Air Greenlandimi Teknikkimut Pisortaq – Kalaallit Nunaata silaannakkut angallasseqatigiffiani atorfik pissanganartoq

 

Teknikkimut pisortatut tunuliaqutaqarluarpit aamma allannguinissamik aqutsineq, ajornanngippallu LEAN misilittagaqarfigaagit? Niuerfinnik nuannarisaqarpit aamma attaveqarfeqarnissaq pikkoriffigaajuk, attaveqaqateqartarninnilu ersarissumik pissuseqarpit? Kalaallit suliffeqarfianni pimoorussisumi, siunissamik pissanganaatilerujussuarmik ornitaqartumi teknikkikkut aaqqissuussaanermi siuttoorusuppit?

Air Greenland A/S-imi, kalaallit silaannakkut angallasseqatigiiffianni Teknikkimut Pisortassamik pissarsiorpugut. Ingerlatseqatigiiffik 1960-imi pilersinneqarpoq. Taamani Grønlandsfly-mik ateqarpoq, kisiannili 2002-mi atini Air Greenlandimik taarserpaa, ukiullu 60-erpiaat ingerlanerini ineriartupiloorsimalluni. Timmisartunit immamut mittartuniit timmisartunut sukkasuulianut, qulimiguullit atorlugit sullissinermiit timmisartut suluusallit atorlugit timmisartuussivinni timmisartuussinernut. Taamani maannalu Air Greenland issittup silaannartaani, immikkorluinnaq unammilligassaqarfiusumi timmisartuussisuuvoq.

Air Greenland piginneqatigiiffiusunik arlalinnik piginnittuuvoq/piginneqataavoq, tassalu Hotel Arctic, Nunatta Angalatitsivia, World of Greenland aamma Norlandair. Air Greenland namminerpiaq Namminersorlutik Oqartussaniit 100%-inik pigineqarpoq.  

Atorfik

Air Greenlandimi Teknikkimut Pisortatut suliffeqarfimmi isumaqartorujussuarmi ineriartupiloortumilu teknikkimut aaqqissuussaanermut aqutsisuussaatit ineriartortitsisuussallutillu. Teknikkimut Pisortatut Teknikkimut Immikkoortortaqarfimmi, 120-t missaaniittunik ilinniarluarsimasunik sulisulimmi qullersatut pisortaassaatit. Ingeniørit pisortaannut, Maintenance Manager-imut, Ingerlasussanik piareersaanermut aaqqissuussinermullu pisortamut, Safety officer-imut, Teknikkikkut ilinniartitaanernut kiisalu Københavnimi Technical manager-imut toqqaannartumik pisortaassaatit.

Akisussaaffeqarfitit ilaatigut tassaassapput:

• Teknikkimut Immikkoortortaqarfiup sulisunik piginnaanilinnik, aalajangersimasunik amerlassusilinnik aaqqissuussaasumillu silaannakkut angallatit silaannakkullu angallatinut atortut aserfallatsaaliorneqarnerisa aqunneqarnissaannik, akuerisamillu pitsaassusilimmik piffissap aalajangikkap iluani suliarineqarnissaannik qulakkeerisarnermi pisariaqartinneqartunik sulisoqarluni aaqqissuussaanissaanik isumaginninneq.
• Teknikkikkut ingerlatsinermi, aningaasaliisarnermi sulisoqarnermilu missingersuutinut akisussaasuuneq, tassungalu ilanngullugu atortut, Teknikkimut Immikkoortortaqarfiup immikkoortuini ataasiakkaani aningaasartuutit pitsaasumik aqunneqarnissaannik ajornarunnaarsitsisut ingerlanissaannut qulakkeerisarneq.
• Ingerlatseqatigiiffimmi Safety-mik isumaginninnerup pitsanngorsarneqartuarnerani suleqataaneq.
• Teknikkimut Immikkoortortaqarfimmut pilersuisuusut attaveqarfigineqarnerinut akisussaaneq.
• Silaannakkut angallatinik pisiniartarnermut/tunisisarnermut akisussaaneq.
• Teknikkimut Immikkoortortaqarfimmi periusissiorluni sullissillunilu suliniutinik aallartitsisarnermut malinnaanermullu akisussaaneq.

Suliatigut piginnaasat

Aqutsinikkut siammasissunik piginnaanilimmik, teknikkikkut attuumassutilimmik ilinniagalimmik pissarsiorpugut. Taamaakkaluartorli inuussutissarsiutitigut misilittakkat ilinniakkallu ataatsimoorneri soqutigisaqarfigaavut.

Sulianut aqutsisussaq ukuninnga piginnaaneqassaaq:

• Tunisassiornermik misilittagaqarluarneq
• Aserfallatsaaliuinermut aaqqissuussaanermik nutaaliaasumik pitsaasumillu misilittagaqarneq ineriartortitsinissamullu piumassuseqarneq
• Suliat ingerlasarnerini sulinermi aamma suliniutinik aqutsinermi anguniakkanik aqutsinermik misilittagaqarneq uppernarsarneqarsimasunillu piginnaaneqarneq
• Sulisunik teknikkimik suliaqartunik aqutsinermik misilittagaqarneq
• LEAN-imik misilittagaqarneq
• Allannguiniarluni aqutsinermik misilittagaqarneq
• Niuernermik siunnerfeqarsinnaaneq
• Silaannakkut angallassinermik ilisimasaqarneq iluaqutaassaaq. 

Inuttut aqutsinermilu piginnaaneqarfiit

Inummik ammasumik aammalu attaveqalersitsinissamut piginnaaneqartumik, nukittuumik akuusinnaassuseqartumik, aammalu inunnik allanik taakkualu aqqutigalugit suleqateqarnissamik soqutiginnittumik pissarsiorpugut. Angusassanik siunnerfeqarputit siulliuniartuullutillu, kisiannili aamma siunissamut ungasissumut eqqarsarsinnaavutit. Tamatuma peqatigisaanik ingerlatitseqqittarnermi nukittuujuvutit, suleqatinnut kaammattuutaasumik isumassarsiorfiusumillu. Ammasumik, ersarissumik paasiuminartumillu aqutseriaaseqarputit, aammalu pissusissamisuuginnartutut oqariartuutinik aaqqissuussaanermi suleqatinnullu ersarissumik ingerlatitseqqissinnaavutit.

Suleqateqarneq piginnaaneqarfigaat, tamatumalu peqatigisaanik namminersorlutit sulisinnaassuseqarluarputit, aammalu aalajangiinissamut siumullu aallartitsinissamut pikkorillutit. Nutaaliortuuvutit nutaanillu eqqarsarsinnaassuseqarlutit, aqutsisutullu maligassiuiniarlutit saarlinngortarputit. Inuttut suliassanik agguaassisinnaavutit, kiannili aamma pisuni ajornakusoortuni aqutsilersinnaallutit.

Aamma danskisut tuluttullu allassinnaanermik oqalussinnaanermillu pikkorissuseqarnissat naatsorsuutigineqarpoq. Kalaallit oqaasiinik ilisimasaqarneq aamma Kalaallit Nunaanniit misilittagaqarneq iluaqutaassaaq, piumasaqaataanngilarli. Aamma soorunami Kalaallit Nunaanni najugaqarnissat pingaarnerpaavoq, tassaniinninni qeqertami pinngortitaq kulturilu pissanganartoq nuannerilersinnaagakkit.

Neqeroorutigaavut

Atorfik pissanganartoq, suliatigut inuttullu unammilligassarpassualik, pikkorissunik suleqateqarfiusoq, aammalu aaqqissuussaanerup sinnerani isumassarsiorfissarpassuarnik attumassuteqarfiusoq neqeroorutigaarput. Kiisalu atorfik atorfeqarnermi atugassarititaasunik pilerinartortaqarpoq, atorfimmi inunnut ataasiakkaanut piumasaqaatit malillugit akissarsiaqartitsisoqarluni. Taakku saniatigut ilaqutariit ukiumoortumik sulinngiffeqarnermut atatillugu angalanerannut akiliussisarnissaq, soraarnerussutisiassat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut sillimmasiissutinik, ataatsimut inuunermut sillimmasiissutinik kiisalu peqqissutsimut sillimmasiissutinik ilaqartinneqartoq neqeroorutigineqarput.

Maleruagassat atuuttut naapertorlugit inissaqartinneqarnissaq nuunnissarlu neqeroorutigineqarsinnaapput.

01. aggusti 2023-p missaani atorfinitsitsisoqassaaq.

Qinnuteqaatit ingerlaavartumik nalilersuiffigineqassapput.

Annertunerusumik paasisaqarusukkuit CEO Jacob Nitter Sørensen nit@airgreenland.gl aqqutigalugu imaluunniit HR-imut pisortaaneq Mads B. Christensen e-mail mchristensen@airgreenland.gl aqqutigalugu attaveqarfigisinnaavatit.

 

 

Qinnuteqarnissamut killissarititaasoq: juunip 20.-at, 2023

Atorfik una qinnuteqarfigiuk