Inuussuttut 15-it aamma 25-t akornanni ukiullit sullisissallugit nuannaraajuk – aamma pilerigilluinnarpiuk inuusuttut amerlanerit ilinniarnertuunngorniarfimmi ulluinnarni pitsaasumik inuuneqarnissaat aamma ilinniarnertuunngorlutik angusaqarnissaat peqataaffigissallugu? Taava immaqa illit inunnik isumaginnittutut suleqatissatut ujartukkatta ilagaatit.

Qeqqani Ilinniarnertuunngorniarfimmi Nuummiittumi augustip ulluisa aallaqqaataat 2023 aallarnerfigalugu imaluunniit tamatuma kinguninnguatigut, kollegiatsinni atorfik inuttaaruttoq inuttassarsiuupparput. Atorfik aalajangersimasuuvoq. 

Kollegiat illut marluupput inersuarmik ataatsimoortarfeqarlutik kiisalu atuartut 85-it missaanniillutik, taakkua saniatigut tallimat missaanni inissiaateqarpugut kollegiatut atorneqartunik 40-t eqqaanni atuartoqartunik. Naatsorsuutigaarput inunnik isumaginninnermik suliaqartup nutaap kollegiani atuartuutivut ulluinnarni attaveqarfigisassagai assigiinngitsunik isumassuinermik suliaqartarluni, ilinniartut amerlasuut 18-it inorlugit ukioqarput. Uagutsinnut pingaaruteqarluinnarpoq ilinniaqartuunermi aamma inuuniarnermi pitsaasumik avatangiisinik pilersitsinissaq kollegiani atuartuutigut eqqarsaatigalugit taakkua angajoqqaatik qimallugit ungasissumeersuummata.

GUX Nuuk ukiumi atuarfiusumi 2022-23-mi 500 missaannik atuartoqarpoq klassinut 21-nut immikkoortitanik ilinniartitsisut 50 + allaffissornermi/teknikimi sulisut. 

Atorfik tassaavoq piffissaq tamakkerlugu suliffiusoq sapaatit akunneranut nalunaaquttap akunneri 40 aamma piffissaq suliffiusoq nikerartuuvoq, ulluinnani aamma sapaatit akunnerata naanerani piffissami nal. 07-22 akornanni. Taamaattumik sapaatit akunnerata naanerani aamma unnukkut sulisoqartarpoq.

Sulisugut inunnik isumaginninnermik sulisut atuartunik siunnersuisartutsinnik, ilitsersuisartutsinnik aamma psykoterapeutimik atuarfimmi qanimut suleqateqarput. Suleqatigiit ilinniartut immikkut ilinniarnertuunngorniarnermik naammassinninnissaminnut tapersersugassat qitiutillugit ataatsimoorlutik suleqatigiipput.

Piffissami matumanerpiaq kollegiani sulisut aalajangersimasut pingasuupput aamma inuussuttut marluullutik, taakkua tamarmik inuusuttunik sullissinertik aallussaraat illit taakkua suleqatigalugit ilannguffigissavatit. Ulluinnarni sulinerit nammineq aaqqissuutissallugu annertuumik kiffaanngissuseqassaatit aamma namminersortinneqarlutit, kiisalu pingaartipparput inuttut misilittagaqartuunissaa aamma atuartunut inersimasutut maligassiuisuussallutit. Inuttut sammisaqartuusaatit, nutaanik pilersitsisinnaallutit aamma qiimasuullutit, ornigissavat atuartut kollegianiittut illup iluani aamma silami sammisaqartillugit peqatigisarnissaat.

Suliassat tassaapput:

• Ilinniartut kollegiani najugaqartussat aamma najugaqartut ulluinnarni attaveqarfiginissaannut aamma isumassorneqarnissaannut peqataaneq
• Peqataaffigissavat isumaqatigiissutit aamma kollegiani maleruagassat malinneqarnissaat atuartut suleqatigalugit aamma oqaloqatigisarlugit
• Ulluinnarni isumaginninnermik suliaqartuutivut, atuartunik siunnersuisartuutivut, ilitsersuisartuutivut tamaasa aammattaaq aqutsisut ulluinnarni qanimut suleqatigissallugit    
• Peqataaffigissavat atuartuutitta inuttut ineriartornissaat aamma suliassat tamatumunnga attuumassuteqartut isumagissallugit
• Atuartuutivut peqatigalugit unnukkut aamma sapaatit akunnerata naanerani sammisaqartillugit ingerlatsinerit, tamakkua kollegiani atuartut imminnut ataqatigiinnerannik qulakkeerinneqataassapput.

Naatsorsuutigaarput:

• Inunnik isumaginninnermut tunngasumik ilinniarsutut uppernarsaammik takutitsisinnaasutit, soorlu inunnik isumaginnittutut, pædagogitut, inunnik isumaginninnermi assistentitut imaluunniit inunnik isumaginninnermi ikiortitut
• Illit sillimaffigissavat atorfimmi piffissap suliffiusup nikerartuunera
• Illit sillimaffigissavat kollegiani suliassanut allanut attuumassuteqartut sulisut allat aamma pisortaasut qanimut suleqatiginissaat, tassani qitiutippavut ulluinnarni unamminartunut piviusumik iliuuseqartarneq
• Illit inoqatinnut akuersaartumik ileqqoqartutit tassa apeqqutaatinnagu ilinniartuunersut imaluunniit suleqataanersut
• Illit inuusuttunut attuumassuteqarnermik pitsaasumik aamma tatigeqatigiinnermik pilersitsisinnaasutit
• Iluaqutaalluassaaq kalaallisut oqalussinnaaneq.

Neqeroorutigaavut:

• Atuarfimmi avatangiisit ullormi suliffiusumi atuartunut aamma sulisunut allanut sussareqatigiinnermik, peqataatinneqarnermik aamma pisussaaffeqarnermik malunnaateqartut
• Atorfimmi suliassat qanoq ineriartortinneqarnissaanut annertuumik sunniuteqarnissamut periarfissat
• Atuarfik suli ineriartortuartoq aamma kollegiani inuunerup ineriartortinneqarnissaanik qitiutitsiffiusoq
• Atuarfimmi taamatuttaaq avataani tapersersuisoqarnissaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfinitsinneqarsinnaaneq sioqqullugu meeqqanik innarliisimannginnermut uppernarsaat pissarsiarineqassaaq.

Atorfimmut atatillugu apeqqutissaqaruit nangaassuteqarnak rektorimut Hanne Larsenimut saaffiginnissaatit mailikkut: hla@gu-nuuk.gl

Qinnuteqaatit imminut ilisaritinneq (CV) aamma soraarummeersimanermut uppernarsaatit ilanngullugit, kingusinnerpaamik sisamanngorneq juunip ulluisa 15-iat, nalunaaqutaq 12.00.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk