Igaffimmi aqutsisumik Paamiuni utoqqaat illuani Puilasunnguiani pissarsiorpoq

Utoqqaat illuat Puilasunnguit Paamiut igaffimmi aqutsisumik pissarsiorpoq

Puilasunnguit pikkorissumik pimoorussisumillu igaffimmi aqutsisumik piaartumik atorfinittussamik isumaqatigiissuteqarnikkulluunniit sulisussarsiorpoq.

 

Puilasunnguit                                                        

Puilasunnguit utoqqarnik paaqqutarinniffiusoq 22-inut inissaqarpoq.

Sulisut ilaatigut ima katitigaapput: Aqutsisoq, tullersorti,allaffimmioq ataaseq, Sundhedsassistenti marluk, peqqissaanermi ikiortit sisamat, peqqissaanermi-isumaginninnermilu ikiortit marluk, ilinniarsimanngitsut arlallit, igaffimmi assistentit marluk, igaffimmi ikiortit marluk, pedel, pedel-imut ikiorti ataaseq, oldfrue ataaseq, eqqiaasoq sisamat.

Igaffimmi aqutsisoq pisortap ataani inissisimassaaq.

 

Atorfiup imarisaa:

Igaffimmi aqutsisoq ulluinnarni igaffimmi akisussaaffigivaa sulisoqarneq sulisunut tunngatillugu pilersaarusiornerit, nerisassanik pilersaarusiornerit, nerisassat peqqumaataasivimmiittut nakkutigissallugit, nioqqutissanik piniarnerit pisiniarnerillu.

Ullormut ineqartunut nerisassat kissartut 22 missaannut (katillugu 37+) iffiallu qallersukkat akunniliussassat nerisassiarineqartarput, najugaqartut saniatigut illoqarfimmi nerisassanik pajuttuisoqartarpoq inunnut 15-inut, aammalu ullukkut sulisunut nerinissamut periarfissaqarluni akiliilluni. Aammattaaq peqqinnissaqarfimmiit ullormut nerisassanik inniminniinermi nerisassiortarpugut, kissartunik aammalu qallersukkanik.

Soqutiginnippit piumassuseqarlutillu najugaqartut ulluinnarni inuussutissanik pisariaqartitaannik tunniusseqataassallutit, kiisalu utoqqaat peqqinnarnerusumik inuuneqarnissaannik ineriartortitsinermi peqataalluta tassani ileqqut malillugit nerisaqarneq pingaartillutigu, taava illiuvoq amigaaterput. 

 

Illit pillutit naatsorsuutigisagut:

• Igaffimmi aqutsisutut,ernæringsassistent imaluunniit igasumut ikiortitut ilinniagaqarsimassasutit
• Utoqqarnik najugaqartunik innuttaasunillu sullissaqarusuttutit soqutiginnittutillu.
• Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
• Ilinniakkat akimorlugit suleqatigiinnermut piginnaasaqarluartuunissat
• Ilinniartunut sulinermik sungiusaasuunissat.
• Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
• Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
• Uippakajaarani arlariinnik suliaqarsinnaasoq
• Nammineerluni sulisinnaasoq, akisussaassuseqartoq sullissiumatoorlu
• Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
• Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
• Nukittooq pilersitsiniallaqqissoq inissaqartitsiuartoq piumassuseqarluartorlu
• Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
• Atituumik suleqateqarluarsinnaasoq

 

 

Neqoroorutigaagut:

• Atorfik imarisamigut annertuumik sunniuteqarfigineqarsinnaasoq
• Ulluinnaat suliffiusut 7-15
• Atorfik pillugu pitsaasumik paasissutissinneqarnissaq
• Inuttut ilinniakatigullu inerisarnissamut periarfissagissaarneq
• Suliaq unammilligassalik suleqatit pitsaasut peqatigalugit ingerlanneqartussaq
• Suliassaqarfiup iluani annertuumik akisussaaffeqarneq aalajangeeqataasinnaanerlu
• Ilinniakkat akimorlugit suleqatigiinneq

Sap.ak. nal.ak. suliffiusartussat: 40. Suliffeqarfiuk ingerlanera apeqqutaalluni.

 

Annertunerusumik paasisaqarusukkuit:

Paasissutissat sukumiinerusut pisortaq Paninnguaq Petersen oqarasuaatikkut: 367621 imaluunniit e-mailikkut: Papt@sermersooq.gl attavigalugu pissarsiarineqarsinnaapput.

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:
Qinnuteqaat qulequtserlugu Atorfiup ilisarnaataa 429/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 13.-at, 2023

Atorfik una qinnuteqarfigiuk