Team Servicemi aqutsisuuninni atuagaateqarfimmi atuisunut sullissinerup ineriartortinnissaa pingaarnertut suliassaraat, taassuma iluaniippoq ullutsinnut naleqquttunik qarasaasiatigut attaveqaatinik paasissutissanillu ineriartortitseqataaneq kiisalu atuisorpassuatsinnut naleqquttunik atuagaateqarfimmit atorneqarsinnaasunik neqeroorusiornissaq.
  
Aqutsisunut ilaassaatit, kiisalu teamimut allamut qanimut suleqataasassallutit. 

Teamimi aqutsisutut ulluinnarni suliassat kiisalu atuagaateqarfiup sulisuisalu ineriartortittuarnissaannut tunngassapput. Atuagaateqarfiup uummaarissumik atuisut pisariaqartitaat, kiffartuunneqarnissaat misigisassaqarnissaallu sullissinitsinnut ilaatittuarparput. 

Illoqarfiup ineriartortupilussuup Nuup atuagaateqarfik aamma innuttaminut atuagaateqarfigaa. Taamaattumik kulturikkut neqeroorutigisartakkatta pitsaareersut suli ineriartorteqqinnissaannut piumassusilimmik sapiutinngitsumillu aqutseqatissatsinnik atuagaatilerisussarsiorpugut.  

Taamaattumik aqutsilluarsinnaasumik kiffartuussillaqqittumik kiisalu ilikkartitserusuttumik avammullu nittarsaassinermik pingaartitsisumik pissarsiorpugut. 

Aqutsisuunerpit saniatigut meeqqanut inersimasunullu atuagaateqarfimmi atorniartitsillutit vagteqartassaatit qaammammullu ataasiarlutit arfininngornikkut aamma vagteqartassallutit. Atorniartitsisarnikkut atuisutsinnik ilisarinninnerulissaatit suullu kiffartuussinitsinni pisariaqartinneqarnersut malinnaaffigisinnaassallugit. 
  
Pingaarnertut suliassaraatit qulakkiissallugit: 

• Atuagaateqarfiup qarasaasiaq atorlugu, soorlu bibliotekssystem, app’it nittartagarlu.   
• Atuisut atugassaannik pisiniartarneq nutarsaasarnerlu 
• Atuagaatilerisut vagteqarfissaannik pilersaarusiorneq 
• Suleqatit akornanni ilisimasanik siammarterineq bibliotekssystemillu atornissaanut sukumiisumik ilitsersuineq 
• Atuagaateqarfiup iluani tikikkuminarsaalluni pisatsersorneq allagartalersuinerlu 
• IKT (Informations Kommunikations Teknologi) atorlugu atuagaateqarfimmi avataanilu atuisunut sullississutit siunertaq malillugu atuunnissaat 

Naatsorsuutigaarput: 

• Atuagaatilerisutut Bibliotekar, DB imaluunniit Cand. Scient. Bibl. ilinniagaqarsimanissat 
• Sulianik pilersaarusiornermik ingerlatsinermillu misilittagaqassasutit  
• Bibliotekssystemi Cicero LMS misilittagaqarffigissagit 
• Teamip suliassaasa suunerinik ilisimasaqarluassasutit suliassanillu  agguataarinnillaqqissuussasutit sungiussiasuussasutillu 
• Eqaatsumik suleriuseqassasutit, kiffartuusserusuttuussasutit aamma naleqqussallaqqittuussasutit 
• Kalaallit kulturiannut attaqqinnittuussasutit inuiaqatigiinnullu akuliunnissamut soqutiginnittuussasutit 

Kalaallit oqaasiinut ilisimasaqarnissat kissaataavoq, piumasaqaataananili. 

Neqeroorutigaavut: 

• Teamimi aqutsisutut atorfik pissanganartoq unammillernartorlu 
• Piginnaasaqarluartunik, misilittagalinnik aammalu piumassuseqarluartunik suleqateqarneq 
• Inuttut suliallu tungaatigut ineriartorfissalik 
• Nammineersinnaanermik akisussaaffeqarneq 
• Suliffeqarfimmi suleqatit ataqatigiittut, ammasumik inuppalaartumillu suleriuseqartut 
• Suliffeqarfik pissanganartoq ineriartortoq, nunarsuarmi pinningaartumi inissisimasoq illoqarfillu periarfissarpassualik sunngiffimmi aliikkutassarpassualik kiisalu avatangiisit kusanangaartut. 

 
Uagut pilluta: 
Nunatta Atuagaateqarfia aamma Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami inuttaasunut tamanut sullissisuulluni.  

Suliffeqarfik teaminut sisamanut agguataarneqarpoq: Team Groenlandica, Team Nunarput, Team Oplevelser aamma Team Service. Suliffeqarfik sammisassarpassuarnik aaqqissuussaqartarpoq, soorlu aamma ukiumut ataasiarluta Unnuk Kulturisiortitsisarpugut illoqarfiullu kulturikkut pikialaartitsinerani peqataasarluta. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk