +299 861600 – 532824, email: jopl@kti.gl

imaluunniit nakkutilliisumut Jesper Berg Severinsen oqa.: +299 861636, email: jese@kti.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk