Find job
Dette jobopslag er udløbet
Paamiuni Imarsiornermik Ilinniarfimmi ilinniartitsisoq
Paamiuni Imarsiornermik Ilinniarfik tunngaviusumik ilinniartitaanermut aalisartunngorniarnermullu ilinniartitsisumik pissarsiorpoq.
Kalaallit Nunaanni inuusuttut ilinniartinneqarnerannut peqataarusuppit?
Imarsiornermik Ilinniarfik ilinniarfiuvoq iluamik ingerlalluartoq aammalu eqeersimaartoq, tassanilu neqeroorutigineqarput imarsiornikkut inuussutissarsiuteqarnermut ilinniartitaanerit arlaqartut. Takorluugaraarput pissusissamisoortoq Kalaallit Nunaanni imarsiornikkut piginnaasaqalersitsinissap ineriartorneranut qitiunissarput kiisalu imarsiornikkut ilisimasaqarnerup aammalu misilittagaqarnerup immikkoortorissagaatigut. Suleqatigiiuvugut nutaanik pilersitsinissamut piukkunnartut aammalu suleqatigiiulluta pimoorussisut, tassani tatiginninneq, qanimut suleqateqarneq, nutaanik isumaliornerit aammalu suliamut tunngatillugu qaffasissuseq qitiutinneqarlutik ilinniarnissamut avatangiisini isummerfiulluarsinnaasumi. Imarsiornermik Ilinniarfiup siunissaq ornippaa, tassanilu suliniutissat nutaat pissanganartut piareersarneqarput.
Taamaattumillu massakkorpiaq ilinniartitsisussamik pissarsiorpugut.
Suliassatit
Pingaarnerpaavoq tunngaviusumik ilinniartitaanermi ilinniartitsisuunissat, sammisani makkunani:
- Eqqiluisaarneq / ikuallattunik annikitsunik qamisaaneq
- Aalisarneq /piniarneq
- Qalipaaneq /asaaneq
- Imarsiullaqqissuseq
- Immami isumannaallisaaneq
- Sulinermi isumannaallisaaneq (akuutissani ulorianartuni faresedler paasinnissinnaaneq)
- Imarsiortutut dansk/engelsk
Kissaatigaarput
Inuk sulinermigut oqaatsimigullu annertuumik piginnaanilik, suleqatigiinnissamut, eqeersimaartumik aammalu nikerarsinnaasumik sulinermi avatangiisinut soqutiginnittoq. Inuk ilinniartitaanermigut naleqquttumik ilinniagalik (fiskeskipper af 1. grad, sætteskipper imalunniit assingusumik ilinniagalik).sulinikkullu misilittagalik, PC mut atuisinnaanermik piginnaanilik
Taartisiarissavatit
Imarsiornermik ilinniarfimmi suliffik tamakkerlugu atorfik, ilinniartitaanernillu makkuninnga neqerooruteqartoq; Imarsiornikkut tunngaviusumik ilinniartitaaneq, qalulerineq aamma aalisarneq kiisalu piniarneq.
Akissarsiatigut atorfinitsitaanikkullu piumasaqaatit
Akissarsiatigut atorfinitsitaanikkullu piumasaqaatit, tassunga ilanngullugit atorfininnermut aamma soraarnermut angalanerit aammalu pequttat angallanneqarneri atorfinitsitaanerup nalaani Namminersorlutik Oqartussat aammalu pineqartup isumaqatiginninniarnermi kattuffiata akornanni isumaqatigiissut atuuttoq naapertorlugu ingerlanneqassaaq.
Atorfinitsitaaneq: 15. juli 2023 imaluunniit isumaqatigiissuteqarneq naapertorlugu.
Paasissutissat allat
Piffimmi ilinniartitsisutut imminut isigivit, atorfimmullu tunngasunik paasisaqarnerorusullutit, taava tikilluaqqusaavutit attavigisinnaallugu inspektør Niels Lorentzen oqarasuaat 34 87 88 /
56 44 74 mail nilo@maritim.gl
Qinnuteqarnissamut killissaritinneqarpoq ulloq 26. juni 2023
Tusarfiginissannut qilanaaqaagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job