Kalaallit Nunaanni inuussutissarsiornermi, niuernermilu sinaakkutinik ineriartortitsinissaminnut akisussaaffimmik tigusinissaminnut piareersimasunik, tassuunatigullu suleqataarusuttunik Nunanut Allanut, Inuussutissarsiornermut Niuernermullu Naalakkersuisoqarfik ataatsimik, marlunnilluunniit sulisussarsiorpoq. Kalaallit Nunaat ukiuni aggersuni annertuunik, pissanganartunillu nutaanik unammilligassaqarpoq. Mittarfittaassat piviusunngortinneqalerput, inuussutissarsiutillu arlaqartut, tamatumani ilaatigut takornariartitsineq ilanngullugu Kalaallit Nunaata aningaasaqarneranut annertuumik tunniussueqataalersussaapput. Aningaasarsiornerup assigiinngisitaarnerulernissaani inuussutissarsiutit nutaat ineriartortinneqarnerat qitiulertussaavoq, tamannalu unammilleqatigiinnikkut, allanngujaatsunillu sinaakkuteqartitsinissamut piumasaqaatinik nassataqarluni. Piujuartitsinissamik suliniutit, Issittumilu suliffeqarfinnik pilersitsineq ingiaqatigiissillugit mingutsitsinngitsumik ingerlatsilernissaq aallarnisaaqataaffigerusukkukku,atorfik una eqqarsaatigisariaqarpat.

Suut suliarisarpagut
Inuussutissarsiornermut niuernermullu immikkoortortaqarfimmi ilaatigut suliarisartakkagut tassaapput nunamut tamarmut inuussutissarsiornikkut nuernikkullu politikki, takornarialerineq, sermimik imermillu avammut niueruteqarneq, Kalaallit Nunaanni inuussutissarsiornermi periarfissanik avammut tuniniaanermik siuarsaaneq kiisalu inuussutissarsiornermut niuernermullu tunngassuteqartunik nunat tamalaat akornanni arlalinnik suleqateqarneq. Suliat tamakkua ilaattut immikkoortortaqarfik nunatsinni inuussutissarsiornermik ingerlatsisunik, Naalakkersuisoqarfinnut allanut, kommuninut, soqutigisaqaqatigiit kattuffiinut il.il. akimortumik suleqateqarpoq.

Ulluinnarni ilaatigut makkua suliarisarpagut:

• Politikkikkut ingerlatanut sullissineq, tamatumani ilanngullugit Naalakkersuisut isummernissaannut tunngavissianik suliaqartarneq, najoqqutassatut allakkiornerit, oqalugiaatissat, § 37 naapertorlugu apeqquteqaatinut akissuteqaasiornerit, tusarniutinut akissuteqaasiornerit il.il.
• Inuussutissarsiornermi niuernermilu politikkissamik suliaqarnermi aqutsisunut siunnersuineq
• Suliatta iluini inuussutissarsiornikkut niuernikkullu periusissiassanik ineriartortitsineq, atortuulersitsisarnerlu
• Naalakkersuisoqarfiit, oqartussaqarfiit inuussutissarsiorfiillu suleqatigalugit akimortumik pilersaarutinik ataqatigiissitsineq
• Kalaallit Nunaanni inuussutissarsiutinik nunat tamalaat akornannut nittarsaassineq
• Ilaatigut Visit Greenland, Nalik Ventures, Great Greenland, Sulisitsisut, najukkani inuussutissarsiortut peqatigiiffii, najukkani inuussutissarsiornermi siunnersuisoqatigiit il.il. peqatigalugit ineriartortitsineq, suleqateqarnerlu

Kissaatigisagut
Suliaqarfitsinni suleqataasussamik/-nik ataatsimik, marlunnilluunniit suleqatissarsiorpugut. Suleqatigiinni ikitsuni suleqataarusussuseqassasutit, aammali namminersorlutit sulisinnaassasutit, akissussaaffittalu ilaanik, arlalinnilluunniit tigusisinnaassasutit kissaatigaarput. Takornarialerinerup ineriartortinneqarnissaanik, inuussutissarsiutinik aamma/imaluunniit nunat tamalaat akornanni suleqatigiinnitsinnik suliaqarnissamut soqutiginnittumik massakkut ujartuivugut. Taamaakkaluartoq soqutigisat, piginnaasat misilittakkallu tunuliaqutaralugit akisussaaffiit peqatigiilluta isumaqatigiissusiorfigiuaannarpagut, sulianillu soqutiginartunik, ineriartuutaasunillu suliaqarnissat, pikkorissunillu suleqateqarnissat qulakkeersinnaallutigu.

Tulliuttunik piginnaasaqassasutit kissaatigaarput:

• Suliassanut attuumassuteqartumik ilinniagaqartutit, ajornanngippat kanditatitut, kisianni allamik naleqquttumik ilinniagaqarsimasut imaluunniit tunuliaqutaqartut aamma qinnuteqarnissamut kaammattorneqarput
• Politikkikkut aqutaasumi ingerlatsivimmi aamma /imaluunniit namminersortuni inuussutissarsiortuni misilittagaqartutit
• Inuussutissarsiornermut niuernermullu tunngasunik ilisimasaqarluartutit
• Inuussutissarsiornermi aningaasaqarnermik aamma/imaluunniit inuiaqatigiinni aningaasaqarnermik ilisimasaqaruit iluaqutaassaaq
• Nunatsinni inuiaqatigiinnik inuussutissarsiornermilu pissutsinik ilisimasaqartutit
• Kalaallisut, danskisut tuluttullu oqaaseqaruit iluaqutaassaaq

Taassumap saniatigut pimoorussilluni kajumillunilu suliassanik suliarinnittartumik, immikkoortortaqarfimmilu peqatigiinnermut eqeersimaartumik peqataarusussuseqartumik suleqatitaarusuppugut.

Kikkuuvugut
Inuussutissarsiornermut niuernermullu immikkoortortaqarfimmi sulisut tassaapput immikkoortortaqarfimmi pisortaq ataaseq, pimoorussillutik piffissaq tamakkerlugu sulisut qulingiluat-qulit tungaaniittut kiisalu ilinniakkami saniatigut sulisut. Immikkoortortaqarfitsinni sulisut tamarmik immikkut annertuumik akisussaaffeqarput. Ilutigisaanik suliassarpassuatsinnik kivitseqatigiittarluta peqatigiilluartarpugut, peqatigisaanillu nuannaaqatigiittarluta.

Atorfininnissaq pillugu
Aallaavittut AC-fuldmægtigitut imaluunniit siunnersortitut atorfinitsitsisoqassaaq. Piginnaasanik pisariaqartitatinik piginnaasaqartut, misilittagaqarluartullu immikkut ittumik siunnersortitut atorfinitsinneqassanersut nalilersorneqarsinnaavoq.

Atorfiit 1. august  2023-mi, ersarinnerusumilluunniit isumaqatigiissuteqarnikkut inuttalerneqassasut kissaatigineqarpoq.

Sukumiinerusumik paasissutissat:
Atorfik pillugu annertunerusunik paasisaqarusukkuit Inuussutissarsiornermut immikkoortortami pisortamut Marte Lona-mut uunga e-mail: mlon@nanoq.gl imaluunniit oqarasuaat 346568-imut saaffiginninnissannut tikilluaqqusaavutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisumut ataasiinnarmut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk