ALLAGARSIUTEQQITAQ - Nunalerinermut, Imminut Pilersornermit, Nukissiutinut Avatangiisinullu Naalakkersuisoqarfimmi siunnersorti
Eqiingasuuit aammalu suliassaqarfiit akimorlugit suleqateqarnissaq nuannaraajuk? Taamaappat siunnersortinngorsinnaavutit, naalakkersuisoqarfiup immikkoortortaqarfiini suliassat assigiinngitsut akimorlugit suliaqarnissamut periarfissaralugit.

Neqeroorutigaavut:
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup Naalakkersuisoqarfiuvoq, sisamanik immikkoortortaqartoq ataatsimillu aqutsisoqarfeqartoq. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Kiffartuussinermut, Aningaasaqarnermut Sulisoqarnermullu Immikkoortortaqarfimmi ilaatigut journalilerinermi, allakkanik nalinginnaasunik digitaliusunillu tigooraanermik aamma ataqatigiissaarinerit suliarissavatit. Naalakkersuisuni Inatsisartunilu suliani ataqatigiissaarinermi pingaaruteqartumik inissisimalissaatit, illiussaaq atortussat pitsaanerpaamik pitsaassuseqarnissaannut, piumasarineqartunut pitsaassutsimik qularnaarisussaq.

Siunnersorti immikkoortortaqarfimmi suliassat assigiinngitsorpassuit isumagineqarnerinut suleqataasassaaq ilaatigut pisiniarneq aamma billetinik inniminniinernik suliaqartassalluni. Kiffartuussinermut, aningaasaqarnermut sulisoqarnermullu immikkoortortaqarfimmi suliassaqarfinni allani sulisunut ikorfartuutaassaatit aammalu Naalakkersuisoqarfimmi immikkoortortaqarfinni allani suliassaalersunik tigusisinnaassallutit.


Suliassatit
Immikkoortortaqarfimmi mikisunnguami, Naalakkersuisoqarfiup ulluinnarni suliassanut politikkikkullu tulleriiaakkanut tunngatillugu allaffissornerani kiffartuussisumi tapertaasumilu sulilissaatit. Suliffeqarfik pitsaasunik suleqateqarfiusoq, pingaartorsiorfiunngitsunik pissuseqarfiusoq aammalu toqqissisimasumik ineriartortitsinissamillu pingaartitsiviusoq suliffigilissavat.

Naatsorsuutigaarput:

• Namminersorsinnaassuseqassasutit pisussaaffinnillu naammassinnissinnaassasutit
• Piffissani ulapaarfiusuni eqqissisimasinnaassaatit sungiussisimassallutillu
• Kiffartuussinissamik ilisimaarinnittuussasutit
• Ilikkartikkuminartuussasutit aaqqissuussaanernillu uummaarissunik sungiussisimasuussasutit
• Naapertuisuussasutit
• Kalaallisut danskisullu marluinnik oqaaseqassasutit
• Suliassaalersunik tapersiiffissanillu assigiinngitsunik suliaqarnissamut piareersimasuussasutit

Piginnaaneqarfiit
Kiffartuussinissamut ilisimaarinnittuuvutit, namminersorsinnaavutit eqaatsumillu aaqqiisinnaassuseqarputit, suliassanik nutaanik tigusisinnaassuseqarluarlutit suliassanillu paasisimaarinnittuullutit. Eqqissisimasuuvutit, allanngorattuunngilatit, unammilligassat kajumissaatigisarpatit, pisussaaffinnik naammassinnissinnaavutit, ilumoorussisuuvutit isumagissaartuullutillu.

Tamatuma saniatigut naatsorsuutigaarput:

• attuumassutilimmik ilinniagaqarsimassasutit, soorlu TNI-mi, Ilinniagartuunngorniat Ilinniarfianni Ilinniartitaanermi assigisaaniluunniit
• sullississutit Outlook, Regneark aamma Word ilisimavatit, aammalu XAL, IRIS aamma F2 ilisimagukkit iluaqutaassaaq
• controlling ilisimasaqarfigaat
• aaqqissuussamik sulisinnaavutit piffissarititaasunillu eqquinissap qulakkeerneqarnissaa piginnaaneqarfigaat
• namminersorlutit sulisinnaavutit suliniuteqarsinnaallutillu
• akisussaaffimmik tigusinissat aammalu allanut siunnersortissarsiorlutit aperinissat ersiginngilat
• suliassat suliarinerini kiisalu suleriaatsinik pioreersunik atuininni akisussaassuseqarneq sakkortuumik misigisimallugu takutissinnaavat
• inuit suliassaqarfiillu assigiinngitsorpassuit suleqatigisinnaavatit
• isumagissaartuuvutit suliallu inerneqarnissaannut pikkorissuseqarlutit

Akissarsiat atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq
Atorfimmut atatillugu sulisunut inissiamik innersuussisoqassanngilaq. Qinnuteqartoq Namminersorlutik Oqartussani atorfeqarnermigut sulisunut inissiami najugaqareersimaguni, sulisunut inissiamut innersuunneqarsinnaatitaanini pigiinnassavaa. Sulisunut inissiaq atorfeqarnermut atasuuvoq, aammalu atorfeqarnerup naanerani qimanneqassalluni.

Annertunerusumik paasisaqarusuppit?
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Kristiansen oqarasuaat 345416-imut attaveqarfigisinnaavat.

Namminersorlutik Oqartussat pillugit annertunerusumik paasisaqarusukkuit, www.naalakkersuisut.gl aqqutigalugu annertunerusumik atuagaqarsinnaavutit.
Qinnuteqaat CV-mik, soraarummeernermut uppernarsaatinik allanillu ilaqartinneqartoq quppernermi matumani linki aqqutigalugu nassiunneqassaaq. E-mail-inik tigusisanngilagut.

Qinnuteqarnissamut piffissarititaasoq
Qinnuteqaat CV-mik soraarummeernermullu uppernarsaatit assilinerinik ilaqartinneqartoq linki matuma kingulianiittoq atorlugu kingusinnerpaamik ulloq 22. juni 2023-imi nassiunneqassaaq. E-mail-ikkut qinnuteqaatinik tigusisanngilagut.

 

Qinnuteqaat nassiuguk