Nunatsinni Peqqinnissaqarfiup immikkut paasisaqarfiginissaa soqutigisaraajuk? Sullivimmi avatangiisit pillugit siunnersortaaneq pikkoriffigalugulu piginnaaneqarfigajuk suliassallu misilittagaqarfigilluarlugit, suliassat pilertortumik suliarisariallit iluaraagit, immikkoortortaalli immikkut ukkassinnaallugit.
Taava ilinniagaqassutsikkut inuttullu piginnaasavit Kalaallit Nunaanni Peqqinnissaqarfiup qullersaqarfiata allatseqarfiani sulisoqarnermullu immikkoortortami, ulluinarni assigiinngiiaartorpassuarnik suliassaqarfiusumi atornissaannut, pitsaasunik periarfissaqarputit. Suliassat ilaat pilertortumik naammassisassaasarput, allalli itisiliinissamut periarfissiisarlutik. Suliffeqarfik tamakkerlugu pikkorissunik pimoorussisunillu- tamarmik suleqatigiilluarnissamut suleqatigiittullu ataqatigiilluarnissamut peqataasunik- suleqateqassaatit.
Peqqinnissaqarfimmi namminermi qanimimut suleqatiginnissaatit, peqqinnissakkullu sullissisunut annertuumik attaveqassallutit. Qullersaqarfiup allatseqarfia sulisoqarnermullu immikkoortortaqarfik Peqqissutsimut Naalakkersuisoqarfimmik Nunatsinnilu Nakorsaaneqarfimmik qanimut suleqateqarportaaq.
Suliassat tassaassapput suliffik akimorlugu sullivimmi avatangiisinut tunngasut. Taamaalillutit sullivik akimorlugu pitsaasunik avatangiiseqarnissamut suliniuteqarnermi peqataassagavit pingaarutilik, napparsimasunik sullissisut qanimut suleqatigissavatit.

Suliassat amerlasuut ilaatigut makkuupput:

• Sullivimmi avatangiisinut tunngatillugu aqutsisunik kiffartuussineq
• Sullivimmi avatangiisinik naliliinermut atatillugu sulianik aqutsineq, tamatumunngalu atatillugu iliuusissanut pilersaarusiornermi ikiuunneq
• Qitiusumik SULISUmik siuarsaaqataaneq
• Inerisaanernik ingerlatsinernillu sullivimmi avatangiisinut tunngasunik aqutsineq
• Ilitsersuusiorneq maleruagassiornerlu
• Sullivimmi avatangiisinut tunngatillugu, sullivimmi avatangiisit pillugit sullissinermi sinniisuutitanik, sulisunut sinniisunik aqutsisunillu oqaloqateqartarneq
• Suliassat siunertanut aalajangersimasunut tunngasut

Pisariaqartitsinermi immikkoortortami allatigut suleqataanissaq piareersimaffigissavattaaq.

Naatsorsuutigaarput:

• Naapertuuttumik kandidatitut - imal. peqqinnissamut tunngasumik ilinniagaqarnissat
• Sullivimmi avatangiisinut tunngasunik misilittagaqarnissat
• Sullivimmi politikkikkut aqunneqartumi ukiunik arlalinnik misilittagaqarnissat ajornanngippallu Peqqinnissaqarfimmik paasisimasaqarnissat
• Sulianik ingerlatsininni annertuumik akisussaaffeqarnermik iluarisimaarinninnissat
• Ulluinnarni assigiinngitsorpassuarnik suliassaqarfiusumi aaqqisuussisinnaanissat, pingaarnersiuisinnaanissat ataatsimullu isiginnilersitsisinnaanissat
• Allakatigut ilinniartitsinermullu atatillugu ingerlatitseqqiinermik pikkorigffeqarnissat
• Peqqissaartuunissat annikitsortanullu tappiffeqarnissat
• Naliliisinnaalluarnissat pissusissamisoorsinnaasumullu malussarissuseqarnissat
• Suliassat ilaatigut pilertortumik naammassineqartussaasarmata eqaatsimik pissuseqarnissat
• Sullivimmi pitsaasunik avatangiiseqarnissamut peqataanissat.

Kikkuuvugut?
Peqqinnissaqarfik aaqqissuussaanikkut Peqqissutsimut Pitsaaliuinermullu Aqutsisoqarfiup ataani inissisimasoq  napparsimasunik nakorsaanermik sulialinnik ikorfartuisunik arfinilinnik; Qarasaasiarsornermut Digitaalinngorsaanermullu, Ilutsinni Kiffartuussinermut, Illuutinut Sanaartukanullu, Aningaasaqarnermut Napparsimasullu aqqusaartugassaannik Ataqatigiissaarinermut kiisalu Qullersarqafiup Allatseqarfianut Sulisoqarnermullu immikkoortortamut, qullersanut siunnersuisarfeqarpoq. Illit qullersaqarfiup allatseqarfiani sulisoqarnermullu immikoortortaqarfimmi sulisunut akuulissaatit.
Qullersarfimmi allatseqarfik sulisoqarnermullu immikkoortortaq, Peqqinnissaqarfimmi qullersanut kiisalu sinerissami Napparsimmavissuarmilu qitiusumik immikkoortuni, nunatsinni Peqqinnissaqarfimmi aqutsinikkut qullersanut siunnersuisarfiuvoq. Immikkoortortami aqutsisunik kiffartuussineq, attaveqatigiinneq, napparsimasut maalaarutaat siunnersuinerlu, sullivimmi avatangiisit, piginnaasatigut inerisaaneq kiisalu sulisussarsiniarnermut sulilerlaanillu pitsaasumik tikilluaqqusinermut tunngatillugu, suliassat suliarineqartarput.
Immikkoortortami ilinniagaqassutsikkut inuttullu ataqatigiinneq nukittooq soqutigisaraarput, taamaammallu ilinniagaqassuseq, akisussaassuseqarneq, ilisimasanik avitseqatigiinneq qiimasuunerlu pingaartillugit. Suliffeqarfimmi- oqaatsitsigut ilinniagaqassutsikkullu assigiinngitsunik kulturilimmi sulilersussaassaatit.
Paasissutissat annertunerusut
Soqutiginnikkuit, atorfik suliassartaalu pillugit itisiliivigineqarniarlutit qullersanut siunnersuisarfimmi pisortamut Lene Marie Halgreenimut oqarasuaatikkut: +299 23 08 46 imal. mailikkut: lemh@peqqik.gl attaveqarsinnaavutit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfininnermi qaammatit pingasut misilitsitsiffiussapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk