Isumaginninnermut, Ilaqutariinnut, Suliffeqarnermut & Naalakkersuinikkut Ingerlatsivik AC-fuldmægtigimik imaluunniit siunnersortimik Isumaginninnermut Immikkoortortaqarfimmut pissarsiorpoq
Isumaginninnermik immikkoortoqarfiup inersimasunik suliassaqarfimmi isumaginninnermut Naalakkersuisut politikkiata ulluinnarni aqunneqarnera aamma atuutsitaanera isumagisarai.
Immikkoortoqarfik siamasissumik suliassaqartuuvoq, taakku politikkikkut tunngavissiat suliarinerinit, aamma isumaginninnermik suliassaqarfiup ineriartortitaaneranit periusissianik suliaqarnermut, kiisalu kommuninut isumaginninnermut inatsisit pillugit pikkorissartitsisarnernut tunngallutik.
Suleqatigiitsinnut AC-fuldmægtigi/Siunnersuisartoq, imaluunniit konsulenti pimoorussisoq pissarsiariniarparput, tamaanilu Naalakkersuisut inersimasunik suliassaqarfimmut isumaginninnermut politikkianik aqutaqarpugut aamma ineriartortitsisuuvugut. Politikkikkut aalajangiisarnermik ingerlataqartarneq qanitaralugu suliaqarnissaq aallutaqarusuissaguit, aammalu Kalaallit Nunaanni inuit ataasiakkaat sunniuteqarsinnaanerinik nukittorsaanermut ilalersuuteqarusullutit, taamaalisukkullu kommunini apeqqutit suliaqarfiginissaat pissanganartillugu tamanna tassaavoq allaassummik iliuuseqarnissannut periarfissat. Uagutsinni suliassanik soqutiginartunik siamasissunik ilaalernissamut periarfissaqassaatit, aamma suleqatigiinni pimoorussisuni akuusutut ilaalissallutit.
Atorfimmut nassuiaat
Isumaginninnermut immikkoortoqarfimmi AC-fuldmægtigitut imal. konsulentitut immikkoortoqarfiup suliassani sunniuteqarluartumik ingerlatsinissamut, aamma ineriartortitsinermi suliniutit siuarsarnerinik qularnaariniarnermi pinngitsuugassaanngitutut inissisimaffeqassaatit.
Suleqatitit peqatigalugit Naalakkersuisutta ikiornerani ilalersuuteqassaatit, aammalu isumaginninnermik politikkip allanngoriartorneranik sunniisunik suliniutinik siamasissutut issusilinnik suliaqassallutit.
Tassaavugut immikkoortoqarfik anginngitsoq, tassani peqatigiilluta kivitsisuusarpugut, aammalu sulianut tunngasutut pikkorissuseq naleqartipparput, kiisalu iluarinnittutut aamma sungiussiasutut piareersimassuseq iluaralutigu. Suliassat siamasissutut ittut isumagisarpagut, taakkulu qaqutiguunngitsukkut ataqatigiissaarinissamik, suliniutinik aqutsinissamik, aamma misissueqqissaarisinnaasutut piginnaasanik piumasaqaateqarfiusarput. Maannakkorpiaq inuiaqatigiinni akuuffigisatsinni innuttaasunut utoqqaanerusunut pilersitat assut imartupput, soorlulusooq angerlarsimaffeqanngitsunut pilersitat taamatut aamma illutik.
Immikkoortoqarfimmi pisortarlu erseqqinnerusumik isumaqatigiissut malillugu suliassatit aaqqissuunneqarumaarput. Piffissami matumani, aamma siunissami qaninnerpaami immikkoortoqarfiup suliassat makku isumagisarai:
Utoqqaat pillugit periusissiami pilersitanik atuutsitsilernerit,
Angerlarsimaffeqanngitsut pillugit periusissiami pilersitanik atuutsitsilernerit,
Inatsisartut ataatsimiinnerannut atatillugit suliassat; akissutitut allakkianik aamma tunngavissianik suliaqarnerit,
Inatsisartunut aamma kommuninut qinersinerit piareersarneri aamma ingerlanneri,
Isumaginninnermi inatsisit pillugit pikkorissartitsinerit ineriartortinneri aamma atuutsilerneri,
Isumaginninnermut inatsisaasunut nutaanut naleqqiullugit kommuninut paasissutissiissutitut atortussanik suliaqarnerit,
Aqutsisoqarfimmi sulianik isumaginninnerit,
Suliffiup iluani aamma avataani soqutigisaqaqatigiinnik attuumassutilinnik ataqatigissaarinerit aamma suleqateqarnerit,
Nunamut Namminermut Naalakkersuisumik politikkikkut ikiorsiisarnerit,
Kalaallit Nunaanni Inuit Pisinnaatitaaffii
Siunertanut aalajangersimasunut suliassat
Piginnaasarisat:
Nangitsilluni ilinniagaq attuumassutilik
Politikkikkut aqutatut aaqqissuussiffiup iluani misilittagaqarneq iluaqutaavoq, aammali ilinniakkaminnik naammassisaqaqqammertut assut pimoorussisut qinnuteqarnissaat aamma kaammattuutigineqarpoq
Suleqatigiittarnermut piginnaasat nukittuut, aamma akisussaaffimmik tigusaqarsinnaassuseq
Ulluni suliffinni ulapaarfiusuni aaqqissuussinissamut, pingaarnersiuinissamut, aamma ataatsimut isiginninnissap attannissaanut piginnaasalik
Suliassanik iluarsiiniarnermi sungiussiasoq
Allattariarsornikkut aamma oqaluttariarsornikkut oqaasertalersuinermi piginnaasaqarluarnerit
Makku neqeroorutigivagut:
Politikkikkut aalajangiisarnermik ingerlattakkamut qanilluni suliaqarnissamut periarfissaq assissaqanngitsoq
Sullivimmi avatangiisit najoqqutassialigaanngitsut, attaveqaqatigiinnermut naatsumik aqqutissallit, aamma suleqatigisat pimoorussisut
Suliassat pissanganartut aamma assigiinngiiaartut, ulluni suliffinni nutaanik ajugaaffigisassartallit
Inuttut aamma suliamut tunngasutut ineriartornissamut periarfissat
Qinnuteqaativit tigunissaa qilanaaraarput, aammalu Naalakkersuisunut suliaqarneq, Nunamut Namminermut immikkoortoqarfiup suliassai, aammalu suliffeqarfipput savitooq pillugit paasissutissat annerit tunniunnissaannut ajorinagu piareersimavugut.
Atorfik pillugu annermik paasisaqarniaruit immikkoortoqarfimmi pisortaq Karen Kiær Jakobsen mailikkut piareersimavoq, ugguuna: kakj@nanoq.gl.
Qinnuteqaatit suliarineqartuarput, kisiannili kingusinnerpaamik ulloq 22. juli 2024-mi Naalakkersuisoqarfiup tigoreersimasariaqarpai.
Atorfininneq aggustip aallaqqaataa, imaluunniit isumaqatigiissut malillugu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job