Tasiilami nutserisumik/oqalutsimik pissarsiorput

Kommuneqarfik Sermersooq pikkorissumik tunniusimasumillu nutsersisumik/oqalutsimik Tasiilami Meeqqanut Ilaqutariinnullu Ingerlarsivimmut piaartumik isumaqatigiissuteqarneq naapertorlugu sulilersussamik.

MI Tasiilaq immikkoortortaavoq, Kommuneqarfik Sermersuumi Meeqqanut Ilaqutariinnullu Ingerlatsiviup ataani. Tasiilami Meeqqanut Ilaqutariinnullu Immikkoortortami uku inissisimapput: Meeqqanut ilaqutariinnullu sullissivik, suliaqarfiup ataani inatsisit atuuttuusut malillugit meeqqanut inuusuttunullu sullissinermik ingerlataqartartut, Børnehuset, meeqqanik persuttangaanermik kinguaassiutitigullu killissamik qaangiiffigineqarsimasunik angajoqqaavinillu sullissivit, taassuma iluani aamma Børn og Familie Centret ilaqutariinnik innersuunneqarsimasunik sullissinermik ingerlataqartartut aammalu qimarnguimmik ingerlatsiviusoq, Tidlig indsats ilaqutariinnik meeqqat 3-nik ukioqalernissaasa tungaanut immikkut sullissisartut. Inuusuttuaqqanik siunnersortit inuusuttuaqqanik 18 tikillugit ukiulinnik aammalu sullinneqarnermik malitseqartitsisunik 23 tikillugit ukiulinnik sullissisuusartut aammalu plejefamilieteam ilaqutariinnik paarsisartunik sullissisut.

Atorfiup tamakkiisumik atorfiuvoq, qaninnerpaatut attaveqaatigaa MI Tasiilami fagchef.

Atorfiup imarisaa:

Misilittagaqartumik nutserisumik/oqalutsimik peqataalluarsinnaasumik ataanilu makkunannga suliaqarluarsinnaasumik pissarsiorpugut:

∙Toqqaannartumik oqaluttaasinnaassasutit

∙Allattariariarsornikkut sulianik nutserisinnaasoq 

∙Sullitanik oqaloqatiginninnermi oqaluttaasinnaasoq

Oqalutsitut annertuumik atorneqarnissaq naatsorsuutigineqassaaq tarnip pissusaanik ilisimasalik oqaloqatiginninnerini suleqatigisassallugu. Tamatumalu saniatigut meeqqanik ilaqutariinnillu sullissisut suliaqarnerminni allattariarsornikkut suliaannik nutserineq.

Naatsorsuutigaarput:

∙Oqalutsitut/nutserisutut assingusumilluunniit ilinniagaqarsimanissat

∙Kalaallisut, qallunaatut ajornanngippallu oqaatsinik allanik piginnaasaqarluartutit, tunumiusut oqalussinnaaneq/paasisinnaaaneq pingaartinneqassaaq

∙Allaffissornikkut suliaqarnermut misilittangalik 

∙Tasiilap eqqaani nunaqarfinnut angalaqataasinnaaneq

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq. 

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq 

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Annertunerusumik paasisaqarusukkuit:Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Gerda Fleischer, oqarasuaat +299 36 72 79 imaluunniit e-mail: gfle@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 433-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 27.-at, 2024

Atorfik una qinnuteqarfigiuk