Isumaginninnermut Aqutsisoqarfiup Meeqqat ineriartornerannut immikkoortortaa Siusissukkut Iliuuseqartartoqatigiivi siunnersortissarsiorput
Nunatsinni meeqqat atugarissaarnissaminnut pitsaanerpaamik tunngavissaqarnissaat anguniagalimmik suliaqarfigissallugu kajungeriviuk? Pitsaaliuilluni suliniutit ineriartortinneri aamma atuutilersinneqarneri suliarissallugit uummateqarfigivigit? Taamaassimappat atorfik una ilinnut tulluartuuvoq.
Isumaginninnermut Aqutsisoqarfiup suliat aallaavigalugit siunnersortaallaqqissoq aamma Siusissukkut Iliuuseqartarnermik ilisimasalik misilittagalillu ujarpaa, suliaqarfinnik assigiinngitsunik suliaqarnermik nukittorsaasinnaasoq kiisalu Siusissukkut Iliuuseqartarnerup pilersaarutaanik ingerlaavartumik inerisaasinnaasoq.

Atorfik pillugu:
Pilersaarutinik aqutsisutut pingaarnertut suliaqartarneq atorfimmi sammineqassaaq, illit qaninnertut suleqatit peqatigalugu ataqatigiissaarinninneq akisussaaffigissavat, Siusissukkut Iliuuseqartarneq inerisassavat kiisalu kommunini Siusissukkut Iliuuseqartartoqatigiinnik siunnersuisassaatit.
Ilaqutariit naartusortallit Siusissukkut Iliuuseqarfigineqarneri Kalaallit Nunaanni Inuiaat Peqqissusaannut Qitiusoqarfimmit nalilersorneqarnikuupput. Naliliinerup inerneri kiisalu nunami tamarmi Siusissukkut Iliuuseqartartoqatigiit peqataatinneqarneri tunngavigalugit ilaqutariinnut naartusortalinnut Siusissukkut Iliuuseqartarnermut pilersaarut tamakkiisoq nalimmassarneqaleruttorpoq, suliaqarfiit assigiinngitsut nukittunerusumik periuseqarneri iluatsillugu inerisarneqarlutik.
Siusissukkut Iliuuseqartarneq pillugu ingerlaavartumik ataqatigiissaarinninneq, nuna tamakkerlugu najukkamilu suliaqarfiit assigiinngitsut suleqatigiinnerinik ataqatigiissaarinninnermik ilaatigut ilaqarpoq, tassani siunnersortip suleqanni qaninneq peqatigalugu pilersaarutip eqimattatut sullinniakkamut, naartusunut ilaqutariinnullu, pilersaarummi peqataasunut, anguniakkat naapertuunnersut qulakkeertassavai.
Suliaqarfinnik assigiinngitsunik ataqatigiissaarinninneq pilersaarusiornermik, ataatsimiinnernik isumasioqatigiisitsinernik kiisalu ilisimasanik avitseqatigiisitsinermik, suliaqarfiillu assigiinngitsut suleqatigiinnerisa ingerlaavartumik inerisarneqarnerinik imaqarpoq. Siunnersortip suliffeqarfiup avataani suleqatigisartakkat ataatsimiititaliallu, sullinniakkat pillugit suliaqarfiit assigiinngitsut suleqatigiillutik sulinerisa pitsaasumik ataqatigiissarneqarnissaat qulakkeerniarlugu suleqatigisassavai - nuna tamakkerlugu, nunap immikkoortuini najukkamilu sulisoqartassalluni.
Siunnersortip sulianik aqutsisoq aamma immikkoortortaqarfimmi pisortaq suleqatigalugit Siusissukkut Iliuuseqartarnermut pilersaarut suliniutillu tassunga attuumassutillit, naalakkersuinermik suliallit piumasaqaataat aamma aningaasatigut sinaakkutit iluini atuutilersinneqarnissaat akisussaaffigissavai kiisalu pilersaarummi suliatigut piumasaqaatit naapertorlugit suliarineqarnissaa isumagissallugit. Ilaqutariinngorlaat tamarmik inuunerminni pitsaasumik aallartinnissaat pillugu suliaqartut tamarmik suleqatigiinnissaat, pingaartumik siunnersortip sulianut ilisimasani atorlugit qulakkiissavaa.

Suliassatit ilaatigut makkuupput:

• Siusissukkut iliuuseqarnermi suliniutissat Naalakkersuinermik sulialinnit akuerineqarsisut ineriartortinneqarnissaat atuutilersinneqarnissaallu
• Suliaqarfinni assigiinngitsuni suliallit suleqatigiinnerannik ataqatigiissaarinerit, matumani suliaqarfinni assigiinngitsuni suliallit suliaminnik suliaqartarnerisa qulakkeernissaat ilanngullugu.
• Siusissukkut Iliuuseqartarnernut allatseqarfiup suliassai
• Siusissukkut Iliuuseqartarneq pillugu pilersaarutinik ingerlaavartumik ataqatigiissaarineq
• Siusissukkut Iliuuseqartarnermut tunngasuni suliaqarfinni assigiinngitsuni sulialinnik suleqatigineqarneq
• Ingerlaavartumik nakkutilliineq, uppernarsaasersuineq nalilersuinerlu
• Ataatsimiinnissanik, pikkorissarnissanik il.il. pilersaarusiorneq piviusunngortitsinerlu
• Paasissutissanik allaaserinninnerit, soorlu suliniutit allaaserineqarneri, allakkiornerit nalunaarusiornerillu
• Suliniutit ineriartortitsissutaasut nutaat suliarineri
• Ilisimasanik katersineq ilisimatitsinerlu
• Malitseqartitsinerit atuutilersitsinerillu

Piginnaasassatit:

• Attuumassuteqartumik ilinniaqartoq, soorlu perorsaanerup, tarnip pissusaanik ilisimasallit iluini, peqqissutsimik suliallit imaluunniit isumaginninnermik suliassaqarfiit iluini.
• Attuumassutilinnik diplomeqaruit, masteritut kandidatitulluunniit ingerlaqqissimaguit iluaqutaassaaq.
• Suliniutinik ingerlatsinermik ineriartortitsinermillu misilittagalik
• Siusissukkut Iliuuseqartarnermik pitsaaliuinermillu suliassaqarfinnik ilisimasalik misilittagalilluunniit
• Allattariarsornikkut oqaluttariarsornikkullu paasissutissiineq nukittuffigalugit piginnaasalik
• Periusissiorsinnaasutit, misissueqqissaarsinnaasutit allatullu eqqarsarsinnaassutit.
• Nammineerlutit suliaqarsinnaasutit periusissianik ineriartortitsinernillu pilersaarusiorsinnaasutit.
• Aaqqissuussaasumik suleriaasilik angusaqarluarnissamillu pingaartitsisoq
• Pimoorussisoq inunnillu assigiinngitsorpassuarnik suleqatiginnillaqqissoq
• Marluinnik kalaallisut danskisullu oqaasilik aamma tuluttut nalinginnaasumik atuisinnaasoq.
   

Meeqqanik Inerisaanermut immikkoortortaqarfik pillugu:
Meeqqat ineriartornerannut immikkoortortaqarfik immikkoortortaavoq nutaaq, suliaqarfimmi 0-init 6-nut ukiullit sisamanut immikkoortunut immikkut ittumik suliniuteqartartoq. Immikkoortortaqarfiup kommunit suliaqarfinni sisamani ukunani tapersortarpai;
- Suli Atualinngitsunik suliaqarfik, tassani pingaarnertut suliassaq tassaavoq ulluunnerani neqeroorutini sulisunik piginnaanngorsaaneq
- MANU, angajoqqaatut piareersarneq pillugu suliniut.
- Ilaqutariinnut naartusortalinnut sanngiitsutut inissisimasunut suliniuteqarnermi illoqarfinni nunaqarfinnilu Siusissukkut iliuuseqartartoqatigiinnik siunnersuineq tapersersuinerlu.
- Meeqqat 0-miit 18-inut ukiullit, sammineqartarput taamaalilluni meeqqat ataasiakkat paasissutissartai angerlarsimaffimmit ulluunerani neqeroorutinukaraangata aamma ulluunerani neqeroorutinit atuarfimmiittaleraangata annaaneqannginnissaannik qulakkeerinnittoqartarpoq.

Uku ilinnut neqeroorutigisinnaavavut:

• Suliffeqarfik pitsaasoq patajaatsoq suleqatigiilluartunik sulisulik, ilorrisimaarnissamik sammisaqartoq aamma nammineq sulinermi sinaakkutit sunniuteqarfiginissaannut periarfissaqartitsisoq
• Atorfik aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq
• Meeqqanut inuusuttunullu suliassaqarfimmi naalakkersuinermik suliallit suliniutaannik assut paasisimasaqarneq

Ulloq atorfiniffik:

1. juni 2023-mi imaluunniit isumaqatigiissuteqarnikkut.

Aningaasarsiat atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu inissiamik pisatsersugaanngitsumik inissaqartitsisoqarsinnaavoq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissaminik pisinnaatitaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Paasissutissat sukumiinerusut:
Atorfik pillugu sukumiinerusumik paasisaqarusukkuit, Meeqqat ineriartornerannut immikkoortortami pisortaq Maliina Junge Jørgensen maju@nanoq.gl-imut allaffigalugu imaluunniit +299 52 32 86-imut sianerfigalugu attavigisinnaavat.
Qinnuteqarnissamut piffissaliussaq: 9. juni 2023 nal. 12:00 (Kalaallit Nunaanni nalunaaqutaq malillugu)
Qinnuteqaat, CV, ilinniarsimanermut aamma pikkorissarsimanermut uppernarsaatit aammattaaq pappilissat attuumassutillit "Qinnuteqaat nassiuguk" toorlugu nassiutikkit.
E-mailikkut qinnuteqaatit tiguneq ajorpavut.

Naalakkersuisut pillugit
Unammillernartunik suliassarsiorpit sulinerillu aqqutigalugu ulluinnarisaq sunniuteqarfigissallugu kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani atorfittaarnissaq ilinnut tulluarpoq.
Sulisut akornanni annertuumik akisussaaffeqarpalaarnissaq naatsorsuutigaarput sulianullu tunngatillugu piginnaasaqarluarnissaq pingaartillutigu, sulisut pissutsinik misissueqqissaartarnissaat pissutsinullu naleqqussarnissamut piareersimajuarnissaat pingaartilluarlutigit. Tamatuma saniatigut ulluinnarni suliassannik ilusilersuisinnaanerit tamakkiisumillu takunnissinnaanerit pingaaruteqarput.

Namminersorlutik Oqartussat tassaapput Qitiusumik Allattoqarfik 650-it sinnerlugit amerlassusilinnik naalakkersuisoqarfinnut arlalinnut aammattaaq immikkoortortaqarfinnut avataaniittunut arlalippassuarnut agguataarsimasunik sulisulik. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Qitiusumik Allattoqarfiup Naalakkersuisut aalajangernissaannut tutsuiginartumik tunngavissinnissaat aammattaaq politikikkut aalajangikkat piviusunngortinnissaat suliassaraa.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk