Tasiilami Sunngiffimmi sukisaasartarfik ”Iginngut” Immikkoortortami Aqutsisumik pissarsiorpoq

 

Sunngiffimmi sukisaarsartarfik Aamarngaar inissisimavoq Amanduusip Aqq. B-1112, 3912 Tasiilaq, inissaqartitsilluni meeqqanut 120-inut.

 

Sunngiffimmi sukisaarsartarfik marlunnut atuuffeqarpoq:

Skolepasning Aamarngaar –mi ataasinngorneq tallimanngorneq ilanngullugu nal. 17.00-ip 20.00-illu akornanni ammasarpoq meeqqanut 10 -13 ukiulinnut.

Unnukkut inuusuttuaqqanut ammasarpoq:

Ataasinngornermiit sisamanngorneq ilanngullugu nal. 19:00 – 23:00,

Tallimanngornermi nal. 20:00 – 24:00,

Arfininngornermi nal.19:00 – 24.00,

Sapaammilu nal. 19.00 – 23.00.

Pisortaq pisortallu tullia aqutsisutut suleqatigiiupput neqerooruteqarnermilu perorsaanerup ineriartornissaa, immikkoortortami aqutsisumik suleqateqarneq sulisunillu aqutsineq akisussaaffigalugit.

 

Sunngiffimmi ornittakkami immikkoortortami aqutsisoq atorfimmut atatillugu atuuffiit:

Immikkoortortami aqutsisoq, pisortaq pisortallu tullia aqutsisuullutik imminnut siunnersoqatigiittarput peqatigiillutillu anguniakkat siunnersuiffiillu aammalu perorsaanikkut suliassat pillugit malitttarsisassat malinneqarnissaat qulakkeertussaallugit.

Matumani pineqartoq sulisutut suliassanullu atorsinnaassaaq.

Tamatuma saniatigut immikkoortortami aqutsisoq innersuussisinnaatitaavoq ornittakkamilu aningaasaqarnerup ingerlatsinermullu missingersuutit malinnaatinneqarnissaannut akisussaasuulluni.

Immikkoortortami aqutsisoq inimi sulisut amerlassusiligaanerannut ilaatinneqarpoq.
perorsaanikkullu suliassat nalinginnaasut , iliuusissatut pilersaarutit suliarineri, sammisassaqarnermut pilersaarutit suliarineri, sulisut atuisut takkuttarnerisa nalunaarsorneri eqqarsaatigalugit suliarisaarlugit.

 

Qinnuteqartumut suliatigut inuttullu piginnaasaqarnissaanut piumasaqaatit:

• Perorsaanermut ilinniagaqarsimanissaq
• Akisussaassusermik ilisimaarinninnissat, ataatsimut isiginnissinnaassuutit aalajaatsuullutillu
• Nutaaliortuunissat killissallu pinnagit periarfissarsiortuunissat
• Pisuni ulapaarfiusuni sulisinnaanissat
• Patajaatsuunissat, suleqatiginnissuseqarnissat ilakkuminartuunissallu
• Suleqatigiinnermik pilersititsisinnaasoq meeqqanut, inuusuttuaqqanut, angajoqqaanut suleqatinullu

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Gert Ignatiussen, oqarasuaat +299 36 77 99 imaluunniit e-mail: geit@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:
Qinnuteqaat qulequtserlugu Atorfiup ilisarnaataa 390/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juunip 7.-at, 2023

Atorfik una qinnuteqarfigiuk