Find job
Dette jobopslag er udløbet
Atuisartoqarnermut Unammilleqatigiinnermullu Aqutsisoqarfik ba.jur-mik sulisussarsiorpoq
Sullissinermi paasisimasaqarluartoorusuppit, taavalu Atuisartoqartoqarnermut Unammilleqatigiinnermullu Aqutsisoqarfiup immikkoortortaqarfiisa suliai siammasissut suliarerusullugit, taamaappat qinnuteqarit.
Atorfik pillugu
Sulininni ingerlariaqqinnginninni ingerlatsinermi inatsit Aqutsisoqarfiullu suliai tamaasa pillugit suliaqassaatit. Matuma saniatigut suliniutigut pillugit pilersaarusiornernut peqataasassaatit.
Inernerit, pitsaassuseq, suleqatigiinneq piginnaasanillu siuarsaaneq, suliniutillu tamarmik aqutsisoqarfimmi aammalu avammut tunngasuullutik.
Inatsisinik ilisimatusarneq (Jura) suliatsinni pingaarnersaavoq, sulianilu paasisimasaqarluartunik ikorfartorneqarlutit suliamut tunngasunut ineriartorfiulluni.
Pisinnaasat pillugit piumasaqaatit
Naatsorsuutigaarput:
- ba.jur. naammassillugu ilinniagarisimassagit, kandidatimullu ilinniarlutit ingerlaqqinnissat soqutigalugu
- Public 360 ilisimasaqarfigissagit
Piumasaqaataavoq:
- Kalaallit Nunaanni inuiqatigiinni pissutsinut ilisimasaqarnissat
Uagut pilluta
Immikkoortortani assigiinngitsuni naammagittaalliuutit pillugit suliaqarlutalu aalajangiisarpugut:
- Isumaginninnermi inatsit, ataani siusinaartumik pensionisiat pillugu suliat
- Atuisunut inatsit
- Unammilleqatigiinneq pillugu inatsit
- Neqerooruteqartitsisarneq pillugu inatsit
- Attartorneq pillugu inatsit
- Avatangiisit inarlitsaaliorneqarnissaat pillugit inatsit
- Pinngortitap innarlitsaaliorneqarnissaa pillugu inatsit
Matuma saniatigut atuisunut siunnersuineq akisussaaffigaarput, suliffeqarfittullu innuttaasunik tapersersortarialinnik nalunaarsuiffiulluta.
Pisortatigut oqartussaaffiuvugut, inatsisilerinerlu suliffeqarfitta qitiusumik suliaqarfigalugu. Ukiumut suliat 600 aamma 800 akornanni amerlatigisut suliarisarpagut. Suliffeqarfittut ingerlalluarpugut ineriartornissatsinnullu ukkatarinnilluta.
Paasissutissat allat
Atorfik pillugu paasisaqarnerorusukkuit Aqutsisoqarfiup qullersaanut, Kristina Nordby, oqarasuaat +299 539452 imaluunniit e-mail: krno@nanoq.gl saaffiginnissinnaavutit
Qinnuteqaatit:
CV misilitsinnermilu uppernarsaatit attuumassuteqartut ilanngunneqassapput. Qinnuteqarnissamut killigititaq tassaavoq; 21. juuni 2023 nal. 12.00.
Atorfinitsitsinissamut oqaloqatiginninnerit ingerlanneqassapput piaartumillu atorfinitsitsisoqassalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job