Sullissilluarnissamik suliassatigut unammillernartunik nuannarisaqarpit? Taamaappat Aningaasaqarnermut Sulisoqarnermullu Aqutsisoqarfimmi (ASA) ilinniartutut ikiortitut tulliusinnaavutit. Piffissap annersaa saaffiginnittarfimmi inissisimassaatit, suliassaalunnik nalinginnaasunik, kiffartuussinerup qaffasissusianut pingaaruteqaqisunut, ASA-mi tunniussinnaasatsinnut, isumaginnittutut. 

Atorfimmi suliassat:

• Saaffiginnittarfimmi feriartoqarneratigut taartaaneq
• Allakkatigut oqarasuaatikkut kiisalu ornigullutik saaffiginnittartut immikkoortumut eqqortumut ingerlateqqinneqartarnissaannut qulakkeerinnittarneq. 
• Pikkorissartarfiit piareersarneri.
• ASAmut isernissat pitsaanerit qulakkeerniarlugit, ASAp sullissisarneranut ineriartortitsinermut peqataaneq.
• Suliassanik takkussortunik aqutsisunut allattoqarfimmut attuumassusilinnik isumaginninneq. 

ASA-mi suleqatigaagut nutserisut, aaqqissuussaasumik pisiortortartut, isumaqatigiissutit malillugit isumaqatigiinniarnerit, Nunatta Karsiata naatsorsuutai, Naalakkersuisut Kukkunersiuisui, Namminersorlutik Oqartussat illuutaannik aserfallatsaaliuisut, sulisunut inissianik aqutsisut il. il. Taamaattumik aqutsisoqarfiup suliassaqarfii tamaasa pillugit paasissutissiinissannut soqutigisaqarnissat pingaaruteqarpoq, sullisatsinnut pitsaanerpaamik sullissisinnaaniassagavit.
Qinigassamut eqqortumut ilinniagartuutut ilisimasalimmut imaluunniit aaqqissuussaasumik pisiortornermut, Isumaqatigiissutit pillugit suliassaqarfimmut, attaveqatigiinnermut assigisaannilluunniit soqutigisalimmut, allanik aalajangersimasunik suliassaqarnissaminik isumaqatigiissuteqarnissamut periarfissaqassaaq.

Neqeroorutigisinnaavagut:

• Suliffik tamatigoortoq, sulisunut tamanut ineriartortitsinissamut periarfissanut pingaartitsisoq.
• Suliffik ikioqatigiiffiusoq.
• Suliffik sullissilluarnermik qitiutitsisoq.
• ASAp suliassaqarfippassuisa iluanni ilinniakkatigut piginnaasarisanik atuinissamut periarfissaqarneq.

Piginnaasassatit:

• Suliamut attuumassutilimmik ilinniagaqarnermik ingerlatsivutit.
• Inussiarnersuuvutit inunnullu, nalusannut, saaffiginnissinnaavutit.
•  Outlook atorlugu sulinissamut kajumissuseqarputit.
• Peqqissaartuuvutit, tamatigoortuullutit suliavillu naammassineqarnissaannut akisussaaffigissallugu merserisaqanngitsuullutit.
• Ikiortissarsiornissannut ersinngilatit.
• Kalaallisut qallunaatullu pikkoriffigigukkit, iluaqutaassaqaaq.

Atorfik maanna inuttaarutereerpoq, taamaattumik qinnuteqaammik, CV soraarummeersimanermullu uppernarsaatit attuumassutillit tamalaat ilanngullugit, nassiussinissannik tunuarsimanak. 

Sukumiinerusumik paasisaqarusuppit?
Atorfik pillugu paasissutissat sukumiinerusut allatseqarfimmi pisortamut Rikke Frederiksen-imut saaffiginnilluni pissarsiarineqarsinnaapput, oqarasuaammut. +299 34 64 34 imaluunniit e-mail: rifr@nanoq.gl
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk