AC-fuldmægtigimik siunnersorti Formandip Allattoqarfiani
Naalakkersuisut Siulittaasuata Naalakkersuisoqarfiani ataqatigiissaarinissamut AC-fuldmægtigi
Politikkikkut aalajangiinissamut suliat ingerlaneri qanilluinnarlugit sulineq kajumissuseqalernaraajuk aammalu sulianik ingerlatitsinernut, ataqatigiissaarinermut suleqatigiinnermullu piginnaasaqarluarpit? ataqatigiissaarineq, siumut ingerlatitsineq aammallu politikkikkut suliassat annertuumik pingaartinneqartut ingerlanneqarnissaat ukkataralugit AC-fuldmægtigimik imaluunniit immikkut siunnersortimik aallussilluartumik Naalakkersuisut Siulittaasuata Naalakkersuisoqarfiani Naalakkersuisuni ataqatigiissaarinermut allaffik sulisussasiorpoq.
Naalakkersuisut Siulittaasuata Naalakkersuisoqarfia
Naalakkersuisut Siulittaasuat Naalakkersuisuni qitiusumilu allaffeqarfinni suleqatigiinnerup qulakkeernissaanut sapinngisamik pitsaanerpaanik tunngavissaqalersinniarlugu, Naalakkersuisut Siulittaasuata Naalakkersuisoqarfia qitiusumi ataqatigiissaarinermik aqutsinermillu ingerlatsiviuvoq. Naalakkersuisut Siulittaasuata Naalakkersuisoqarfiata aaqqissuussaaneraniipput Aqutsisunut allattoqarfik, Inatsisilerinermut immikkoortortaqarfik aamma Ingerlatseqatigiiffinnut allattoqarfik. Naalakkersuisuni ataqatigiissaarinermut allaffik Aqutsisunut allattoqarfimmi inissisimatinneqarpoq.
Atorfik pillugu
Naalakkersuisuni ataqatigiissaarinermut allaffimmi ataqatigiissaarineq, siumut ingerlatitsineq aammalu suliassat politikkikkut annertuumik pingaartinneqartut ingerlanneqarnissaat aammalu suliniutit annertunerusut allat aamma politikkikkut nivinngagassanik, aaqqissuussaaneq akimorlugu ingerlanneqartussanik sulianik ingerlatitsineq, annertuumik ukkatarineqarput. Tamatuma saniatigut allaffik suliassaqarfiit akimorlugit politikkikkut ineriartortitsinermut tapersiisarpoq.
Naalakkersuisuni ataqatigiissaarinermut allaffianni AC-fuldmægtigimik/immikkut siunnersortimik, Naalakkersuisut ingerlaavartumik suliaqarnerannut ineriartortuartussamik periusissianullu tunngasutigut paasisimaarinnilersitseqataasinnaasumik allanngutsaaliuisinnaasumillu, amigaateqarpugut.
Suliassarilissavatit – suleqatitit suleqatigalugit – Naalakkersuisut politikkikkut oqaluuserisassaannut ineriartortuartussamik periusissatigullu paasisimaarinnilersitsinissaq allanngutsaaliuinissarlu.
Tamatuma saniatigut suliassatit ilaatigut tassaassapput:
Naalakkersuisuni suliassaqarfiit akimorlugit suliassat ataqatigiissaarneqarnissaannut tunngatillugu suliassanik isumaginninneq, ilanngullugit Ataqatigiissaarisooqatigiinnut aamma ataqatigiissaarinermi immikkoortortanut allattoqarfittut suliaqarnerit
Naalakkersuisut politikkikkut oqaluuserisassaasa ingerlannissaannut, ilanngullugu naalakkersuisooqatigiinnissamut isumaqatigiissut, tapersiissutissat pillugit Naalakkersuisoqarfinnik allanik isumasioqateqartarneq
Politikkikkut isumaqatigiissutinik suliaqarnermut tunngavissiinissaq
Tusarniaanermut akissuteqaatinik suliaqarneq
Allaffeeqqami Naalakkersuisut Siulittaasuata Naalakkersuisoqarfiata sinneranut aammalu qitiusumi allaffeqarfinni Naalakkersuisoqarfinnut allanut annertumik suleqatiginniffiusumi, ilaalissaatit.
Illit pillutit
Illit politikkikkut paasisimasaqartoq, politikkikkut oqaluuserisassat akimorlugit takunnissinnaasoq, tamatuminngalu Naalakkersuisut sulinerannut siunnerfiinullu tunngavissiisussamik paasisimaarinnilersitsisartoq pilersaarusianngortitsisartorlu ujartorpatsigit.
Ataasiakkaatigut takorloorparput illit:
Ilinniagartuutut naleqquttumik ilinniagaqarsimasutit, assersuutigalugu cand.scient.pol., cand.scient.adm. assigisaannilluunniit inuiaqatigiilerinermik ilinniagaqarsimallutit
Aaqqissuussaanermit politikkikkut aqunneqartumit misilittagaqartutit
Naalakkersuisut qitiusumi allaffeqarfiinut ilisimannilluartutit
Misissueqqissaarnermi sakkortuunik piginnaasaqartutit aammalu sulianik ingerlatitsisarneq paasisimaarilluarit
Oqaaseqatigiiliullaqqissutit, ilanngullugit politikkikkut attaveqaqatigiinnik pikkoriffigigit
Tatiginnillutit qaffasissunillu anguniagaqarusussuseqarlutit suliatigut sakkortuunik suleqatigiiffeqarnissaq ukkatarisarit
Suleqatigiinni sulineq pikkoriffigigit, suleqatigiinnermut attaveqarfinnullu pilersitsiviulluartumik periaaseqarlutit naapitsiniartarlutit.
Naatsorsuutigaarput inuiaqatigiinni pissutsinik annertuumik ilisimannittutit paasisimasaqartutillu. Kalaallisut danskisullu marlunnik oqaaseqartuuguit iluaqutaassaaq.
Paasissutissat annertunerusut
Atorfik pillugu apeqqutissaqaruit, allaffimmi pisortaq Christian Friis attaveqarfigisinnaavat oqarasuaammut 345166 imaluunniit mail CFRI@nanoq.gl.
Qinnuteqarneq
Qinnuteqaaterni CV aammalu soraarummeersimanermut uppernarsaatit attuumassuteqartut ilanngunneqassapput. Qinnuteqarnissamut killigitinneqarpoq ulloq 19. juli 2024 nal. 12.00.
Atorfiup kingusinnerpaamik 1. september 2024 imaluunniit isumaqatigiissuteqarneq malillugu inuttalerneqarnissaa kissaatigaarput.
Oqaloqateqarnerit sapaatit akunnerini 30-mi aamma 31-mi ingerlanneqarnissaat naatsorsuutigineqarpoq.
Aningaasarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut atatillugu maleruagassat atuuttut malillugit sulisunut inissiamut pisatsersugaanngitsumut innersuussisoqarsinnaavoq. Ineqarnermut akiliut aamma qularnaveeqqut, inissiamut innersuunneqartumut maleruagassat sukkulluunniit atuuttut malillugit akilerneqassapput. Sulisunut inissiaq atorfeqarnermut atatinneqarpoq, aammalu atorfeqarnerup unitsinneqarnerani qimanneqartussaalluni.
Inissiap pisoqaassusia, piginnittoqarnera il.il. apeqqutaallutik ineqarnermut akiliutit inissiallu pitsaassusii allanngorarsinnaapput. Sulisunut inissiamut najugarineqalivittussamut innersuunneqarnissamut utaqqisoqarsinnaavoq, taamaattumillu akileraaruserneqartussamik inissiigallartoqarsinnaavoq, taakkununngalu najugaqaqatigiiffiit minnerit akunnittarfinniluunniit inissiat ilaatinneqarput.
Qinnuteqaat, CV, ilinniarsimanermut pikkorissarsimanermullu uppernarsaatit, kiisalu uppernarsaatit naleqquttut allat”Qinnuteqaat nassiuguk” toorlugu nassiutikkit.
Qinnuteqaatinik e-mail-ikkut tigusaqartanngilagut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job