Find job
Dette jobopslag er udløbet
Kalaallit Nunaanni Aalisarsinnaanermut Akuersissutinik Nakkutilliivimmmut (KANUAANA) Ilulissani, Sisimiuni Nuummilu aalisarnermik piniarnermillu nakkutilliisunut assistentit
Kalaallit Nunaanni Aalisarsinnaanermut Akuersissutinik Nakkutilliivimmmut (KANUAANA) Ilulissani, Sisimiuni Nuummilu aalisarnermik piniarnermillu nakkutilliisunut assistentit
Ilulissani, Sisimiuni Nuummilu Nunap immikkoortuini allafinnut piniarnermik nakkutilliisut assitentiinik piginnaasaqarluartunik sullisserussuseqartunillu suliassarpassuarnik unammartunik suliarininittussanik suisussarsiorpugut. Immikkoortortaqarfinni tamani atorfiit inissisimaffigisaanni sulisut tallimaniit quliupput. Pingaarnertut suliassat tassaapput aalisarnermik nakkutilliisut piniarnermillu nakkutilliisut qanimut suleqatigalugit Kalaallit Nunaanni aalisarnermik piniarnermillu nakkutiginninneq nakkutilliinerlu.
Piginnaasat
- Aalisarnermik piniarnermillu naleqquttumik ilinniagaqarneq piginnaasaqarnerlu
- Immikkoortumi aalisarnermi, piniarnermi aallaaniarnermilu inatsisinik nalunaarutinillu ilisimasaqarneq
- Nammineerlutit sulisinnaassaatit aalajangiisinnaallutillu, aamma pisut sukkasuumik ingerlagaangata
- Aalajaatsuuvutit tamanillu takunnilluarsinnaallutit
- Suleqatinut suleqatigisanullu suleqatiginnissuseqarluarputit
- Inorortuuvutit, tamatigoortuullutit ilungersunartoqartillugulu sulisinnaallutit
- Pinerluuteqarsimannginnermut allagartaqassaatit
- Biilinik ingerlatsisinnaanermut allagartaqaruit iluaqutaassaaq
Suliassat
- Piniarnermik nakkutilliisut aalisarnermillu nakkutilliisut ikiorlugit
- Nunami immamilu aallaanianik piniartunillu nakkutilliinermi peqataaneq
- Nakkutilliinermi uppernarsaatinik qulakkeerinninneq
- Nakkutilliinermi angalanermiillu nalunaarusiorneq
- Allafffissornermi suliassat, tassunga ilanngullugit atortunik aserfallatsaaliuineq ilusarsaanerlu
- Aalisarnermik nakkutilliisut aamma piniarnermik nakkutilliisut assigalugit piareersimasuunermut pilersaarutini ilaaneq
- Piarnermi malittarisassanik piffissanillu eqqissisimatitsivinnik siunnersuisarneq ilitsersuisarnerlu
- Najukkami kommuni oqartussanut aamma aalisartut piniartullu kattuffiinut attaveqarneq
- KANUAANA-mi aalisarnermik nakkutilliisut piniarnermillu nakkutilliisut suleqatigalugit aalisartunut, piniartunut kommuninilu siunnersortinut paasisitsiniaasarnerni peqataaneq
Piffissaq suliffik allanngorartuussaaq, aammalu sulinissamut piareersimasuunissamullu pilersaarutit qaammatikkaartumik siumut suliarineqartartut malillugit sulisoqartarluni. Ullup unnuallu ingerlanerani piffissani tamani sapaatillu akunnerani ulluni tamani sulisarnissat piareersimaffigissavat.
Illit pillutit
Aamma sullisserusuttuunissat, ikiuukkumatuunissat ullinnarnilu sulinermi nuannaartuunissat pingaartippgut.Aaqqissuussamik sulisinnaassaatit suliassallu pitsaasut piffissarlu eqqorlugu tunniussinnaassavtit naammassillugillu. Pisariaqartillugu sulisunerusinnaasarnissat aamma pingaartittarput.
Aalisarsinnaanermut Akuersiissutinik Nakkutilliisoqarfiup soqutiginnittut tamaasa qanoq tunuliaquteqarneq apeqqutaatinnagu atorfimmut qinnuteqarnissaannik kaammattorpai.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job