Naalakkersuisut ukiuni kingullerni suliniutigaat Nunatta innuttai siunissami suliffeqarfiit sulisussanik piumasaqaatai angutserlugit suliniuteqassasut. Sulisoq ujartugarput sulianik sullissinnaassaaq, pikkorissaalluni aammalu ineriartortitsinermut sulianik suliffeqarfimmut tunngasunik suliaqarsinnaalluni.

Suliassatit ilaatigut makkuusinnaapput, Naalakkersuisut suliniutaai kommuunit suleqatigalugit piginnaangorsaaqqiinermut tunngasut, naleqqussakkamik sulisitsineq suliallu assingusut ineriartortissallugit.

Suliffeqarfik pissanganartumut iserluarnissannut pikkorissarluarneqassaatit sulileruillu nammineq ineriartortitseqataasinnaallutit sullitatit qanittumik suleqatigalugit.
Pistaaqutaassaaq suleriaatsinik inatsisinillu paasinnilluarsinnaanissat aammalu kommuunini suleqatitsinnut paasinartumik nassiuaasinnaanissat.

Sapinngisatit pikkoriffitillu:

• Ilisimatuutut naapertuuttumik ilinniagaqarsimanissat imaluunniit Socialrådgiveritut allagartaqarnissat sulinermillu misilittagaqarluarnissat
• Politikkikkut aqutaasumik suliffeqarfimmik misilittagaqarnissaq
• nammineerlutit sulisinnaassaatit, aqutaalluartutmik angusaqarusussusilimmillu
• Suliat ineriartornissaannut akisussaaffeqarnissaq aammalu suliap pitsaassusaanik qulakkeerinnissinnaassallutit
• atassuteqaatit aqqutigalugit sullissilluarsinnaaneq
• Sulianik tamalaanik suliaqarsinnaaneq, piffissamik eqquisinnaaneq inunnillu allanik oqaloqateqarluarsinnaaneq
• Marloqiusamik oqalussinnaaneq Kalaallisut/Danskisut imaluunniit Kalaallisut/tuluttut
• ilimagissavat angalasersinnaanissat
• ulluni ulapaarfiusuni sulisinnaanissaq aammalu sulianik arlalinnik ataatsikkut suliaqarsinnaaneq
• Qiimasuunissaq suleqataalluarnissarlu
• Iluaqutaassaaq sullissinermik atortut F2 assigisaanilluunniit misilittagaqarneq
• Pingaartipparput Kalaallit Nunaanni kultur inoriaaserlu ilisimasaqarfigissallugit

Suliassatit:

• Suleqatinnut, kommuunimi sulisunik Naalakkersuisoqarfimmilu aqutsisunut siunnersuisinnaassasutit, ilitsersuilllutit aammalu pikkorissaasinnaassallutit
• Ineriartortitsinermut sulianik suliffeqarfiup susassaqarfiini suliaqarsinnaaneq
• Allaffissornermi sulianik qaffasissumik suliaqarsinnaaneq 
• Aningaasaqarnermi aningaasaqarnermi inatsisit, IRIS assingisaanilu malinnaasinnaallutit

Uagut neqeroorutigaagut:

• Suliffeqarfik pissanganartoq innuttaasunut kunguneqartitsisinnaalluartoq aammalu ineriartortitsinermut periarfissaqarluartoq
• Akisussaaffimmik tigusisinnaaneq 
• Sulianut amerlasuunut pissanganartunullu ineriartortiseqataaffiusoq
• Pikkorissarnissamut ilinniaqqinnissamullu periarfissaqarfiulluartoq
• Suleqatit nuannersut

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk