Najugaqarfik Elisibannguaq namminersorlutik oqartussat isumaginninnermut aqutsisoqarfiup ataani inissisimasoq, Maniitsumi immikkoortortaqarfitsinnut Sikkernermut immikkoortortaqarfimmi aqutsisumik perorsaasutut ilinniarsimasumik pissarsiorpoq.

Najugaqarfik Elisibannguaq tassaavoq inersimasunut eqqarsartaatsimikkut innarluutilinnut najugaqarfiusoq katillugit 21-nik najugaqarfigineqarsinnaasoq. Najugaqartut 40 76-illu akornanni ukioqartuupput.

Sikkerneq tallimanik najugaqartuuteqarpoq.

Sikkernermi immikkoortortaqarfimmi aqutsisutut qinnuteqartussamut piumasaqaatigaagut:

• Ilisimasaqartuusutit eqqarsartaatsimikkut kinguarsimasunut.
• Nammineersinnaasutit, nutarterinissamut piumassuseqartuusutit, aqutsinermullu misilittagaqartuusutit.
• Aqutsisoqatigiinnik suleqateqarnissat piareersimaffigissagit immikkoortortat aqutsisui peqatigalugit.
• Kalaallisut qallunaatullu oqaatsinik atuisinnaasutit.
• Pinerlussimasuussanngitsutit.
• Piareersimaffigissagit Sikkernermi sulisooreersut suleqatiginissaat suliallu ingerlateqqinnissaat.

Atorfik tunngaviusumik sapaatip akunneranut akunnerni 40-ni sivisussuseqarpoq, piareersimaffigisassarli nikerartumik sapaatillu akunnerisa naanerini nalliuttunilu sulisinnaaneq.

Qinnuteqarfissaq kingulleq: 09.06.2023
Atorfiniffissaq: 15.06.2023 imaluunniit kingusinnerusukkut isumaqatigiissuteqarnikkut.

Annertunerusumik paasisaqarnerorusukkuit pisortamut Ane Jensen-imut saaffiginnissinnaavutit oqarasuaat: 813343/520262 kiisalu email: ne-forstander@nanoq.gl imaluunniit ataatsimoorussamik email: elis@nanoq.gl  

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk