Peqqinnissakkut sullissinermik qaffasissumik pitsaassusilimmik nunatsinni innuttasunut napparsimasunullu tamanut neqeroornissaq, Peqqinnissaqarfimmi suliniutigaarput. Maannalu illit piginnaasatit atorfissaqartippagut.

Nakorsat qullersaat, nakorsatut suliassanik pingaarnersiuilluni tulleriiaarinermi sammiviliisuuvoq, peqqissaasullu qullersaat Peqqinnissaqarfiullu pisortaa peqatigalugit, nunatsinni Peqqinnissaqarfimmik tamakkiisumik inerisaanermi pingaarnersiuisuullutik.
Peqqinnissaqarfik nuna tamakkerlugu sulliviuvoq, peqqinnisamut tunngatillugu suliassanik assigiinngitsorpassuarnik allanngorartunillu isumagisalik. Taakkununnga ilaapput napparsimmaviup avataani peqqinnissakkut suliassat, napparsimmavinni immikkut ilisimasaqarfinni nakorsaanermi suliassat, napparsimmavimmut anngutinnginnermi ikiueqqaarneq, kigutileriveqarfik Nunattalu Nakorsaataasivia. Suliassat immikkut ilisimnasaqarfiit tassaapput timikkut nappaatinik nakorsaaneq tarnikkullu nappaatinik katsorsaaneq.

Peqqinnissaqarfimmi qullersat tassaapput pisortaaneq, peqqissasut qullersaat nakorsallu qullersaat. Peqqinnissaqarfimmi qullersat, Peqqinnissaqarfimmi pingaarnertut suliassat; aqutsineq ataqatigiissaarinerlu ataatsimoorlutik isumagaat. Taakkununnga ilaapput nakorsaanerup-, peqqissaanerup-, inerisaanerup-, pitsanngorsaanerup-, pingaarnersiuilluni tulleriiaarinerup- nukissanillu nuussuinerup immikkoortui tamakkerlugit.

Peqqinnissaqarfimmi qullersat aningaasaqarneq sulisoqarnerlu ataatsimut isigalugit akisussaaffigaat – nakorsatullu qullersatut illit nakorsanik sulisussarsiniarnissaq aalaakkaasunillu sulisoqarnissaq immikkut ukkatassaraatit. 

Nakorsat qullersaattut atorfik nakorsatut sulinermik ilaqanngilaq. Qullersatut suliffimmi paasilertoruminaatsumi, ulloq suliffik pissanganartoq allanngorartorlu naatsorsuutigisinnaavat. Peqqissutsimut Naalakkersuisoqarfik, politikkikkut allaffissornermilu ingerlatsivik Nunatsinnilu Nakorsaaneqarfik qanimut suleqatigissavatit.

Nuummi najugaqassaatit angalasassallutillu.
Peqqinnissaqarfik katillugit 1600-it missaannik sulisoqarpoq, taakkunannga 120-it missaat nakorsaapput. Peqqinnissaqarfimmi qullersat aningaasaliissutit ukiumut 1.5 mia. koruunit missaanniittut akisussaaffigaat.

Peqqinnissaqarfik Nuummi Napparsimmavissuamik, nakorsiartitsivimmik, qitiusumik napparsimmavinnik sisamanik, peqqissaavinnik aqqanilinnik nunaqarfinnilu nakorsiartitsivinnik 56-inik nuna tamakkerlugu siammarsimasunik, Københavnimilu Kalaallit Peqqissartut Illuannik immikkoortortaqarpoq.

Peqqinnissaqarfiup aaqqisuussaanera UANI annertunerusunik paasisassarsiorfigisinnaavat
Atorfik akisussaaffiillu pillugit nassuiaammut attavik: AANA  

Illit:

• Peqqissaasut qullersaat pisortaanerlu suleqatigalugit ilinniagaqassutsikkut Peqqinnissaqarfimmik sammiviliisinnaassaatit
• Peqqinnissaqarfimmi ilinniagaqassutsikkut allannguinissanik piviusunngortitsinissamik qulakkeerisinnaaneq piginnaaneqarfigissavat
• Ilinniagaqassutsikkut immikkoortut tamaasa iserfiginissaannut ilisimasaqarluartuuvutit soqqutiginnittuullutillu
• Ammasuuvutit, suleqatiginnittuuvutit, eqaatsumik periuseqarputit attaveqartuulutillu
• Imminnut akerleriinnik piumaffigineqarneq iliuuseqarfigisinnaavat – suliassanik nukissanillu ilisimaarinnillutit silatuumillu tulleriiaarisinnaallutit

• Politikkip ilinniagaqassutsillu akornanni akerleriit naapiffianniissinnaavutit
• Sulisunik aqutsineq kajungeralugu tamatumunngalu atatillugu sullivimmi avatangiisit piginnaasatigullu inerisaaneq eqqumaffigalugit
• Nakorsatut immikkut ilisimasalittut sulisinnaatitaanermut uppernarsaateqarputit
• Aqutsinermi misilittagaqarputit aqutsinermik ilinniagaqarsimaguit pitsaassaqaaq
• Aningaasanik aqutsineq pilersaarusiornerlu nalornisiginngilatit (iluaqutaassaaq)
• Kalaallit Nunaat ilisimasaqarfigaat (iluaqutaassaaq pingaartinneqassallunilu)

Uagut:

• Uagut tassaavugut innuttaasunut peqqinnissakkut atituumik sullissisussat pingaarnerit
• Ataqqinninneq, tatiginninneq, tungiuneq ilinniagaqassuserlu tassaapput Peqqinnissaqarfimmi naleqartitatut ataatsimoorussat
• Suleqatinik pikkorissunik tunniusimalluinnartunillu, napparsimasut ajunngitsunik aqqusaartugassaqarnissaannik ukkassisunik suliassaminnillu iluatsitsisartunik naapitsissaatit

Paasissutissat sukumiinerusut
Atorfik pillugu annertunerusumik paasisaqarusukkuit Direktøri, Tina Amondsen, attavigisinnaavat oqarasuaatikkut (+299) 54 78 67, imaluunniit mailikkut tiam@peqqik.gl 

Atorfik suliffigineqarsinnaalissaaq 1. juni 2023 aallarnerfigalugu sukkanerpaamilluunniit.

Qinnuteqartunik oqaloqateqarnissaq sap. ak. 16 pisussatut naatsorsuutigineqarpoq.
 
Akissarsiat atorfeqartitaanermilu atugassarititaasut:
Ukiut pingasut siulliit qaammammut aningaasarsiat- soraarnerussutisiassat tapisiallu ilanngullugit- 140.000 koruunit missigissavaat.

Atorfininnissamut piumasaqaataavoq nakorsatut sulisinnaatitaanermut uppernarsaammik atuuttumik takutitsisinnaanissat.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk