Find job
Dette jobopslag er udløbet
Sullitanut Aallakaatitsivimmut immikkoortortami aqutsisoq
Malinnaaviginnilluarnissamik pigisaqarlutit aqutsisuusinnaavit teknikkimillu ilinniagaqartuuit assigiinngitsorpassuarnik suliaqarsinnaasoq? Taava illiulluarsinnaavoq pisariaqartitarput!
Aallakaatitsinermut immikkoortortaqarfimmi suleqatigiinnut pikkorissunut 24-nut Nuummi, Kalaallit Nunaatalu Kujataani Avannaanilu agguataarsimallutik inissisimasunut suleqataalissaatit.
Aallakaatitsinermut immikkoortortaqarfimmi aqutsisutut sinerissami aammalu timmisartunut radionut atortulersuutinik ingerlatsinerup annertusarnissaata suliarinissaatalu kiisalu DVB-T atorlugu aallakaatitsinermut atortulersuutinik, tassa TV-mut aammalu FM radiomut, aqutsisuunissanni pingaarutilimmik inissisimassaatit. Sinerissami radio sakkortusaaveqarfiillu attaveqaqatigiinnermut kanalinut pingaarutilimmik atortulersuutaasut ilagaat, ilaatigut imaani isumannaallisaanermut aammalu imaani ajutoortoqarnerani pilertortumik ikiorsiinissamut. DVB-T aamma FM TV-mut FM-radiomullu taamaallaat atortuunngillat, aammali nuna tamakkerlugu upalungaarsimanermut, innuttaasut nunallu sinnerani upalungaarsimanermik suliaqarnernut pingaarutilimmik attaveqaqatigiissutaapput.
Suliffik
Sullitanut aallakaatitsinermut immikkoortortaqarfiup sullitanut aallakaatitsinernut atortulersuutit ingerlanneqarnerat immikkoortortaqarfimmit suliarineqarnerat pissutigalugu, aningaasarsiornermik suliaqarfigut qanimut suleqatigisarai. Atortulersuutit nutaat Kalaallit Nunaanni atuutsinneqalernissaanni ikkussuunneqarnissaannilu immikkoortortaqarfik ineriartortitsinermut suliaqarnermut peqataasarpoq, sulianut aqutsisutut aammalu taakkuninnga suliaqarnerni suleqatigiinnut suleqataasutut.
Suliassat annersaat Nuummi qullersaqarfimmiit ingerlanneqartassapput. Tamatuma saniatigut suliat 15%-ingajai sakkortusaaveqarfinni atortulersuutitsinnik suliarinnikkiartorluni angalanernut atorneqartassapput. Angalanerit tamakku qulimiguulimmik angalanerusassapput suleqatit pikkorissut peqatigalugit.
Sulianut inuttullu piginnaasat
Teknikkimut ilisimasaqarluartuussaatit
Suliniarluartuussaatit sulisarlutillu anguniagaqarluarlutit naammassisaqarusussuseqartuullutillu
Suleqatiginnilluarsinnaasuussaatit suliffimmilu suliffiullu avataani qaffasissutsini arlalinni sunniivigeqatigiinneq piginnaaneqarfigissallugu
Immikkuualuttortanik takunnissinnaasuussaatit ullormullu suliannik peqqissaarussisuullutit aaqqissuussamillu suleriaaseqarlutit
Ullormut ingerlatsinernik suliaqarnissamut piumassuseqarluartuussaatit namminersorlutillu sulisinnaallutit, aammali allanik suleqateqarluarsinnaassallutit
Ulluinnarni suliffik teknikkikkut ajornakusoortoqarfiusinnaasartoq soqutigisaqarfigissavat atorfimmiillu assingusumit ukiualunni misilittagaqartuullutit
Qallunaatut tuluttullu attaviginnissinnaaneq pikkoriffigissavat. Kalaallisut oqalussinnaaneq iluaqutaassaaq, piumasaqaataanngilarli.
Tusassip neqeroorutigai
Avatangiisini ulapaarfiusuni atorfik unamminartoq, qaffasissumik nuannaarluni suleqatillu suliassaminnut tunniusimasut akisussaaffimminnillu ilisimannittut akornanni suliffiusoq
Nuup avataanut angalasarsinnaanermik periarfissalik
Suliatigut inuttullu ineriartorfiusinnaasunik pitsaasunik periarfissalik
Suliffeqarfik pissanganartoq, sulisut ilorrisimaarnissaannik annertuumik soqutiginniffiusoq
Suliffik suliani inuttullu unamminartorpassualik, suleqatit pikkorissut suliffeqarfiullu sinnerani isumassarsinartorpassuarnik pissarsiffiusinnaasoq.
Soqutigaajuk?
Atorfik pillugu apeqqutissaqaruit Partner Dorthe Flies, Flies HR-imeersoq, attavigisinnaavat mobil +4560833117-imut imaluunniit +299583117-imut, uungaluunniit dorthe@flieshr.dk.
Flies HR-ip sulisussarsiornermik ingerlatsineq suliarisarpaa, taamaattumik saaffiginnissutit tamaasa tassunga ingerlatinneqassapput. Piukkunnarsinnaasut oqaloqatiginissaannut ataavartumik aggersaasarpugut.
Atorfik pillugu allanik apeqqutissaqaruit Aallakaatitsinermut immikkoortortaqarfimmut pisortaq Kim Zinck +299386060-imut attavigisinnaavat.
Tusarfiginissat qilanaaraarput.