Atorfininnissamut ulluliussaq: 1. juli 2023 imaluunniit isumaqatigiinneq aallaavigalugu.

Soqutigiviuk Angerlarsimaffik Pilutaq sullinnissai? Tassani pineqarpoq angallassineq sullinneqassappullu meeqqat 11- 18-inik ukiullit.
Taava illiusimassaaq angallassinermut soqutigisalik umiatsiamik ukiuuneranilu snescooterinik angallassisoq aammattaaq asimut aammalu Sisimiut nunaqarfiannut. 

Angerlarsimaffik Pilutaq aammalu suleqatigisartakkat pillugit
Angerlarsimaffik Pilutaq Sisimiuniippoq, Kalaallit Nunaanni.  Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ataaniittoq Meeqqanut inuusuttuaqqanullu sumiginnagaasimasunut 11 aamma 17-inik ukiulinnut.
Angerlarsimaffik Pilutaq pingasunik immikkoortortaqarfeqarpoq aammalu Itillimi illuaraqarlutik.
Inissitat meqqat inuttut aqqusaagaqartuupput sumiginnaagaasimanermik tunngaveqarsinnaasumik, nunarput tamakkerlugu inissiisarfiuvoq.

Ulloq unnuarlu angerlarsimaffinnut immikkoortortaqarfik ukununnga: Angerlarsimaffik Isikkivik aammalu Qasapermiut-nut qanimut suleqatigiissuupput taakkualu aamma meerartai sulisullu angallanneqartarput nalunaarsorneqartarlutillu pinerit tamaasa, qitiusumik Angerlarsimaffik Pilutaq sullisissavat.

Oqartussaaffik 
Sulisup attavigisassarivaa Angerlarsimaffik Pilutap pisortaa.

Atorfik pillugu
-Isumannaassallugu umiatsiat ,qamuteralaat, silami pigisat tamaasa aserfaallatsaalinissaat ukiup qanoq ilinera malillugu. Angallassisassaatit umiatsiamik pocamik, qamuteralannillu, piffinni assiginngitsuni, ineqartunik, sulisunillu.
-Nakkutilleeqataassaatit illuaqqanik kangerlunniittunik,(aserfallaatsaaliineq eqqarsaatigalugu) allallu pigisat angalanermut tungasunik
-Angallassisassaatit piniarnerni, ukiukkut aasakkullu.
-Tamakkua tamarmik perorsaariaasermut atuutsinneqartumut naleqqutsinniarneqassapput

Makku akisussaaqataaffigissallugit piareersimaffigissavatit
•    Ulluinnarni suleqataanissat, ulloq unnuarlu angerlarsimaffimmi sulisut suleqatigalugit. 
•    Immikkoortortami ataatsimeeqataasarlutit pilersaarusiornerni angalanissamut, aalajangeeqataasarnissaq.
•    Immikkoortortami suleriutsit anguniakkallu sulinermi qularnaarnissaannut ilaanissaq  
•    Immikkoortortami aaqqissuussamik maleruagassanik atuutsitsineq aamma illuaqqani.
•    Atortunik aserfallatsaaliineq 
•    Nalunaarsueqataanissaq pisattanut suliassanut, aserfallaanissamullu.
•    Suleqatinut nutaanut ilitsersueqataanissaq qanoq angalanissamut pissutsinik, aamma angalanissami aqussinnaanermi soorlu snescooterinik.
•    Ilisimasaqarneq ineqartunut 11-18 ukiulinnut, angallattagassassinnut

Makku ilaatigut ilinnut naatsorsuutigaangut
•    Ilinniangaqarsimassasutit/misilittagaqassasutit Inuussutissarsiortut angallassisinnaasut allagartaqarnissaq, piumasaqaataavoq. 
•    Assassorissanut passussillaqqissuunissaq suliassanut annikitsunut.
•    IT – Outlook, Word, Excel-imullu misilittagaqarsimanissat kissaatiginarpoq.
•    Angallassisutut misilittagalik, soorlu umiatsiat snescooterillu.
•    Piginnaaneqartutit  suleqateqarsinnaanermik, ersarissuusutillu ilinniakkat/misilittakkat suleriaatsillu tunuliaqutigalugit.
•    Siumut isigisumik akissussaasuseqartuunissat tunuliaqutigalugu takorluuisinnaassuseqartit.
•    Marluinnik oqaaseqartuusinnaavutit, kalaallisut qallunaatullu (danskisut piumasaqaataanngilaq)

Makku ilaatigut ilinnut neqeroorutigaagut
•    Atorfik pissanganartoq, allanngueqataasinnaanermut suliffik immersuiffiusoq.
•    Suliffik ineriartornissamut pingaartitsisoq ulloq unnuarlu suliffik meeqqamut qitiutitsiffiusoq.
•    Suliffik sulisunik ilinniarsimalluartunik suleqateqarfiusoq, ukkissiffiusorlu suliffeqarfiup silaannaata ajunnginnissaanik.

Sap. Ak. 40 tiimi sulisarneq.

Pinerliisimannginnermut uppernarsaat/meeqqanik pinerliisimannginnermut uppernarsaat
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu Angerlarsimaffik Pilutaq pinerlussimannginnermik allagartamik tigusinerata kingorna aatsaat atorfinittoqarsinnaavoq. 
Atorfinitsitassamik toqqaaniarnermi meeqqanik pinerliisimannginnermut uppernarsaat Angerlarsimaffik Pilutamit naliliinermut ilaatinneqassaaq. 

Paasissutissat allat
 Atorfik pillugu paasisaqarnerorusukkuit saaffiginnissinnaanernut tikilluaqquatsigit.
Pisortamut Nukánguak’ Lynge Andersen e-mail: forst@pilutaq.gl   Tlf.: 382457

Qinnuteqarneq
Qinnuteqarfissap ullua kingulleq: 26. juni 2023

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk