Allaffimmi assistent
Campus Kujalleq Kontorassistentimik pissarsiorpoq aggustip aallaqqaataani 2024-mi isumaqatigiinnikkulluunniit sulilertussamik.
GUX Qaqortoq Campus Kujalliup ilagaa, EUD (Inuussutissarsiornermut ilinniarfik) kiisalu ilinniarnertuunngornianut immikkoortortaalluni.
Makkua pingaarnertut suliarisassavatit. Oqarasuaammik paarsineq, toqqortiterineq, angalasussanik inniminniineq, ilinniartunik sullissineq kiisalu allaffissornermi suliassat allat.
Taakkununnga suliassanut nikeriallaqqissuuguit, isitsinnit soqutiginartuussaatit. Allaffimmi sulisutta suliassanik suliassinneqartartut sapinngisamik pitsaanerpaamik atugassaqarnnissaat kissaatigigatsigu maani Campus Kujallermi.
Maani GUX Qaqortumi pitsaasumik sinaakkuteqarpugut, Allaffimmi ilinniagaqarsimaguit, ilinniarfeqarfimmi sulinissannik ingerlalluarsinnaalutit, ilinniartitsisut sulisullu ulluinnarni pitsaanerpaamik kivitsinissaq pisariaqarluinnartumi, illit atorfissaqartippatsigit.
Uani Campus Kujalleq pillugu paasisaqarnerusinnaavutit cak.gl kiisalu iserasuaat.gl
Campus Kujallermi ilinniartut amerlanerpaartaat kollegiani najugaqartuupput.
Naatsortuutigaatigit:
Kontorassistentitut ilinniagaqarsimasutit, assigisaanilluunniit
Unneqarissoq, pissuserissoq, qullersarisanut suleqatinut ilinniartunullu
Ilinniartunut sulisunullu allanut attaveqatiginnilluarsinnaasoq
Kalaallisut qallunaatullu oqalussinnaallutillu allassinnaasutit
Ilinniarfeqarfinni suleriaatimik misilittagaqarsimanissaq
Uagut:
Ataatsimoorussamik suleriaaseq minnerpaamiitinnissaa, taamaattorli tamatta suliamik kivitseqatigiinnissamik pinngitsoorsinnaanata.
Kalaallit Nunaanni ilinniarfeqarfiup avatangiisai kusanarluinnartut ingerlateqqinnissaat kissaatigivarput.
Piumaneruarput illit akisussaafitit, kiffaanngissuseqarlutit suliarisarnissai.
Kissaatiginarpoq suleqatigiilluni ikioqatigiilluarnissaq.
Pinngortitami alianaatsumi qaqqaliarnissamut, angallammik angalaarnissamut, piniariarnissamut aalisariarnissamullu periarfissaqarluarneq
Naliginnarmik sulisut inissiaataanut inissinneqarallassuutit, tamannalu nalugallarparput qanoq sivisutigisumik tassani najugaqartinneqassallutit, apeqqutaaginnarpoq INI A/S-mit inissannik innersuuneqarnissat.
Qinnuteqarfissaq ulloq kingulleq tassaasavoq sisamanngorneq 22 juli 2024 nal. 12:00
Atorfinititsinissamut oqaloqatiginninneq pissaaq sap.ak. 30, Campus Kujallermi
Annertunerusumik paasisaqarusukkuit tikilluaqquatsigit una attaviginissaanut tullersorti:
Jonbert Davidsen mail: jd@cak.gl imaluunniit oqarasuaat +299 23 93 49
Qinnuteqarnissat isumalluaatigivagut. Eqqaamallugu ilinniarsimanermut allagatat aammalu CV ilanngunnissaat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.