Isumaginninnermut Aqutsisoqarfik psykoterapeut-imik sulisussarsiorpoq. Pinaveersaartitsilluni sulinerup iluani nuannersumik allannguinissaminut uummateqartumik psykoterapeut-imik ujaasivugut. Inuit meeqqat inuusuttullu kinguaassiuutaannik atornerluiniartutut pissusilersortartut katsorsaaviani pilersinneqaqqamisumi atorfik inissisimavoq. Suleqatigiit sinneri suleqatigalugit katsorsaanissamik neqeroorummut inerisaaqataassaatit atuutilersitseqataaneranullu suleqataallutit. Suliniut ”Killiliisa – Naalakkersuisut kinguaassiuutinik atornerluisarnerup akiorneqarnissaannut suleriusaat 2018-2022”-mut ilaalluni aallartinneqarpoq aamma ”danskit kalaallillu suliaqarfiisa assigiinngitsut suleqatigiinneri” aqqutigalugit ingerlateqqinneqarluni.

Atorfik pillugu
Ulluinnarni qanimut suleqatigiligassatit amerlanngilagut. Suleqatigiinnitsinni suleqatigiilluarsinnaaneq, ilinniagaq aallaavigalugu ileqqorissaarnissaq, periusissallu piviusunut tulluuttumik atornissai pingaartippagut. Inuit kinguaassiutikkut atornerluisimasut sullinnerinik misilittagaqarsimanissaq piumasaqaataanngilaq. Naatsorsuutigaarput kajumissuseqarlutit namminersorlutillu suliniummi nutaajusumi sulisinnaassasutit. Tassanilu suliassat ineriartortitseqataanermut tunngasut aammali katsorsaanerinnarmik suliaqanngikkaluarluni allanut aamma tunngasinnaasut tigoorarsinnaanissai. Ass. Ataatsimiinnermi aqutsineq, allaffissorluni sulineq, atuartitsineq paasissutissanillu katersineq.
Katsorsaanermi periutsip sexologi toqqammavigivaa, taamatullu sulineq misilittagaqarfiginngikkukku ilinniagaqarfiginngikkukkuluunniit, sexologi-mut tunngasunik qaffassaqqinnissat periarfissaassaaq. Neqeroorutip atuutilernera Danmark-imi Sexologisk Klinik-ip suleqatiginerani pisimavoq. Sulilu taakkunannga piffissami sivikitsumik ilinniarsinnaaneq, sapaatip akunnikkaartumik supervision-ernerit siunnersortinnerillu pisarput.

Illit suliassatit ilaatigut makkuussapput:

• Inuit kinguaassiuutinik atornerluiniartutut pissusilersortartut tapersersorneqarnissaannik katsorsartinnissaminnullu neqeroorfigineqartarnissaannik inerisaallunilu atuutilersitseqataaneq.
• Sexologi aallaavigalugu katsorsaalluni sulinermi peqataaneq.
• Ilisimasanik katersineq peqataaffigalugu.
• Ilisimalikkat toqqammavigalugit periusissiamik inerisaaqataaneq.
• Avammut nittarsaassinissamut paasissutissanik taperseeqataaneq.
• Inuiaqatigiinnut ilaaleqqinnissaq pillugu siunnersuineq misissuinerlu.
• Allaffissorluni suliassat assiginngitsut aamma attaveqaatinik suleqateqarneq.

Psykoterapeut ima ittoq ujarparput

• Pinaveersaartitsinermik suliaqarnissamut soqutigisalik.
• Kalaallisut oqalussinnaasoq
• Katsorsaanermik suliaqarnerup saniatigut ineriartortitsinermik suliaqarusuttoq.
• Sexologi aallaavigalugu katsorsaasinnaasoq imaluunniit sexologi-p iluani ilinniaqqinnissaminut piareersimasoq.
• Aaqqissuussaasumik suleriaaseqarsinnaasoq aamma paasissutissanik katersinermi periaatsimik aallaaveqarluni suleqataasinnaasoq.
• Suliffeqarfiup iluani aamma suliaqarfiit assigiinngitsut immikkoortortaqarfiillu assigiinngitsut akimorlugit suleqatigiuminartoq.
• Inoqatinut attaveqariaatsimigut nukittuffilik.
• Nunatsinni inuiaqatigiinnik kultur-itsinnillu ilisimasalik.
• Kalaallisut oqalussinnaasoq.

Ukua uagut tunniussinnaavagut

• Suliffeqarfik sapinngisamik ilinniagaq aallaavigalugu qaffasissumik inissisimarusuttoq, suleqatillu naleqartitagissaarlutillu ataqatigiilluartut.
• Psykolog-it immikkoortortaqarfimmi atorfillit allat ataatsimooqatigisinnaasarneri.
• Ulluinnarni suliassat aaliageeqataaffigisinnaaneri, taamatuttaarlu suliap sumut ingerlaneranut sunniuteqaqataasinnaaneq.
• Suliffeqarfiup iluani avataanilu supervision-ertinnissamut periarfissat pitsaasut – autorisation-imut ingerlaguit periarfissat pitsaasut.
• Ilinniaqqinnissamut periarfissat pitsaasut.

Naalakkersuisut danskillu naalakkersuisui Kalaallit Nunaanni meeqqat inuusuttullu inuuniarnermikkut atugarliortut suliniarfigineqarnerisa suleqatigiissutigalugit nukittorsarneqarneri aamma suliaqarfiit assigiinngitsut ataatsimut suleqatigiinnissaannik pilersitsinissaq oktober 2019-mi isumaqatigiissutigaat. Taamatut sulinerup kingorna Suliniutinik 16-inik anguniagalinnik innersuussutit allattorneqarput, Suliniutit ilaat ataaseq tassaalluni inuit inersimasut meeqqat kinguaassiutaannik atornerluiniartutut pissusilersortartut tapersersorneqarnissaanik aamma katsorsarneqarnissaannik neqeroorut.
Sapaatip-akunneranut nalunaaquttap akunneri suliffiusut tassaapput 40 tiimit.

Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisoqarfik Meeqqat, Inuusuttuaqqat Ilaqutareeqqarnerlu ataani aqutsiveqarfiuvoq, makkunannga arfineq marlunnik immikkoortortaqarfeqarluni: Paarisa, Aningaasaqarnermut immikkoortortaqarfik, Ulloq Unnuarlu paaqqinnittarfiinnut inissiisarnermullu immikkoortortaqarfik, Inunnut innarluutilinnut immikkoortortaqarfik, Sullissisunut Siunnersuisarfik, Innuttaasunut Immikkoortortaqarfik, Allattoqarfillu. Immikkoortortaqarfiit qanimut imminnut suleqatigiittarput aamma suliffeqarfiuvoq ilinniagaq aallaavigalugu unammillernartorpassuarnik neqeroorutilik.
 
Akissarsiat aamma atorfeqarnermi atugassarititaasut
Akissarsiat atorfeqarnermilu atugassarititaasut, atorfininnermi suliunnaarnermilu angalanieq aamma pisattat nuunneqarneri suliffigilikkamit akilerneqarneri Kalaallit Nunaanni Namminersorlutik Oqartussat kattuffiullu isumaqatiginninniartitaasup akornanni piffissap atorfiniffiup nalaani isumaqatigiissut atuuttoq naapertorlugu akilerneqassapput.

Ineqarneq
Atorfimmut atatillugu inissiamik innersuussisoqassaaq. Atorfimmut atatillugu ini attartoqarneqartoq atorfeqarnerup unitsinnerani qimanneqassaaq.

Paasissutissat amerlanerit
Atorfik pillugu itinerusumik paasisaqarusukkuit immikkoortortami Innuttaasunik toqqaannartumik sullissisut pisortaq Naja Lund Kielsen uugguuna aperisinnaavat nalk@nanoq.gl / +299 34 60 54.

Qinnuteqarfissaq kingulleq: 16. juni 2023 (Kalaallit Nunaata nalunaaqutaa malillugu) nal. 12.00

Ulloq atorfiniffissaq
01. Juli 2023. Isumaqatigiissuteqarnikkulluunniit.
Qinnuteqaat, siusinnerusukkut suliffigisimasavit allattorsimaffiat, ilinniakkavit pikkorissarnivillu uppernarsaatai kiisalu uppernarsaatit attuumassuteqartut una “qinnuteqaat nassiuguk” toorlugu nassiutikkit. Maili atorlugu qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk