Kalaallit Nunaata mingutsitsinngitsunut allannguiartornerani peqataarusuppit?  (AC-fuldmægtigi/immikkut ittumik siunnersorti/siunnersortaaneq)

Atorfik pillugu
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi nukissiuuteqarnermik silallu pissusianut tunngasunik suliassaqarfik ataatsimiit pingasunik sulisussarsiorpoq.

Illit Nunalerinermut, Nukissiuteqarnermut Silallu Pissusaanut immikkoortortaqarfimmi inissisimassaatit.
Immikkoortortaqarfiup nukissiuuteqarnermut silallu pissusaanut tunngasunik suliassaqarfiani suleqatitit peqatigalugit mingutsitsinngitsumik allannguinissamut ikaarsaariartornermi suleqataassaatit.

Naalakkersuinikkut ineriartortitsineq naalakkersuisumullu sullissineq eqqarsaatigalugit qitiusumik inissisimassaatit. Pingaartumik nukissiuutit ataavartut silallu pissusianut suliniutit iluanni naalakkersuinikkut ineriartorneq suliarissavat. Immikkoortortaqarfimmi suliassaqarfinni marluusuni ineriartortitsinermi suliassat amerlapput. Silap pissusia eqqarsaatigalugu siunissami aggersumi Kalaallit Nunaanni silap pissusianut periusissiamik suliaqartoqassaaq, tamatumalu peqatigisaanik nunatsinni silap pissusianut naleqqussaanermi aamma Kalaalit Nunaata silap pissusianut nunani tamalaani pisussaaffiinik isumaginninnermi suliassaqassalluni.

Nukissiuteqarnermi Kalaallit Nunaanni erngup nukinganut periarfissaqarfiusut angisuut, Tasersiami eqqaanilu inissisimasut unammilleqatigiissitsiviussapput. Tamatuma peqatigisaanik nukissiornermi mingutsitsinngitsunut allannguinissaq sulissutigineqassaaq. Suliassaqarfinni marluusuni taakkunani suliassat imminnut sunneeqatigiittussaapput, kisiannili piginnaasaqarfitit soqutigisatillu sumiiffiit marluusut taakku arlaannik annertunerusumik suliaqarnissannut aalajangiisuussapput.

Silap pissusianut suliassaqarfimmi suliassat tassaassapput:

• Misissueqqissaarnernik suliaqarneq, ilaatigullu silap pissusia pillugu suliniutit aningaasaqarnikkut kingunerisassai
• Nunami namminermi silap pissusianut periusissiamik ineriartortitsinermi ataqatigiissaarisutut inissisimaneq
• Silap pissusianut periusissiap suliarineqarnerani sullissisut assigiinngitsut akuutinneqarnissaannik qulakkeerineq
• Issittumi Siunnersuisoqatigiinni suleqatigiissitanut suleqataaneq
• FNip silap pissusianut allattoqarfianut nalunaarutissanik suliaqarneq
• Naalakkersuisoqarfiup silap pissusiata allannguutai pillugit nittartagaanik ineriartortitsineq isumaginninnerlu
• Ingerlateqqitassanik suliaqarneq, tassungalu tusagassiorfinnut nalunaarutit ilanngullugit
• Silap pissusianut suliassaqarfimmi ingerlatsinermut tamarmiusumut ikiuunneq, tassungalu silap pissusianut naleqqussaanerit ilanngullugit

Kalaallit Nunaanni erngup nukinganik periarfissaqarfiusut angisuut unammilleqatigiissitsivigineqarnerini suliassat tassaassapput:
 

• Kalaallit Nunaanni erngup nukinganik periarfissaqarfiusunut pilerisaarineq
• Misissueqqissaarnernik naatsorsukkanillu, neqerooruteqartitsinermut atugassanik suliaqarneq
• Neqerooruteqartitsinerup ingerlanissaanik eqqortumik aalajangersaaneq qulakkeerinerlu
• Aningaasaleerusussinnaasunut ingerlatseqatigiiffinnullu oqaloqatiginninnernik isumagisaqarneq
• Neqerooruteqartitsinermut atatillugu naalakkersuinikkut ataqatigiissaarinissamik sullissinissamillu qulakkeerinninneq, tassunga Naalakkersuisut isummernissaannut tunngavissianik, allakkianik tunuliaqutassanik, oqalugiaatissanik il.il. suliaqarnerit ilanngullugit
• Immikkoortortaqarfinnut oqartussaasunullu allanut akimuilluni ataqatigiissaarilluni suliassanik qulakkeerisarneq

Ingerlatitseqqittarnermi suliassat, soorlu tusagassiorfinnut nalunaarutinik suliaqarneq

• Suliassaqarfiup ingerlanneqarnerani tamarmiusumi ikiuunneq, tassunga aningaasaqarnermik missingersuutinillu aqutsineq, suliassani sullissineq kiisalu allattoqarfimmi suliassat ilanngullugit

Ilinnut tunngasut
Ilinniagartuumik ataatsimiit pingasunik suleqatissarsiorpugut, naalakkersuineq qanillugu nukissiornermut silallu pissusianut politikkimik suliaqarnissamut piumassuseqartunik. Naalakkersuinikkut aaqqissuussaanermi aamma/imaluunniit namminersortut inuussutissarsiorneranni sulinermik misilittagaqaruit iluaqutaassaaq.

Tamatuma saniatigut suliassaqarfimmut ataatsimut marlunnulluunniit tunngassuteqartunik paasisimaarinnikkuit iluaqutaassaaq: Silap pissusianut suliassaqarfimmi silap pissusianut politikkimik suliaqarnissamik, aamma FN-imi silap pissusianut isumaqatigiissutip ataani silap pissusia pillugu isumaqatiginninniarnernik suliaqarnissamik ilisimaarinnikkuit iluaqutaasaaq. Kalaallit Nunaanni erngup nukinganik periarfissaqarfiusut unammilleqatigiissitsivigineqarnissaannut tunngatillugu nunarsuarmi nukissiuutit ataavartut, tassungalu teknologiit mingutsitsinngitsut (soorlu power-to-x) niuerutigineqarnerat,  pillugu ilisimaarinnikkuit, imaluunniit erngup nukinganik suliniutit pillugit aalajangersimasunik ilisimasaqaruit iluaqutaassaaq.  

Matumani ineriartortitsinermi suliat pineqarput, taamaattumillu suliassanik inernissaat ilisimariinngisatsinnik suliaqarnissamut annertuumik qunusuissuseqassaatit suliatillu nuannarissallugit, tamatumalu peqatigisaanik suliassat nammineerlutit suliarisinnaassavatit.

Inuit ilinniakkaminnik naammassinnerlaat aamma piffissami sivisungaatsiartumi sulinermik inuunermillu misilittagallit qinnuteqaataat tigooqqassavagut.
 
Taamaattumik iluarissavarput:

• Ilinniagartuutut suliassamut naleqquttumik ilinniagaqaruit – ajornanngippat aningaasaqarnermut (soorlu cand.oecon., cand.polit.) imaluunniit inuiaqatigiit pillugit ilisimatusarnermut (cand.soc., cand.scient.pol.) assigisaanilluunniit, kisiannili aamma teknikkimut tunnganerusumik ilinniagaqarsinnaavutit, soorlu ingeniøritut imaluunniit geologitut.
• Nukissiornermik aamma/imaluunniit silap pissusianik suliassaqarfinnik ilisimasaqaruit.
• Kisitsisinut pikkorikkuit, ajornanngippallu inuiaqatigiit aningaasaqarnerannik misissueqqissaarnernik aamma ingerlatsinermi aningaasaqarnermik naatsorsuisarnernik misilittagaqaruit.
• Apeqqutit pisariusut allakkatigut oqaluinnarnikkullu ersarissumik paasinartumillu ingerlateqqinnissaat pikkoriffigigukku
• Suliani annerusuni namminersorlutit, aaqqiinissaq siunnerfigalugu paasisimaarinnillutillu sulisinnaaguit
• Aaqqissuussaanermi naalakkersuinikkut aqunneqartumi aamma/imaluunniit inuussutissarsiortuni namminersortuni sulinermik misilittagaqaruit
• Iluarsisassanik aaqqiiniarnermi eqaatsumik, peqqissaartumik misissuiffiulluarfiusumillu sulisinnaaguit

Inuiaqatigiinni kalaallini pissutsit ilisimaarigukkit, aammalu kalaallisut, danskisut tuluttullu oqaatsit piginnaaneqarfigigukkit iluaqutaassaaq.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Inuiaqatigiinni kalaallini suliassat pingaarutillit isumagisarpagut, aammalu ulluinnaat inuuffigisagut ileqqorissaarfiusumik aammalu suliat inernerinut nammineerluni sunniuteqarnissaq inissaqartillugu suliffigaagut. Ineriartortitsinermi suliat pissanganartorpassuit suliaraagut, aammalu atorfeqarninni ineriartorsinnaallutit misiginissat uagutsinnut pingaaruteqarpoq. Naalakkersuisoqarfimmi sulisut 45-t missaanniippugut immikkoortortanut sisamanut immikkoortortaqarfiulluni.

Taakku saniatigut Nukissiorfiit (Kalaallit Nunaanni nukissamik pilersuisoq) Aatsitassanik Suliassaqarfinnut Avatangiisinut Aqutsisoqarfik, Pinngortitaleriffik kiisalu Asiaq Naalakkersuisoqarfiup ataani immikkoortortaqarfiupput.

Akissarsiat aamma atorfininnermi atugassarititaasut
Akissarsiani aamma atorfininnermi atugassarititaasuni, tassungalu atorfininnermut soraarnermullu atatillugu angalanermut pequtinillu nassiussinermut akiliunneqarsinnaatitaaneq ilanngullugu, piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit atuuttut malinneqassapput. AC-fuldmægtigitut atorfinitsitsisoqassaaq, aammalu qinnuteqartunut piginnaaneqarfinnik uppernarsarneqarsinnaasunik eqqortunik pigisalinnut immikkut ittumik siunnersortitut/siunnersortaanertut atorfinitsitsinissaq neqeroorutigineqarsinnaavoq.

Sapaatit akunnerannut suliffiusussaq tunngaviusumik nal. ak. 40-nik sivisussuseqassaaq.

1. maaji 2023-mi imaluunniit tamatuma kingorna piaarnerpaamik atorfinitsitsisoqassaaq.

10. april 2023 qinnuteqarnissamut killigitinneqarpoq. Atorfinitsitsinissamut atatillugu ingerlaavartumik oqaloqateqartarpugut.

Inissiaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk