Ippiarsummi kiffartuussinermut tunngasuni immikkoortortami aqutsisoq

 

Kommuneqarfik Sermersooq Ippiarsuk tunniusimasumik aalajaatsumillu kiffartuussinermut tunngasuni aqutsisussarsiorpoq.

Utoqqarnik paaqqutarinniffik 33-nik ineqartuuteqarpoq. Init qulit Innuttaasunut puiguttortunut atugassaapput. (Tamatuma saniatigut immikkoortortaqarfeqarpoq innarluutilinnut inuusunnerusunut qulinut inissaqartumik, taannalu illorsuup iluaniippoq suleqatigineqarlunilu)

Ippiarsuk aamma innuttaasunut angerlarsimaffinniittunut innersuunneqartunut sammisassaqartitsisarpoq.

Ippiarsummiipput immikkoortortaqarfeeqqat arfinillit. Utoqqarnut immikkoortortaqarfiit marluk, puiguttortunut immikkoortortaqarfik, igaffik, errorsisarfik/eqqiaasut, allaffik taavalu sammisassaqartitsivik, tassaniipput katillugit sulisut 70-it missaanniittut.

Ippiarsummi kiffartuussinermut tunngasuni aqutsisutut illup iluani suleqatigisat peqatigalugit utoqqarnik paaqqutarinniffimmi, assigiinngitsorpassuarnik suliassaqarfiusumi naleqqussarnissamut piareersimaffigisassami illullu iluani inunnik kivitsinissamik qulakkeerinniffiusumi kiffartuussinermut tunngasut pitsaassusaannik qulakkeerinissaq siuttuuffigissavat. Tassunga atatillugu angerlarsimaffiuvoq utoqqaat angerlarsimaffiat taamaattumik illit aqutsisutut utoqqarnik paaqqutarinniffimmi ersarissuunissat ajunngitsumillu aqutsinikkut siuttuunissat, uummateqarfigalugu, suliassatigut pikkoriffigalugu kiisalu aamma atugarissaartitsineq eqqarsaatigalugu aqutsilluarnissat pingaaruteqarpoq.

Utoqqarnut suliassaqarfimmi tamani ineriartortitsinissamut tunngasunik ingerlatsivugut, ilaatigut aqutsisutut kiisalu sulisunut tamanut inuttut ineriartortitsinermik taaneqartartoq ilanngullugu. Ippiarsuk utoqqarnik paaqqutarinniffiuvoq illorsuaq angisooq pissanganartorlu, tassanilu immitsinnut inissaqartittuuvugut, najugaqartoq qitiutillugu sulilluta aamma tatiginassuseq, qanilaassuseq, isumassuineq, toqqissisimaneq, tusarnaarneq naleqartinneqarlutik inuunermilu pitsaassuseq takuneqarlunilu malugineqarpoq.

Kommunip utoqqarnut politikkia aallaavigalugu innuttaaqativut utoqqaat sullinneqartarput, taanna uani, kommunillu maleruagassiai allat ilanngullugit allagartat uppernarsaatit ilanngullugit takusinnaavatit:

https://sermersooq.gl/da/politik-indflydelse/politikker-strategier/

 

Pissarsiorpugut:

• Aqutsisoq attuumassutilimmik ilinniagalik aamma/imaluunniit aqutsisuunermut pikkoriffilik pisiniarnermut toqqorsivimmullu tunngasunik allaffissornermi misilittagalik.
• Utoqqarnut tunngassutilinnut nalinginnaasunik sulianik misilittagaqarnissat aqutsinermilu misilittagaqarnissat kissaatiginarpoq
• Kiffartuussinermut tunngasuni aqutsisutut sulisut peqatigisussaavatit - taamaattumik qanilaartuunissat pingaartipparput.
• Sulisunut tamanut ersarissunik ilitsersuutinik najoqqutassanik malittarisassanillu pisariaqartitsineq malillugu suliaqarsinnaasutit sulisunillu tamanik ilitsersuinermik qulakkeerisinnaasutit.
• Suleqatikkuminartuusutit, allannguinissamut piumassuseqartutit, ineriartortitsisinnaasutit aalajangiisinnaasutillu.
• Nutaaliorsinnaassuseqassaatit nuannersumillu eqqarsarsinnaassaatit kiisalu anguniagaqarlutit.
• Naleqqussarsinnaanissamut aamma illup ilua tamakkerlugu suliffiginissaanut malinnaasinnaalluassasutit sulisullu akornanni suleqatigiinnermi ataqatigiissaarisuusinnaasutit.
• Missingersuutinik aningaasaqarnermillu tamanik isiginnissinnaasutit kiisalu missingersuutinik malinnissinnaasutit.
• Tamatigoortuusutit suliffimmullu tunniusimasutit.
• Sulisussarsiornernik, atorfinitsitsinernik soraarsitsinernillu qulakkeerinnissinnaasutit, isumaqatigiissutit malinneqartarnissaannik qulakkeerinnissinnaasutit.
• Atorfiup allaaserineri suliarineqarput.
• Sulisussat sulinngiffeqarnissamullu pilersaarutit pitsaanerpaamik ingerlassinnaavatit.
• Immikkoortunut tamanut toqqorsiviit aaqqissuussallu
• Suliffimmi avatangiisinik pitsaasuunissaanik qulakkeerinninneq
• IT-mut tunngasunik nalinginnaasumik ilisimasaqarlunilu piginnaasaqarneq

 

 

Neqeroorutigaarput:

• Innuttaasut utoqqaat inuunerannut iluaqutaasussamik sulisunik nukittorsaanissamut ineriartortitsinissamullu periarfissat.
• Ulluinnaat assigiinngitsut
• Aqutsisoqatinik siunersioqatigiinnissamut periarfissaqarluarneq
• Ippiarsummi aqutsisumik qanimut suleqateqarneq siunersioqateqarnerlu.
• Inuttut ilinniakkatigullu inerisarnissamut periarfissagissaarneq
• Sulisunik kajumissuseqarluartunik pikkorissunillu suleqateqarnissamut periarfissaqarneq

 

Ippiarsummi aqutsisumut toqqaannartumik qaninnertut aqutsisoq

 

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:fagchefi Karen Lund Mølgaard uunga attavigissavat: oqa. +299 368142/529932 imaluunniit uunga klum@sermersooq.gl.

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 414/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juunip 7.-at, 2023

Atorfik una qinnuteqarfigiuk