Gå til hovedindhold
88

Dette jobopslag er udløbet

Naatsersuuserisarfimmi ilinniartussaq

Akileraartarnermut Aqutsisoqarfik
Aningaasaqarnerup isumalluutinillu aqutsinerup iluani ilinniartumik pissarsiorpoq.
Ulloq 1. august 2018 aallartittussamik.
 
Nuummi qullersaqarfitsinni ilinniarnermik sungiusasssaatit aammalu naatsersuuserisarfimmi immikkoortortaqarfimmiissallutit.
Ulluinnarni unammilligassaqartinnissat pingaartipparput, tassani suliatigut inuttullu sapinngisamik annertunerpaamik ineriartussallutit. Uagutsinni ilisimasaqalissaatit misilittagaqalissallutillu, siunissami sulinermi atorsinnaasannik
Neqeroorutigaarput suliffeqarfik tamatigoortoq, suliat pillugit aamma inuttut ineriartornissamut periarfissaqarfiusoq. Sapinngisatsinnik siunissami ilinniareerlutit sulilernissannut immersorumaarlutit angorusupparput.
AU-mi ilinniartup nalinginnaasumik allaffissorneq, sullissineq, missingersuusiorneq, aningaasanik ingerlatsineq aamma
naatsorsuusiorneq, sullitanik kiffartuussineq, attaveqaqatigiinneq aamma sulisorisanik
kiffartuussineq pillugit ilinniarnermi sungiusarnermi aqqusaagassaasa ilagissavai.
 
Akileraartarnermut aqutisoqarfimmi ilinniartutut naatsersuutigaarput illit:
·         Aalajaatsuusutit aammalu piffissamik eqquisinnaasuusutit
·         Nuannaartuusutit aammalu sullissiumatuujusutit
·         Piareersimasuussasutit unamminartunik nalaataqartarnissannut
 
Ilinniarfissaq pillugu annertunerusumik paasissutissat, allaffimmi pisortaq Birthe Tindbæk-imut saaffigin­nin­nik­kut piniarneqarsinnaapput, oqarasuaat toqqaannaartoq 34 59 28, e-mail: btin@nanoq.gl
Qinnuteqaat, atuarfimmiit ilinniartunngornissamut uppernarsaat (ajornanngippat), pigisaqaruillu inuunermut taasassat (CV), ilinniarsimanermut uppernarsaatit aamma suliffigisimasap oqaaseqaatai allakkatigut kingusinnerpaamik 24. april 2018 nassiunneqassapput uunga:
 
Namminersorlutik Oqartussat
Akileraartarnermut Aqutsisoqarfik
Postboks 1605 
3900 Nuuk. 


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk