Kalaallit Nunaata illoqarfiit avannarlersaanni 109-inik atuartuutilik, taava periarfissaqarputit 1.august 2023 immaqaluunniit isumaqatigiinnikkut.

Avanersuup Atuarfia, Qaanaaq. Avannaata Kommuniani, ilinniartitsisunik pissarsiorpoq.

Ilinniartitsisut immikkoortortaqarfiit akulliit angajulliillu, Atuartitsissutit tamaasa.

Naatsorsuutigivatsigit:
- Ilinniarfissuarmi ilinniartitsisunngorsimassasutit, immaqaluunnit assigisaannik.
- Ilinniartitsisoq pikkorissoq sulerusussuseqartorlu, akisussaaffilimmik.
- Atuartut ataasiakkaarlugit pilersaarusiortarlugit nalilertarlugillu (Læringscirkel+evaluering)
- Suleqateqarluarsinnaasoq atuartunut, angajoqqaanut, ilinniartitsisoqatigiinnut taavalu aqutsisunut.
- Periarfissanik takunnilluarsinnaasoq
- Ajunngitsussaq angorusullu sulerusussusilik.
- Soraarummeertitsinermi misilittagaqarluarsasutit.

Neqeroorfigisinnaavatsigit:
- Atuarfik iPad atorlugu ineriartortitsisoq atuartitsinermi atorneqarnissaa (Atuatut ilinniartitsisullu tamarmik peqarput)
- Atuartitsivinni tamani Smartscreen-eqarpoq wifi-lu.
- Ukiut tamaasa akiliunneqarluni angalaneq (Immikkut ittumik atorfininnermi, ukiuni pingasuni)
- Aningaasat katersat suligunnaarnissavit tungaanut (minnerpaamik ukiut pingasuni sulinermi ikineqassapput)
- Perusuersartarfimmut akiligassaq sulisitsisup akilertassavaa.
- Ineqarnermut akiliutigisartakkatit, sulisitsisumiit tapeqartarput.
- Pisattat umiarsuakkut atorfininnermi akiliunneqartarput
- Isikkivigissumik takorusukkaanni pisuttuarusukkaanni qaqqamut sikumullu.
- Pinngortitamut qaninneq, qanittumut aalisariarnerit angalaffigineqarsinnaapput.
- Illoqarfimmiit qilalukkat qanittuaqqamiittut isiginnaarneqartarput,aamma naalittunik.
- Kangerlummilu eqalliartoqarsinnaalluni, appaliarsunniarneq, aavariarneq, umimmanniarneq, puisinniarnerlu.
- Sammisaqatigiinnerit haalimi assigiingitsut sammineqartarput pinnguaatitallit, fitness=nukik.
- Upernalernerani sikumilu sammisaqaqatigiinnerit ingerlanneqartarlutik, soorlu qimussimik sukkanniunnerit, aalisarnerit=nakkartaarnerit, skutsernerit, ataarnerillu.
- Inuit akuuffigilluarneqarsinnaapput sumiluunniit, inussiarnersuugamik tikilluaqusisarlutillu qanilaartumik.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput.
Ilinniartitsisut illuutaat tamarmik isikkivissumiipput, nutaajunerullutillu.
- Ilinniartitsisut inissiaatai Illorput 2000 aamma Illorput 2100 pigivagut.

Akissarsiat, Atorfininnermullu atugassarititaasut:
Akissarsiat  atorfininnermilu atugassarititaasut, matumani atorfininnermi angalanermut aamma pisattat nuunneqarnerannut akiliunneqarneq ilangullugu atorfininnerup nalaani Kalaallit Nunaanni Namminersorlutik Oqartussat kiisalu Ilinniartitsisut Meeqqat Atuarfiannersut Kattuffiat, IMAK-ip akornanni isumaqatigiissut naapertorlugu pissaaq.
Atorfinititsineq Immikkut ittumik ukiunut aalajangersimasumik sivisussusilik pillugu Namminersorluik Oqartussat kiisalu Ilinniartitsisut Meeqqat Atuarfianeersut Kattuffiata IMAK-ip akornanni isumaqaitigiissutaat naapertorlugu pissaaq. Qinnuteqartut tjenestemandsstilling-imi atorfiliuppata tamanna atuutiinnassaaq.
 

Åremålertalimmik atorfinitsitsineq:
Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Kiisalu ukiut tamaasa akiliunneqarluni angalaneq.

Atorfiniffissamut angalanissaq:
Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

Meeqqanik pinerliisimannginnermut uppernarsaat
Atorfik una meeqqanik pinerliisimannginnermik uppernarsaammik aallernissamik inatsisitigut piumasaqaatigineqarmat. Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat. 

Pinerluuteqarsimannginnermut uppernarsaat
Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.

Qinnuteqarfissaq kingulleq: 15.juni 2023

Imatut qinnuteqassaatit:
Qinnuteqarnermi immersuiffissamik peqarpugut, namminerlu paasissutissanik qinnuteqarusukkuit periarfissaqarpoq. Ilinniarsimanermut uppernarsaatit ilanngussinnaavatit.

Paasisaqarnerusukkuvit, apersuinissarnut tikilluaqqusaavutit Atuarfiup pisortaaneranut Dan D. Normann, oqarasuaat 972817 E-mail: dano@avannaata.gl. atuarfiullu nittartagaa misissorneqarsinnaavoq www.avaatu.gl