Perorsaanermik Ilinniarfik/Socialpædagogisk Seminarium – aamma taaneqartartoq PI/SPS, Inuussutissarsiutinut ilinniartitaanermi ilinniagaqanngitsunilu pikkorissaanermi ilinniartitsisumik pissarsiorpoq.

Perorsaanermik Ilinniarfik Kalaallit Nunaanni Ulluunerani meeqqanik sullissinermi ikiortinngorniarnermut- aammalu Isumaginninnermi ikiortinngorniarnermut akisussaavoq. Isumaginninnermi ikiortinngorniarnermi ilinniarneq agguataagaavoq atuagarsornernut pingasunut aamma sungiusarluni sulinernut marlunnut. Atuagarsornerit siulliit marluk Nuummi, Maniitsumi, Ilulissani Nunap Immikkoortuini Ilinniarfimmi – taakkunani ingerlanneqartarput. Atuagarsornerit pingajuat – Qitiusumik Ilinniarfimmi Ilulissani PI/SPS’imi pisarpoq. Sungiusarluni sulinerit nammineq najugarisami ilinniarnermut isumaqatigiissuteqarnikkut pisarput. Ilinniartitsinerup ilusaa ingerlanneqarsinnaasarpoq suliffiup sulisui siunertaralugit. 
Ulluunerani meeqqanik sullissinermi ikiortinngorniarneq ingerlanneqarsinnaasarpoq qinnuteqartut amerlanerit illoqarfianniit, PI/SPS-imiit ilinniartitsiartorneq modul-ikkaartoq ingerlasarluni.
Atorfimmut atatillugu aamma immikkortortaqarfinnut ilinniartitsiartortarnissaq pisariaqarsinnaavoq.   

Ilinniartitsisumik pissarsiorpugut Ilulissani Inuussutissarsitinut ilinniartitaanerni tunngassuteqarnerusunut ilinniartitsisussamik. Ulluunerani meeqqaanik sullissinermi ikiortinngorniarneq aammalu Isumaginninnermi ikiortinngorniarneq aqunneqarneri PI/SPS Ilulissani Immikkoortortami pisortamit isumagineqarpoq.

Atorfinitsinneqartussaq perorsaasutut/ilinniartitsisutut imaluunniit allamik assigisaanik ilinniarsimasuussaaq isumaginninnermi ilinniartitsinerup iluani ilinniagassani arlalinni ilinniartitsisuusinnaasoq ukunani:

• perorsaanilerineq aamma psykologi
• nipilersuutinik atuineq aamma nutaaliorsinnaaneq
• isumaginninnermut inuiaqatigiilerinermullu tunngasut
• attaveqaqatigiinneq
• ilinniakkat pillugit siunnersuineq aamma sungiusaammik sulinermi ilitsersuineq

Ulluunerani meeqqanik sullissinermi ikiortinngornianut, Isumaginninnermi ikiortinngornianut ilinniarsimanngitsunullu pikkorissartunut ilinniartitsineq kalaallisut ingerlanneqartarpoq. Atuakkat qallunaatuujukkajummata kalaallisut qallunaatullu oqaaseqarneq iluaqutaassaaq.

Attaveqarfissaq
Annertunerusumik paasisaqarusukkuit saaffigisinnaavat Immikkoortortami pisortaq Lena Mathiesen Fly, Ilulissat - oqarasuaat 38 35 50 imal. E-mail allaffik@pi.sps.gl.

Seminaria pillugu www.pi.sps.gl -imi atuarsinnaavat.

Atorfik inuttalerusunneqarpoq juulip aallaqqaataani 2023, imaluunnit isumaqatigiissut naapertorlungu. Qinnuteqarfissaq killilerneqarpoq aprilip 27-ani 2023

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk