Immikkoortumi soqutiginartumi suliassaqarfiit akimorlugit aqutsinernik, piginnaasanik aaqqissuussaanermilu ineriartorfiusumi sulerusuppit?
Namminersorlutik Oqartussat Qitiusumik Allattoqarfianni, inuttut suliatigullu assigiinngitsorpassuarnik tunuliaqutaqartunik sulisunik pikkorissunik naapitserusuppit? Sulisunik pikkorissaaneq sulisunullu sammisunik suliaqarneq soqutigisaraajuk? Taamaappat qilanaaraarput qinnuteqaativit tigunissaa.
Sulisunik Ineriartortitsivik HR Naalakkersuisut Siulittaasuata Naalakkersuisoqarfia-ta ataani inissisimavoq. Maani piginnaasanik qaffassaaneq, ilinniartut, sulisussarsiorneq aammalu Namminersorlutik Oqartussat iluani suliffimmik suliffigissaaneq suliarisarpagut. Allaffeqarfimmi suleqatit arfineq pingasut peqatigalugit immikkoortortap anguniagai suliarisassavatit.
Atorfinni akisussaaffiit aaliangersimasut suliarisassavatit tamassumallu saniatigut immikkoortortaqarfiup suleqatai naalakkersuisoqarfiit aqutsisoqarfiillu ilisimasatigut ikorfartortassavatit.

Pingaarnertut suliassatit:

• Qitiusumik Allaffeqarfimmi Ilinniartunik (lærling-inik) allaffissornikkut ingerlatsineq
• Nam. Oqartussat intranet-iani aammalu Pisortat suleqatigiillutik piginnaanngorsaanerat nittartagaani (FOKU-mi) pikkorissarneq pillugu saqqummersitassat suliarineri
• Pikkorissaanermi aningaasartuutit aqunneri
• Pikkorissaanissat pilersaarusiornerinik pikkorissaasut peqatigalugit suliaqarneq
• Ilinniartunut e-mail aqunnera
• Suliffinnik nittarsaanermi suleqataaneq
• Sulisut sulisoriiinnarnissaannik pilersaarusiorneq, ataqatigiissaarineq aammalu aaqqissuussinerni peqataaneq

Piginnaasatit:

• Ilinniagaq tulluartoq
• IT-mik atuilluarsinnaasoq
• Pitsaasumik ataqatigiissaarinermik suliaqarnermik misilittagaqartoq
• HR-imik suliaqarnermi siunniussaqarluartumik suliaqarsinnaalluarputit
• HR-imik inerisaanermik misilittagaqarputit imaluunniit paasisimasaqarluarputit
• Sulisussarsiornermi sulisunillu sulisoriinnarnissaannik suliaqarnermi misilittagaqarputit
• Allattariarsornikkut oqalunnikkullu piginnaasaqarluarputit

Inuttut piginnaasatit:

• Ineriartuutaasumik suleqatigiinneq pingaartippat
• Ulapaarfimmi suliavit amerlasinnaasut nakkutigilluarsinnaaneri
• Suleriaaserni siumoortumik iliuusissanik takunnilluarsinnaasoq suleqatikkuminartuullutillu
• Suleqatiseqallaqqissuuvutit
• Nammineq suliaqarsinnaavutit allanillu suleqateqarluarsinnaavutit
• Aalaakkaasoq naapikkuminartorlu
• Akisussaaffinnik paarinnilluartoq

Piumasaqaataanngilaq kisianni iluaqutaassaaq

• Kalaallit kulturiannut oqaasiinullu, kiisalu Qitiusumik Allattoqarfimmi suliffimi misilittagaqarneq
• Kalaallisut qallunaatullu oqaluttariarsornikkut allattariarsornikkullu piginnaasaqarneq

Atorfininnissaq
Qinnuteqarfissaq kingulleq 09. Juni 2023
Qinnuteqartunik oqaloqateqarneq sapaatip akunnera 24-imi pissaaq.
HR-imi ineriartornermi siunnersorti 01. august 2023 aallartinnissaaa kissaataavoq.

Apeqquteqarfissaq qinnuteqarfissarlu:
Suliffimmut apeqquteqarusukkuit Jørgen Juel Jessen, HR Sulisunik Inerisaavik-mut saaffiginninnissarnut  tikilluaqqusaavutit uunga: jjje@nanoq.gl tlf. +299 345222 imal. Mobil +299531511.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut
Sulinerni unammillernartumik inissikkusukkuit aammalu atorfilittatut siunissaq ineriartortitseqataaffigerusukku, taava Namminersorlutik Oqartussat suliffittut ilinnut tulluartuuvoq. Akisussaaffeqarneq piginnaasatigullu qaffasissumik inissisimaneq, sulianillu qulaajaalluarsinnaaneq suliffimmullu tulluarsartuarsinnaaneq suliffeqarfittut uagut naatsorsuutigaarput atorfilittatsinnut. Tamassuma saniatigut suliatit tulleriiissaarluartarnissaat minnerunngitsumillu tamakkiisumillu isinnilluarsinnaanerit pingaaruteqarpoq.

Namminersorlutik Oqartussat Qitiusumik Allaffeqarfiuvoq 650-it sinnerlugit sulisoqartoq, naalakkersuisoqarfinnut aqutsisoqarfinut aammalu immikkoortortaqarfinnut allaniittunut agguataarsimasut. Tamatta katilluta inuit 2500 sinnerlugit Namminersorlutik Oqartussat-ni sulisuuvugut. Qitiusumik Allaffeqarfiup suliassaraa Naalakkersuisut isummernissaannut tunngavissanik pitsaasunik tunniussinissaq tamassumalu saniatigut politikkikkut aaliangikkat piviusunngortinnissaat.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk