Find job
Dette jobopslag er udløbet
Suliniutinut aqutsisuuit – aammalu sakkortusaavinnik nutaanik qaammataasamullu attavinnik pilersarusioqataarusullutit?
Aallakaatitsinernut attaveqaatitta nutartertuarnerat qulakkeerniarlugu sakkortusaavigut kiisalu qaammataasanut attavigut annertusarlugit aallartippagut – tamanna suliassaavoq pingaarutilik aamma unammillernartulik illit suleqataaffigisinnaasat.
Suleqatigiit
Aallakaatitsinermut tunngasunik suleqatigiinnut aallakaatitsinermik suliaqarfiup immikkoortortaqarfianut atasunut katillugit 22-nik sulisulimmut Nuummi Aasianilu agguataarsimasunut suleqataalissaatit. Tassani pingaarutilimmik suliaqassaatit, tassalu sakkortusaavitsinnik qaammataasatsinnullu attaveqaatitsinnut atortutsinnik annertusaanermik suliaqarnitsinnik ataqatigiissaarisuussagavit.
Suliamik ingerlatsinerup nalaani teknikerinik aammalu aqutsisoqatigiinnik qanimut suleqateqassaatit.
Peqatigiillusi Nunatsinni attaveqaqatigiinnermut attaveqaasersuinerup siunissamut qulakkeerneqarnissaanut pingaaruteqarluinnartumik suliaqassaasi.
Atorfik
Piffissavit annerpaartaa Nuummi allaffinniitsulisassaatit, piffissallu 15%-iata missarpiaa sakkortusaavitsinni 60-iusuni alakkaanernut peqataasassallutit. Illit teknikerillu helikopterimik sakkortusaaveqarfitsinnut angalasassaasi, taakkunanilu suliassaavoq teknikkip atorneqarsinnaalersinnissaa – aamma Nunatta pinngortitaani.
Illiussaaq suliassanut malinnaaviginnilluartuusussaq. Imatut paasillugu:
· suliassaq A-miit Z-imut allaaserisassavat aammalu periusissiat tigussaasunngortissallugit –
taakkununngalu atasumik missingersuutit aammalu ajutoortoqarsinnaaneranik aningaasanillu atuineq eqqarsaatigisussaallugit
· suliassat inuttassaqartinnissaannik isumaginnissaatit pilersuisorisatsinnullu attaveqartassallutit
· suliassami tamarmi suut tamarmik suliarineqarnissaannik qulakkeerinnissaatit, tamatumunnga ilanngullugit attaveqaasersuutit tamaasa
· suleqatinik aammalu pilersuisunik avataaneersunik ullut tamaasa ataatsimeeqateqarnernut
peqataaneq
”Manna suliassaavoq pissanganarluinnartoq pingaaruteqarluinnartorlu, illimmi nunaqarfiit allaat isorliunerpaat attaveqaataasaattaveqarnissaat qulakkeerinneqataaffigissavat. Best practice qulakkeerumallugu PRINCE2 sulinitsinni atorparput, sulialli sinaakkutaasa iluanni illit annertuumik kiffaanngissuseqassaatit. Taamaattumik suleqatitillu sulianik ingerlatseriaatsitsinnik ineriartortitseqataanissarsi qilanaaraarput,” immikkoortortaqarfimmi pisortaq Kim Zinck oqaluttuarpoq.
Suliassanut piukkunnarnerpaaq
Pitsaasunik inuttut piginnaaneqarluartuunissat attaveqaqatiginnilluarsinnaanerlu suliani soqutigisalinnut assigiinngitsunik suleqateqarninnut pingaaruteqarpoq. Tamanna ilutigalugu suliamik ingerlatsinernut tamanut pitsaasumik paasinnissimasassaatit aammalu suliap naammassineqarfissaanik ullormik qaangiinnginnissaq pingaartitarilluinnassallugu.
Tamakku saniatigut naatsorsuutigaarput:
• ingeniøritut assigisaanilluunniit ilinniagaqartuunissat teknikkimillu annertuumik
paasisimasaqartuunissat
• atorfimmi assingusumi ukiuni arlalinni misilittagaqartutit, ajornanngippat nalunaarasuartaaserinermik
suliaqarfimmit
• PRINCE2 atorlugu sulinermut allagartaqartutit – taamaanngippat pikkorissarnissannik
neqeroorfigissavatsigit
• aallakaatitsinermut teknologiimik, soorlu sakkortusaavinnut, qaammataasanut, imaani kabelimut, IP-
mut aammalu Cisco-mut teknologiimik paasisimasaqarnissat
• qallunaatut tuluttullu oqalussinnaassuutit – kalaallisut oqalussinnaanissat iluaqutaassaaq
piumasaqaataananili.
Tusassimi suliffinnut atasumik qaffakkiartorusuppit?
Atorfik pillugu apeqqutissaqaruit Kim Zinck Tusassimut attavigisinnaavat uunga sianerlutit: tlf. +299 386060
imaluunniit angallattakkamut: +299 535700.
Qinnuteqarnissamut iserfissaq matuma ataaniittoq ”Søg jobbet online” aqqutigalugu CV-t qinnuteqaatillu nassiutikkit. Sapinngisamik piaarnerpaamik atorfinittoqassaaq, sulisussarli piukkunnarnerpaaq soorunami utaqqissavarput.
Tusarfiginissat qilanaaraarput.