Teknikimik Ilinniarfik, KTI Nuuk ulloq 1. august 2023 aallarnerfigalugu isumaqatigiissuteqarnikkulluunniit atorfinittussamik allaffimmi aqutsisussarsiorpoq.

Allaffimmi aqutsisutut unammillernartunik suliaqarsinnaaguit, aqutsisutut misilittagaqaruit kiisalu aningaasaqarnikkut piginnaasaqaruit illit atorfissaqartippatsigit.

KTI Nuummi Saviminilerinermik Ilinniarfik – piginnaasat suleqatigiinnerlu pingaartinneqarlutik suleqateqatigiinnermik qitiutitsisumik suliffeqarfimmik soqutiginnittumik allaffimmi aqutsisussarsiorpoq.

Nuummi allaffeqarfimmi allaffimmi aqutsisup saniatigut atorfiit amerlassusaat tassaapput, naatsorsuuserisoq ataaseq, pikkorissarrnernik ataqatigiissaarisoq ataaseq, ilinniartunut kiffartuussisut marluk, saaffiginnittarrfimmi ataaseq kiisalu TNI-mi suliffimmik misiliiisoq ataaseq. Allaffimmi aqutsisup Sisimiuni KTI-mi allaffimmi aqutsisoq suleqatigivaa Nuummilu KTI-mi ilinniarfimmi pisortamut aamma Sisimiuni pisortaagallartumut toqqaannartumik atassuteqarluni.

Allaffimmi aqutsisup akisussaaffii suliaalu:

• KTI Nuummi, natsorsuuserisuni, kantinemi eqqiaasunilu sulisunik ulluinnarni allaffissornikkut aqutsisineq.
• Immikkoortortaqarfiit suleqatigalugit sulisunik akissarsianillu aqutsineq.
• KTI Saviminilerinermik Ilinniarfimmut, pikkorissartitsinermi naatsorsuutinut missingersuisoq naatsorsuuserisorlu. Killiffinnut kontonik naligiissaarineq.
• Allaffissornikkut suleriaatsinik ilinniarfiillu iluanni sulianik pitsanngorsaaneq naligiissaarinerlu.
• Allaffissornikkut ingerlatsinernik immikkoortortaqarfimmilu ataasiakkaat akornanni naatsorsuuserinermut tunngasunik ingerlatsinernik suliassaqarfinni assigiinngitsuni ataqatigiissaarinernut peqataaneq.
• Sulisoqarnermut immikkoortortaqarfik suleqatigalugu suliassanik takkussuuttunik suliaqarneq.

Piginnaasat:

• Aqutsisutut misilittagaqarneq, ajornanngippat allaffissornermiit naatsorsuuserinermiillu.
• Naatsorsuuserinerup naatsorsueqqissaarinerullu iluani misilittagaqarluarneq.
• Aningaasaqarnerup naatsorsueqqissaarinerullu iluani attuumassuteqartumik ilinniagaqarneq
• Ajorrnanngippat Aningaasaqarnermut aqutsissummut IRIS-imut Pisortaqatigiit Ilisimatitseqatigiittarfiannut ilisimasaqarneq.
• Akisussaassuseqartoq suleqateqallaqqissorlu.
• IT-mut ilisimasaqarluarneq
• Marlunnik kalaallisut danskisullu oqaaseqartuuneq

Neqeroorutigisinnaavagut:

• suleqatit pikkorissut piginnaasaqartullu.
• suliffik inuppalaassuseqartoq nuannersorlu.
• Suliartorfiit naatsorsuutigiuarsinnaasatit, kiisalu suliffeqarfimmi inuuneq ilaqutariittullu inuuneq oqimaaqatigiissoq.
• ilinniarfik/suliffeqarfik ineriartortoq.
• illit ineriartortitsinermi sunniuteqaqataanissannut periarfissaqarlutit pissanganartunik unammilligassaqarneq.

Ulloq atorfiniffik: 1. august 2023 isumaqatigiissuteqarnikkulluunniit.

Kissaatigaarput atorfinitsinneqarnermi qaammatit pingasut siulliit piffissatut misilitsiffiusutut isigineqassasut.

Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 861612 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq  nittartagaqarput takuneqarsinnaavoq: www.kti.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk