Find job
Dette jobopslag er udløbet
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilinniartitaanermut susassaqarfik AC-fuldmægtigimik / Immikkut siunnersortimik pissarsiorpoq
Ilinniarfinnik pitsaanerusunik pilersitseqataarusuppit?
Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Ilinniartitaanermut immikkoortortaq suliniutinut ataatsimoorluni suliniutaasunut, paasissutissanik misissueqqissaarnermillu immikkoortumi (TDA) suleqatissarsiorpoq – suleqatitaassatta ilinniartitaanermut tunngasuni ineriartortitsinerup naammassisallu patajaallisarnissaannut suleqataaffigissavai.
Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq.
Suliassat
Suliassat piginnaasat malillugit iluarsaanneqassapput ilaatigullu makkuusinnaallutik;
- Paasissutissanik suliaqarnermik ineriartortitsineq ingerlatsinerlu
- Ilinniartitaaneq pillugu naatsorsuinernut tunngasunik assigiinngitsunik suliaqartarneq
- Misissueqqissaarnernut nalunaarusianillu suleqataalluni, ass. EU-mik ilinniartitaanermut tunngasunik suleqatigiinnissamik isumaqatigiissummut tunngatillugu
- Inerisaanermik suliniutinik ingerlatsineq paasissutissat ukkatarinerullugit ilaatinnagillu
- Suliassaqarfiit akimorlugit ineriartortitsinermi suliniutinik peqataaneq
- Allakkianik allanillu politikikkut suliat pillugit akissuteqartarneq, oqalugiaatit, tusagassiuutit, il.il.
- Sulianut saqqummiussissutissanik, politikikkut anguniakkanik, suleriusissanik aamma allaffissuarmi atugassanik malittarisassiornerit suliaqarnerit.
- Suleqatitit qaninnerit ataatsimut isumasioqatigisarlugit
- Suliassaqarfimmi Naalakkersuisumik kiisalu ilinniarnermut politikinut tunngasunik apeqqutinut tunngatillugu Naalakkersuisunik tamanik sullissineq
Atorfimmut atatillugu angalasoqartarsinnaavoq.
Piginnaasarineqartussat:
Suleqatiginninnermik pingaartitsisumik ingerlariaqqiffiusumik ilinniagalimmik suleqatissarsiorpugut, soorlu ima ilinniagalimmik:
- naatsorsueqqissaarnernut, paasissutissanut aningaasaqarnermullu paasisimasaqarluartoq.
- paasisimasaqarluartuusutit ulapaarfimmilu sulisinnaassuseqartutit.
- nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
- Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasoq
- Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluartutillu
- Sulinermut suleqatinullu sungiussiasumik kiinnerartumillu pissuseqassasutit
- allakkatigut oqaatsitigullu ersarissumik saqqummiisinnaasoq
- Kalaallisut tuluttullu oqalussinnaanissat allassinnaanissallu iluaqutaassaaq, piumasaqaataanngilarli.
- Allaffissornermik misilittagaqaruit aamma/imaluunniit politikikkut sulinerup iluani misilittagaqaruit pitsaasuussaaq,
- Ilinniarnermut politikimut/aqutsinermut kalaallinillu inuiaqatigiinnut ilisimasaqaruit aamma pitsaasuussaaq.
- Aamma pitsaasuussaaq aningaasaqarnermik aqutsinermik ilisimasaqartuuguit Excelimillu superbrugeriullutit.
Naalakkersuisoqarfik ilinniarnermullu immikkoortortaqarfik pillugit
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi suliassat amerlaqaat - Naalakkersuisunik sullissinerniit oqartussaaffinnik pingaarnertut aqutsinerit. Suliassaqarfimmi pingaarnertut inuiaqatigiit ilinniagaasa qaffassarnissaat, kulturip nukittorsarneqarnissaa, innuttaasut inuttut inuunerisa qulakkeerneqarnissaat ingerlalluarnissaallu, ilaatigut timersornikkut ilageeqarnikkullu, suliassarineqarput. Naalakkersuisoqarfimmi 45-it missaat atorfeqarput, 15-it missaat ilinniarnermut immikkoortortaqarfimmiillutik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job