Naalakkersuisut ataanni qitiusumik Inatsiseqarnermut immikkoortortaqarfiup pilersinneqaqqammersup siuttuuffiginissaanut piginnaasassat misilittakkallu pigivigit? Takorloorparput atorfimmi assingusumi ukiunik arlalinnik misilittagaqareersimassasutit siunnerfiliillaqqissuussasutit aammalu sulisorisannik kajumilersitsillaqqissuussasutit!
Inatsisilerinermi pisortatut Namminersorlutillu Oqartussat qitiusumik Inatsiseqarnermut immikkoortortaqarfianni aqutsisutut atorfik pissanganartoq neqeroorutigaarput. Naalakkersuisut Siulittaasuata Naalakkersuisoqarfiani Naalakkersuisoqarfimmi pisortaq toqqaannartumik qullersarissavat, Naalakkersuisut Siulittaasuannut aamma Naalakkersuisunut ilaasortanut inatsisitigut siunnersuineq suliassaralugu.
Qitiusumik allaffeqarfimmi inatsisilerituut suleqatigalugit suliassaqarfiup nukittorsarnissaa ineriartortinnissaalu inatsisilerinermi pisortartaassap suliassaata pingaarnerit ilagissavaat. Inatsisilerinermi pisortap tassunga atatillugu inatsisilerituut ataatsimoorlutik piginnaasaqarfigisaasa qanoq  atorluarneqarnerusinnaanerannik paasinarsisitsissaaq siunnersuuteqassallunilu.

Inatsisilerinermut immikkoortortaqarfiup ullumikkut inatsisilerinermi suliassat assigiinngitsorpassuit isumagisarai, aammalu Naalakkersuisunut inatsisilerinikkut ikiuuttarnermi saniatigut aamma qitiusumik allaffeqarfimmi oqartussaasunut allanut inatsisilerinikkut siunnersuisarluni.

Inatsisilerinermut immikkoortortaqarfiup suliassai katitigaaneralu qitiusumik allaffeqarfimmi inatsisilerituut qanoq nutaamik aaqqissuussiffigineqarnissaat apeqqutaalluni, allanngortinneqarsinnaassasut eqqarsaatigineqarsinnaassaaq.

Inatsisilerinermut immikkoortortaqarfiup sulinerani ullumikkut suliassat makkua ilaatinneqarput:

• Inatsisit allaffissornikkullu peqqussutit pitsaassusaannik inatsisilerinikkut qulakkeerineq
• Inatsisinik nassuiaaneq aamma qitiusumik allaffeqarfimmi oqartussaasunik inatsisitigut siunnersuineq
• Inatsisiliornernik suliaqarnerni suleriaatsinik aaqqissuussineq
• Pisortat ingerlatsineranni inatsisit atituumik isigalugit maleruagassiisarneq aamma ilitsersuisarneq
• Inatsisinut nalinginnaasumik apeqqutinut akissuteqartarneq
• Inatsisinut tunngasunik allakkianik aamma akissutissanik suliaqarneq
• Qarasaasiatigut inatsisinut ataatsimoortunut aammalu saqqummiussinermut quppernermut Nalunaarutit.gl-imut akisussaasuuneq
   

Piukkunnassuseqarnermut piumasaqaatit

• Naalaakkersuinikkut aalajangiiniarnerit sukumiisumik ilisimasaqarfiginerat
• Atuagarsornikkut tunuliaqutaqarluarneq
• Inatsisinut tunngasunik suliassanik suliarinnittarnermi ukiuni arlalinni misilittagaqarneq
• Aqutsinermik misilittagaqarneq
• Qitiusumik allaffeqarfimmi inatsisilerituut aaqqissuussaanerannik nutaamik eqqarsarsinnaassuseqarneq, kiisalu taakkunani inatsisilerinikkut piginnaasaqarfinnik ineriartortitsisinnaassuseqarneq
• Tatisimaneqarluni sulinissamut piginnaaneqarneq
• Eqaatsumik sulisinnaasoq pisariaqarpallu annertunerusumik suliniarnissamut piumassuseqarneq

Ilinnut naatsorsuutigineqarpoq ineriartortitsinermut suliassat, inatsisiliornermik suliaqarnermi qaffasissumik pitsaassuseqarnissaannut iluaqutaasut, suliarisinnaassagitit aammalu naammassisinnaassagitit, peqatigisaanillu inatsisilerinikkut isumalluutit ataatsimoortut, maleruagassanik suliaqarnermi atorneqartartut, sunniuteqarluartumik atorluarneqarnissaannut peqataassasutit.

Ammasumik nuannersumillu immitsinnut pissuseqarnissaq pingaartipparput aammalu inatsisilerinermi pisortaq sulinermi avatangiisini persuarsiorfiunngitsuni Inatsisilerinermut immikkoortortaqarfimmi inatsisilerituut allat aamma Naalakkersuisut Siulittaasuata Naalakkersuisoqarfiani sulisut allat peqatigalugit, pisortatut akuusinnaasoq naatsorsuutigaarput. Immikkoortortaqarfiup angissusaata killeqarnera pissutigalugu – pisortatut sulinerup saniatigut – inatsisilerinermi suliassanik aalajangersimasunik isumagisaqartussaanissaq, taamatullu allaffissornermut tunngasunik ataasiakkaanik suliassaqalertarsinnaanissaq, inatsisilerinermi pisortap piareersimaffigisariaqarpaa.

Sulinngiffeqarnissamut periarfissaqarnera
Danskit naalagaaffianni kiisalu Danmarkimi kommunini sulisut, Namminersorlutik Oqartussani atorfininnermut atatillugu piffissamut killiligaanngitsumut sulinngiffeqarnissamut periarfissaqarput.

Qinnuteqarnissamut killigititaq: Juunip 29-ani 2023, nal. 12:00 Nunatsinni nalunaaqutaq malillugu.

Atorfininnissaq: Isumaqatigiissuteqarnikkut.

Atorfinitsitsinissamut oqaloqateqarnerit sapaatit akunneranni 27-mi ingerlanneqarnissaat naatsorsuutigineqarpoq.

Qinnuteqartut atorfimmut piukkunneqartut innersuussivinnik piniarfigineqassapput kiisalu atorfimmut neqeroorfigineqartoq pillagaasimannginnermut uppernarsaammik piniarfigineqassalluni. Aammattaaq pineqartoq isumannaallisaanermut akuerineqarsinnaassaaq, atorfeqarninilu tamaat taanna attassinnaassallugu.


Atorfeqartitaanermi atugassarititaasut
Atorfik akissaateqarfimmi LR 38-mi maanna inissisimavoq.

Apriilip aallaqqaataani 2021-mi LR 38-mi akissarsiat isumaqatigiissutigineqartut tapit aalajangersimasut ilanngullugit qaammammut Kr. 59.442-pput ukiumoortumillu Kr. 713.299-iullutik.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartorlu tjenestemanditut atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut Ministereqarfiup Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik Oqartussanut innersuussutigisimavaa. Sulinngiffeqarallarnissaq pillugu aalajangersakkat Namminersorlutik Oqartussani inuit atorfinitsinneqartut aapparisaannut/inooqataannut aamma atuupput.
Atorfimmut atuuttoq tassaavoq piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.


Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunip inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumilluunniit inigisani angisuunik uumasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaanngilaq.

Naalakkersuisut pillugit
Unammillernartunik suliassarsiorpit sulinerillu aqqutigalugu ulluinnarisaq sunniuteqarfigissallugu kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani atorfittaarnissaq ilinnut tulluarpoq.
Sulisut akornanni annertuumik akisussaaffeqarnissaq naatsorsuutigaarput sulianullu tunngatillugu piginnaasaqarluarnissaq pingaartillutigu, sulisut pissutsinik misissueqqissaartarnissaat pissutsinullu naleqqussarnissamut piareersimajuarnissaat pingaartilluarlutigit. Tamatuma saniatigut ulluinnarni suliassannik ilusilersuisinnaanerit tamakkiisumillu takunnissinnaanerit pingaaruteqarput.

Namminersorlutik Oqartussat tassaapput Qitiusumik Allaffeqarfik 650-it sinnerlugit amerlassusilinnik naalakkersuisoqarfinnut arlalinnut aammattaaq immikkoortortaqarfinnut avataaniittunut arlalippassuarnut agguataarsimasunik sulisulik. Katilluta inuit 2500-t sinneqartugut Namminersorlutik Oqartussanut attuumassuteqartuuvugut. Qitiusumik Allaffeqarfiup Naalakkersuisut aalajangernissaannut tutsuiginartumik tunngavissinnissaat aammattaaq politikikkut aalajangikkat piviusunngortinnissaat suliassaraa.

Namminersorlutik Oqartussat pillugit paasissutissat amerlanerusut http://www.naalakkersuisut.gl-imi atuarneqarsinnaapput.
 

Soqutiginartippiuk?
Flies HR Naalakkersuisut sinnerlugit sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut, +4560833117-imut imaluunniit dorthe@flieshr.dk-imut attaveqarfiginissaanut tikilluaqqusaavutit.
Atorfik pillugu allanik apeqqutissaqaruit Naalakkersuisut siulittaasuata Naalakkersuisoqarfiani Naalakkersuisoqarfimmi pisortap Hans-Peder Barlach Christensenip hape@nanoq.gl-imut allaffigalugu imaluunniit maanna inatsisilerinermi pisortaasup Jógvan Svabo Samuelsenip josn@nanoq.gl-imut allaffigalugu saaffiginninnissamut tikilluaqqusaavutit.

Tusarfiginissat qilanaaraarput.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk