Utoqqaat Illuanni Puilasunnguani aqutsisoq

Utoqqaat Illuanni Puilasunnguani aqutsisoq

Kommuneqarfik Sermersooq Paamiuni Puilasunnguanut aqutsisumik pikkorissumik kajumissuseqarluartumillu pissarsiorpoq, isumaqatigiissuteqarnerup kingorna atorfinittussamik.

Utoqqarnik sullisserusuppit, aqutsisutut misilittagaqarpit, utoqqarnillu ulluinnarni oqaloqateqartarneq maqaasisarlugu, taamaappat atorfik una ilinnut piukkunnarsinnaava?Innuttaasut atugarissaarnerat inuunerisalu pitsaassusaat qitiutillugit aqutsisoqatigiit ineriartorneranni peqataarusuttumik Utoqqarnik sullissivik aqutsisussarsiorpoq.

Puilasunnguit pillugu

Puilasunnguit utoqqarnut illuuvoq najugaqartunut 24-nut inissalik marlunnik immikkoortortalik.18-inik sulisoqarpoq, taakkunannga peqqinnissamut assistentit marluk, peqqinnissamut ikiortit marluk isumaginninnermilu ikiorti ataaseq. Taakku saniatigut eqqiaasut marluk, sammisaqartitsisartoq ataaseq, iggavimmi aqutsisoq ataaseq ikiortaalu marluk, igaffimmi ikiorti ataaseq sulisorineqarput.

Utoqqaat illuat nutaajuvoq peqqinnissaqarfimmullu atasutut inissisimalluni.

Ukioq 2019-imi Paamiunut tunngatillugu isumaqatigiissut atulersinneqarpoq, kingunerisaanillu susassaqarfiit arlallit peqqinnissaqarfiup utoqqaallu illuata akornanni suleqatigiissutigineqarlutik. Ilaatigut pillorissaasoqarpoq ataatsimut atorneqartumik, taassumalu angerlartitsereernerup kingornata ataqatigiissumik ingerlanneqarnera qulakkeertarpaa. Taamatut suleqatigiinnerup ingerlatiinnarneqarnissaa ukkatarineqarluarpoq, taamaattumik tamassuma qulakkeernissaa aqutsisussap soqutigalugu ingerlatarisussaavaa.

2020-p naanerani Paamiuni angerlarsimaffimmi ikiortit utoqqaat illuannut nuupput, taamaattumik angerlarsimaffimmi ikiortit aqutsisuata utoqqaat illuanni aqutsisoq qaninnertut qullersarivaa.

Atorfik pissanganartoq amerlasuutigut ineriartorfissanik periarfissalik. Aallaavittut illit aqutsisutut ulluinnarni utoqqaat illuanniittassaatit. Siuttuussaatit sulisunullu allanut najoqqutassiisuullutit.

Taakku saniatigut sulerusussuseqassaatit, ineriartortitsinermik maanna siunissamilu suliniutissanik pilersitsiniarnermik misilittagaqarsimallutit. Sulisut allat qanimut suleqatigalugit najugaqartunut, inuttaasunut sulisunullu iluaqutaasussamik eqqarsarnissannut suleriaatsinillu nutaanik misilittaanissannut sapiissuseqassaatit.

Utoqqarnik sullissinermi sulisut suliaminnut piumanissaat kajumissuseqarluarnissaallu anguniagaraarput, aamma tamatumunnga atatillugu napparsimasarnerit ikilisinneqarnissaat. Taamaalillutit sulisoqarnikkut unamminarsinnaasut assigiinngitsut isumaginissaat sapiissuseqarfigissavat, kiisalu sulisut inuttut atugaat pillugit oqaloqatigisarnissaannik sapiissuseqarlutillu ajornanngippat misilittagaqarfigissallugit.

Utoqqarnik sullissinermi fagchefiusoq qanimut suleqatigisassavat, kiisalu utoqqarnik sullissinermi immikkoortortat allat akimorlugit aqutsisoqatitit suleqatigisassallugit.

Qinnuteqartunut naatsorsuutigisat:

∙Peqqinnissamut ilinniagaqarsimasuunissat aamma ajornanngippat aqutsinermik ilinniagaqarsimassasutit

∙Utoqqarnik sullissinerup iluani misilittagaqartuusutit, matumani ilisimasat, misilittakkat ineriartorusussuserlu pingaaruteqarluinnartutut inissisimatinneqarlutik

∙Unammillernarsinnaasunik inissaqartitsisinnaaneq

∙Sulisunik aqutsinissamut allaffissornermullu misilittagaqarluartuussasutit, pitsaasumik aningaasaqarnikkut aqutsisinnaaneq ilanngullugu

∙Suliniutinik nutaanik atuutsitsilernissamik ineriartortitsinissamillu misilittagaqassasutit

∙Illup avataanit illullu iluani suleqatinik, suliaqarfinnik assigiinngitsunik aammalu ineqartunik qanigisaannillu suleqateqarluarsinnaassasutit

∙Politikkimut tunngasuni aaqqissugaanermi suliaqarnermik misilittagaqassasutit, matumani allanngorarfiujuartumi aaqqissuussaanermullu piumasaqaateqarfiusumi

∙Kommunip takorluugai, periusissiaa aqutsinikkullu tunngavigisaa aallaavigalugit anguniagaqartumik aaqqissuussaasumillu suliaqarsinnaassuseqarnissat

∙Aaqqissuussaaneq akimorlugu suleqatiginnillaqqissuseqarneq

∙Pitsaasumik attaveqatiginnissinnaaneq

∙Pingaartipparputtaaq: Aalajaatsoq, suliat pitsaassuserisassaannik ilisimaarinnittoq, pitsaasumik akuersaartumillu pissuseqartoq

∙Takunnissinnaaneq attatiinnarlugu ataatsikkut arlalinnik suliaqarsinnaasoq

∙Allakkatigut oqaluunnermilu ersarissumik paatsuugassaanngitsumillu attaveqarsinnaasoq

∙Namminersorlutit sulisinnaanissat akisussaassuseqarlutillu

∙Sulianut atatillugu sungiussilluarsimasoq ataavartumillu suliat agguataarneqartarnerinik nalimmassaalluarsinnaasoq

∙Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq

∙Kalaallisut allattariarsornikkut oqalunnikkullu paatsoorneqarsinnaanngitsumik ersarissumillu attaveqaqatigiissinnaaneq, qallunaatut pitsaaqutaassaaq piumasaqaataanngilarli

Neqeroorutigaarput:

∙Suliffeqarfik ineriartortitsinermik, akisussaaqataanermik sunniuteqaqataasinnaanermillu pingaartitsisoq

∙Suliffik avatangiisigissaarfiusoq isumalluarfiusorlu

∙Suliffik pissanganartoq assigiinngisitaartunik unammilligassarpassuarnillu suliassaqarfiusoq

∙Fagchefilu qanimut suleqatigiinneq, kiisalu utoqqarnik sullissinermi sulisunik allanik suleqatiginninneq, ilaatigut innersuussisartut, angerlarsimaffimmi ikiortit aamma utoqqaat illuanni aqutsisut ilanngullugit

∙Pitsaasumik ilisarititsineq sungiusarneqarnerlu

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: fagchefi Karen Lund Mølgaard, oqarasuaat nr. +299 368142 mailimulluunniit klum@sermersooq.gl saaffigeqqullugit.

Qinnuteqaat:

Qinnuteqaat qulequtserlugu Atorfiup ilisarnaataa 667-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 17.-at, 2024

Atorfik una qinnuteqarfigiuk