Misissuisarnikkut piginnaasatit ilinniagaqarnermut tunngasunut atorusuppigit atuutsikkusuppigit kiisalu suliniutinut arlalinnut ataqatigiissaarisoorusuppit? Taava Perorsaanermut Ilinniarfik atorfimmik pissanganartumik ilinnut suliatigut unammillernartunik kiisalu ineriartornissamut periarfissaqarluartumik peqarpoq.

Ilinniarfik 45-t inulaarlugit sulisoqarpoq kiisalu ilinniartitaanerni assigiinngitsuni arfineq marluusuni 300-t inulaarlugit ilinniartoqarluni, tassaasuni: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, perorsaanermi ikiortitut ilinniarneq, siunnersuinermi ikiortitut ilinniarneq kiisalu isumaginninnermik sulinermi siunnersortitut ilinniarneq. Taakku saniatigut isumaginninnermi perorsaanermilu suliassaqarfiit iluanni sulisunik piginnaanngorsaalluni pikkorissartitsinerit assigiinngitsut ingerlanneqartarput.
 

Atorfik pillugu
AC-fulmægtigimik tamakkiisumik isiginiagaqartumik sulisussarsiorpugut, ilaatigut makkuninnga suliaqartussamik:
 

• Semesterinut pilersaarusiornermut tamakkiisumik isiginiagaqarnissamut ilaasussaq.
• Ilinniartitsisut suliassaannik piffissallu suliffiusussatut isumaqatigiissutigineqarsimasut aaqqissuussinermut ilaasussaq.
• PI/SPS-ip akisussaaffeqarfiisa iluanni misissueqqissaarnernik, killiffiit pillugit nalunaarusianik naliliinernillu suliaqarneq.
• Paasissutissanik katersinermik suliaqarnermillu pitsanngorsaanermi ilinniartunut allaffimmut ikiuunneq.
• Atuutsitsilernermut ataqatigiissaarineq kiisalu pitsaassutsinik qulakkeerinninnerit suliarisarnerinut allanngutsaaliuineq.
• Ineriartortitsineq pillugu suliniutinut aqutsisuuneq, assersuutigalugu ilinniarnerit aaqqissugaanerinik ilinniarnerlu pillugu quppersakkanik, ilinniartitaanermut ingerlatatsinnut iliuusissanik periusissanillu suliaqarneq nutarterinerlu.
• SoMe nutarsaanernut allagarsiussinernullu ass. LinkedIn aamma Facebook ataqatigiissaarineq.
• Ilinniartut ilinniartitsisullu angalasinnaanerannut nunani tamalaani taqatigiissaarineq.
• Allaffissornikkut suliassanik assigiinngitsunik suliaqarnermik aqutsisunut ikiuineq.
• PI/SPS-ip siulersuisuinut ullormut oqaluuserisassanik ataatsimiinnernullu allanut atortussanik suliaqarnikkut kiisalu imaqarniliornikkut malitseqartitsinissamullu isumaqatigiissutinik ikiuineq.
• Sammisakkaartunik atuartitsinermik ingerlatsineq kiisalu ass. Ullunik sammisaqartitsiffinnik isumasioqatigiinnernillu ingerlatsineq.

Suleqatigissavatit

• Ilinniartunut ilinniartitsisunullu atugassarititaasut nalinginnaasut pillugit inuussutissarsiutinut- ilinniartitaanernullu ingerlariaqqiffiusunut aqutsisut
• Ineriartortitsineq pillugu suliniutinut, misissueqqissaarnernut, killiffiit pillugit nalunaarusianut, ilinniartitaanerit il.il. pitsaassusiinik qulakkeerinninnerit pillugit periusissat tunngavigalugit aqutsisut
• Immikkoortortaqarfiit allat ilinniartitaanerit atortulersorneqarnerannik Ilulissanilu ilinniarnermi avatangiisit pillugit suliaqartuusut

Sulinikkut inuttullu piginnaasat makku pingaartinneqarput

• Naleqquttumik qaffasissumik tunuliaqutaqassaatit ilinniartitaanerup suliassaqarfiisa iluanni misilittagaqarlutit.
• Ataatsikkut arlalinnik suliaqarneq nuannarivat, piffissanilu ulapaarfiusuni eqqissisimasinnaallutit tamakkiisumillu takunnissinnaassuseqarlutit.
• Allaffissornikkut qarasaasiarsornikkullu piginnaasaqarluartutit
• Kisitsisinut pikkorissuusutit kiisalu misissuinermi piginnaasaqarluartutit, sulinermi atorsinnaasannik.
• Tatiginnittutit, akisussaassuseqarlutit akuersaartumillu suleriaaseqarlutit
• Suleqataavutit akisussaassusilik suleqatiginnikkusuttorlu, avatangiisinik qungujulalluni naapitsisartoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Ima qinnuteqassaatit
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Akissarsiat aamma atorfeqarnermi atugassarititaasut
Atorfik 1. august 2023 imaluunniit isumaqatigiissuteqarnikkut sapinngisamik piaarnerpaamik inuttalerneqarnissaa kissaatigaarput.

Qinnuteqarfissamut killigititaq ulloq 14. juni 2023 08:00 (Kalaallit Nunaata kitaata nalunaaqutaa malillugu).

Attaveqarfissat
Paasissutissat annertunerusut pissarsiarisinnaavatit sianerlutit tlf. +299 38 35 50 pisortaagallartoq tullersortilu Marianne Nissen, imaluunniit mailikkut uunga allaffik@pi.sps.gl
Ilinniarfik pillugu uani paasisaqarnerusinnaavutit www.pi.sps.gl

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk