Find job
Dette jobopslag er udløbet
Teknikkeqarnermut Avatangiisinullu immikkoortortamut Illoqarfimmik pilersaarusiortartumik pissarsiorpoq
Qeqqata Kommunia Sisimiuni pilersaarusiornermut immikkoortumut illoqarfimmik pilersaarusiortartumik pissarsiorpoq.
Suut pissarsiarissavigit?
Kommunimi illoqarfinni nunaqarfinnilu kiisalu nunap timaani atortulersuutitigut, inuussutissarsiornerup takornariaqarnermillu suliaqarnerup iluani annertuumik ineriartortumi suliffimmik neqerooruteqarpugut. Sulineq ilaanni kommunimi nunaqarfiit arfiniliusuni pilersaarusisornernit annikitsunit illoqarfiit marluusuni pilersaarutinut anginerusunut imminnut attuumassutilinnut siammasissinnaapput. Suliffik suliatigut pikkorissunik pitsaasunillu suleqatigiiffiusoq pissanganartoq unammillernartorlu.
Illoqarfimmik pilersaarusiortartutut periusissiaq piviusunngortinneqarnissaanut suliaqassaatit.
Teknikkeqarnermut Avatangiisinullu immikkoortortaq kinaava?
Teknikkeqarnermut Avatangiisinullu immikkoortortaq pilersaarusiornermut tunngasuni Teknikkeqarnermut Avatangiisinullu ataatsimiititaliamut aningaasaqarnermullu ataatsimiititaliamut allatseqarfiuvoq. Teknikkeqarnermut Avatangiisinullu immikkoortortaq ullumikkut ingerlatsinermut avatangiisinullu, sanaartornermut, nunaminertanik Illuutinillu nakkutilliinermik, allatseqarfimmik kiisalu pilersaarusiornermut immikkoortortaqarpoq. Sisimiuni allaffissornermik suliaqartut 15-iuvugut, pilersaarusiornermullu immikkoortoq nunaminertanik suliassanik sullissisunik marlunnik, illloqarfimmik pilersaarusiortartunik marlunnik pilersaarusiornermullu pisortamik ataatsimik sulisoqarpoq. Suleqatigiiuvugut angorusutaqartut, pilersaarusiornermut ineriartortitsinermullu suliniutinik pissanganartunik amerlasuunik suliassaqartuulluta.
Piginnaasat sorliit piginnaasaqarfigissavigit?
- Illoqarfimmik pilersaarusiortartutut, illussanik titartaasartutut, ingeniøritut attuumassulimmik linniarsimasuuvutit assigisaannilluunniit tunuliaqutaqarlutit.
- Kommunip pilersaarusioriaasianik politikkikkullu suleriaatsinut paasinnittarnermik misilittagaqarsinnaavutit.
- Illup avataanisuulli illullu iluani suleqatigiinnermit oqaloqatigiinnermillu kajumissuseqalertartutit.
- Anguniagaqarfinnut assigiinngitsunut sulianik ingerlatitseqqillaqqissuusutit
- Atortunut nalinginnaasunut soorlu AutoCAD, aamma Adobe-pakki, aamma ajornanngippat Qgis imaluunniit GIS platforminut ilisimasaqartuusutit.
- Isumagissaartuusutit inuillu assigiinngitsunik tunuliaqutaqartut avatangiiseralugit sulisinnaassuseqartuusutit.
- Nutaanik pilersitsisinnaasutit, peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartuusutit.
- Arlalinnik oqaaseqarneq iluaqutaassaaq, piumasaqaataanngilarli.
Illoqarfimmik pilersaarusiortartutut suliassanik sunik naatsorsuuteqarsinnaavit?
- Kommunip pilersaarusiorfigineqarnerani tapiliussanik suliaqarneq.
- Kommunimi pilersaarusiorneq aamma kommunip pilersaarusiorfigineqarnerani tapiliussat atuuttut malillugit ingerlatsineq.
- Sanaartornermut immikkoortortamut sanaartornermilu suliaqarnermi qanimut suleqatiginninneq.
- Inuussutissarsiornerup pilersaarusiortanerullu ineriartortinneqarnerinut peqataaneq.
- Innuttaasunik, entreprenørinik kiisalu Namminersorlutik Oqartussanik ulluinnarni oqaloqateqarneq.
- Suliani siammasissumik suleqatinut siunnersiueqatigiiffiusumik oqaloqatiginninneq.
- Politkkikkut ataatsimiititalianut oqaluuserisassanik suliaqarneq.
Illoqarfimmik pilersaarusiortartup ulluinnarni Pilersaarusiornermut pisortamut attaveqartuuvoq.
Aningaasarsiat atorfinitsitaanermilu atugassarititaasut.
Naalakkersuisut kattuffigisallu isumaqatiginninniartussaatitaasup akornanni isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput.
Qaammatini pingasuni misiligummik atorfinitsitsisoqassaaq.
Ulloq sulilerfissaq 15.5.2023 isumaqatigiissuteqarnikkulluunniit.
Qinnuteqaateqarnissamut killiliussaq.
Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attaveqarfigineqarsinnaanermillu ilaqartinneqartoq, kingusinnerpaamik 17.04.2023. uunga nassiunneqassaaq:
Atorfik pillugu sukumiinerusumik paasissutissat, tulliuttunut saaffiginnissuteqarnikkut pissarsiarineqarsinnaapput:
Pilersaarusiornermut pisortaq, Alexander Beck (+299) 86 73 94, e-mail: albe@qeqqata.gl
Teknikkeqarnermut avatangiisinullu pisortaq Tuperna Rix (+299) 86 74 50, e-mail: trix@qeqqata.gl