Ulloq unnuarlu paaqqinnittarfik Inuusuttut inaat Qaqortumiittoq Pisortamut tullersortissarsiorpoq
Atorfiniffissaq 1 Juli 2023 imaluunniit isumaqatigiissuteqarneq aallaavigalugu atorfinitsitsisoqassaaq.
Ulloq unnuarlu paaqqinnittarfik pingasunik namminerisamik ingerlanneqartunik immikkoortortaqarpoq, katillugit 19-nik najugaqarfigineqarsinnaasunik, atorfiit akuerisat ukuupput : Pisortaq, pisortap tullersortaa, allaffimmiu aamma isumaginninnermi siunnersorti, eqqiaasoq ataaseq, pedel kiisalu angallammi aquttoq ataaseq immikkoortortanut pingasuusunut tamaginnut sullissisuusoq.
Meeqqanut immikkoortortaq meeqqanik arfineq sisamanik inissaqartitsivoq, immikkoortortami atorfiit akuerisat makkuupput: Immikkoortortami aqutsisoq ataaseq, perorsaasut arfineq marluk, isumaginninnermi ikiorti ataaseq.
Immikkoortortaqarfiit marluk B 99 aamma naalugiarsunnut immikkoortortaqarfik, meeqqanut tallimanut inissaqartitsipput, immikkoortortaqarfinni atorfiit akuerisat makkuupput: Immikkoortortarmi aqutsisoq ataaseq, perorsaasut sisamat, isumaginninnermi ikiorti ataaseq.
 

Ujartukkagut:

• Perorsaasutut ilinniagalik
• Aqutsinermik misilittagaqartoq
• Suleqatigiillaqqissusilik
• Ulloq unnuarlu paaqqinnittarfimmi sulinermik misilittagalik
• Tamakkiisumik isiginnissinnaassusilik aamma sunniutqarluarsinnaassusilik
• Akisussaassuseqartumik, akuerserpaluttumik attaveqaqatigiinneq tunngavigalugu perorsaariaatsimik ingerlatsinermik piginnaasalik
• Atugarissaartitsisoqarnissaanik aamma isumassuinermik qulakkerinninnissamik suleqataasinnaassusilik
• Pisortaq peqatigalugu allaffissornermi suliassanik ingerlatseqataasinnaassusilik
• Pisortaasup najuussinnaanngiffiani taartaasartussaq

Neqeroorutigaarput:

• Atorfik unammilligassaqarfiulluartoq
• Pikkorissarnermik aamma ilinniagaqaqqinnermik periarfissat
• Neqeroorutigaarput suliffeqarfik ineriartortuartoq
• Oqilisaanneqarluni oqaloqatigineqarneq
• Ulloq unnuarlu paaqqinnittarfik ineriartortitseqataaffigisinnaavat

Sapaatit akunnerannut akunnerit 40-it suliffiusarput.
Annertunerusumik paasisaqarusukkuit 642117-mut sianerlutit imaluunniit inaat@nanoq.gl-mutallallutit. Inuusuttut inaat takujuk: www.uupi.gl
Qinnuteqarnissamut ulloq killigititaq tassaavoq  23 Juni 2023  
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk